2 Samuelu 7
7
O le Sāvali a Natano ‘iā Tavita
(1 No 17.1-15)
1‘Ua nofo le tupu i lona fale; ‘ua maua fo‘i e ia le mapusaga mai le ALI‘I a‘i ē ‘ua ita ‘iā te ia uma i itū uma lava.#Teu 12.10; 25.19; 1 Tu 5.4 2‘Ona fai atu lea o le tupu ‘iā Natano le perofeta, “Fa‘auta mai ‘ea, ‘ou te nofo a‘u i le fale arasi, a o le ‘atola‘au a le Atua, ‘ua i ai ia i totonu o ‘ie puipui.”
3‘Ona fai mai lea o Natano i le tupu, “O mea uma ‘ua e finagalo i ai, maliu ane ia, ma e faia, auā o lo‘o ‘iā te oe le ALI‘I.”#1 Tu 8.17-18; 1 No 22.7; 28.2; Galu 7.46 4O lea lava po na tulei mai ai le afioga a le ALI‘I ‘iā Natano, ‘ua fa‘apea mai: 5Alu ia, ‘e te fai atu i la‘u ‘au‘auna o Tavita: O lo‘o fa‘apea ‘ona fai mai le ALI‘I: ‘E te faia ‘ea e oe se fale mo a‘u ‘ou te nofo ai.? 6Auā ‘ou te le‘i nofo i se fale talu mai le aso na ‘ou ‘aveina a‘e ai le fānauga a Isaraelu nai Aikupito, e o‘o i lenei lava aso; a ‘ua ‘ou fealua‘i i se fale ‘ie ma se fale fe‘avea‘i. 7O mea uma na ‘ou fealua‘i ai ma le fānauga a Isaraelu uma, pe na ‘ou fai atu ai ‘ea se ‘upu i se tasi itū‘āiga o Isaraelu,#7.7 itū‘āiga o Isaraelu: O nisi fa‘aliliuga; o ta‘ita‘i o Isaraelu. na ‘ou poloa‘i e leoleo i lo‘u nu‘u o Isaraelu, e fa‘apea, “Se a le mea tou te lē fai ai se fale arasi mo a‘u?”#Levi 26.11-12; Teu 23.14; 2 Samu 5.2; Sala 78.70; Amo 7.15
8O lenei, ‘ia fa‘apea ‘ona e fai atu i la‘u ‘au‘auna o Tavita: O lo‘o fa‘apea ‘ona fetalai mai o le ALI‘I o ‘au, O a‘u na ‘ou ‘aumaia oe a‘i le lotoā mamoe, na e mulimuli atu i mamoe, ‘ina ‘ia faia oe ma ta‘ita‘i i lo‘u nu‘u o Isaraelu. 9Sa ‘ou i ai fo‘i ‘iā te oe i mea uma na e alu i ai, ma ‘ou fa‘aumatia i ou luma ē na ita ‘iā te oe uma lava; na ‘ou faia fo‘i mo oe le igoa mamalu, pei o igoa o ali‘i tetele i le lalolagi. 10‘Ou te tu‘u atu fo‘i se mea e nofo ai lo‘u nu‘u o Isaraelu, ma ‘ou totōina i latou, e mau ai lava i lo latou lava nu‘u; e lē toe fa‘agae‘etia i latou, e lē toe fa‘asauā fo‘i ‘iā te i latou o ē amio leaga, e pei o anamua,#2 Tu 21.8; Sala 44.2; 80.8; 89.22; Iere 24.6; Amo 9.15 11e āfua mai i le aso na ‘ou tofia ai fa‘amasino e pule i lo‘u nu‘u o Isaraelu. ‘Ua maua fo‘i e oe le mapusaga mai ‘iā te a‘u i ē na ita ‘iā te oe uma lava; ‘ua ta‘u atu fo‘i e le ALI‘I ‘iā te oe, o le a faia e le ALI‘I sou ‘āiga. 12A fa‘a‘atoaina ou aso, ma e ta‘oto fa‘atasi ma ou tamā, ‘ona ‘ou fa‘atūina ai lea o so lau fānau pe a mavae atu oe, e tupu mai ai ‘iā te oe, ‘ou te fa‘atumauina fo‘i lona mālō.#Sala 89.3-4; 132.11; Ioane 7.42; Galu 2.30 13O ia lava na te faia se fale mo lo‘u igoa; ‘ou te fa‘atumauina fo‘i le nofoāli‘i o lona mālō e fa‘avavau. 14E fai a‘u mōna tamā, e fai fo‘i o ia mo‘u atali‘i; a agasala o ia ‘ou te a‘oa‘i atu ‘iā te ia ma le sasa a tagata, ma ta a tagata;#Sala 89.26-27; 2 Kori 6.18; Epe 1.5 15‘ae lē ‘ave‘eseina lo‘u alofa ‘iā te ia, pei ‘ona ‘ou ‘ave‘esea ‘iā Saulo, o lē na ‘ou ‘ave‘esea i o‘u luma. 16‘Ou te fa‘atumauina lou ‘āiga ma lou mālō e fa‘avavau i ou luma; e mausalī lou nofoāli‘i e fa‘avavau.#Sala 89.36-37
17E pei o nei ‘upu uma, ma nei mea uma ‘ua fa‘aalia mai, sa fa‘apea ‘ona tautala atu ai o Natano ‘iā Tavita.
O le Tatalo Fa‘afetai a Tavita
(1 No 17.16-27)
18‘Ona alu atu lea o le tupu o Tavita ma nofo atu i luma o le ALI‘I; ‘ona fai atu ai lea o ia, “Lo‘u Ali‘i e, le ATUA, o ai ‘ea a‘u nei? O ai fo‘i lo‘u ‘āiga ‘ina ‘ua e fa‘ao‘o mai ‘iā te a‘u i lenei aso? 19A o le mea itiiti lava lea ‘iā te oe, lo‘u Ali‘i e, le ATUA, a ‘ua e fetalai mai fo‘i i le ‘āiga o lau ‘au‘auna e o‘o i tupulaga amulī lava; lo‘u Ali‘i e, le ATUA e, e fa‘apenā ‘ea le masani a tagata?#2 Samu 7.12-13 20Se a fo‘i se ‘upu e toe tautala atu ai Tavita ‘iā te oe Auā o oe lo‘u Ali‘i e, le ATUA, ‘ua e silafia lau ‘au‘auna. 21‘Ona o lau afioga, e tusa fo‘i ma lou finagalo ‘ua e faia nei mea tetele uma, e fa‘ailoa mai ai i lau ‘au‘auna. 22O le mea lea e Sili ai oe le ALI‘I le Atua e; auā e leai sē tusa ma oe, e leai fo‘i se Atua na o oe lava, e tusa ma ‘upu uma na matou fa‘alogologo ai i o matou taliga.#Eso 15.11; Teu 3.24; 2 No 2.5; Sala 44.1; 86.8, 10; 89.6, 8; 96.4; 135.5; Isai 45.5; Iere 10.6; 1 Kori 8.5-6 23O ai ‘ea se tasi nu‘u i le lalolagi, e tusa ma lou nu‘u o Isaraelu lava, na afio mai ai le Atua e lavea‘i ‘iā te i latou o ē fai mōna nu‘u, ia ta‘ua ai lona suafa, ia fai fo‘i mā ‘outou mea tetele ma le mata‘utia, ‘ona o lou nu‘u, i luma o ou tagata na e lavea‘iina mo oe nai Aikupito, o nu‘u ‘ese ‘atoa ma o latou atua?#Teu 4.34 24‘Ua e fa‘atumauina mo oe o lou nu‘u o Isaraelu e fai mou nu‘u e fa‘avavau; o oe fo‘i o le ALI‘I, ‘ua fai oe mo latou Atua.#Eso 6.7; Teu 26.18 25O lenei, le ALI‘I le Atua e, o le afioga na e fetalai mai ai i lau ‘au‘auna ma lona ‘āiga ‘ia e fa‘atumau lea e fa‘avavau, ma e faia e pei ‘ona e fetalai mai ai; 26ma ‘ia fa‘amamaluina lou suafa e fa‘avavau, o lo‘o fa‘apea ane, ‘O le ALI‘I o ‘au, o ia o le Atua o Isaraelu;’ o le ‘āiga fo‘i o lau ‘au‘auna o Tavita, ‘ia fa‘atumauina lea i ou luma. 27Auā o oe le ALI‘I o ‘au, le Atua o Isaraelu ‘ua e fa‘aali mai i lau ‘au‘auna, ‘ua fa‘apea mai, ‘‘Ou te faia se ‘āiga mo oe;’ o le mea lea ‘ua manatu ai a‘u lau ‘au‘auna e tatalo ‘iā te oe i lenei tatalo.#2 Samu 7.11
28“O lenei, lo‘u Ali‘i e, le ATUA, o oe lava o le Atua, o au afioga e fa‘amaoni lava ia; ‘ua e fetalai mai fo‘i i lau ‘au‘auna i nei mea lelei. 29O lenei, ‘ia e finagalo ‘ia fa‘amanuia le ‘āiga o lau ‘au‘auna ‘ina ‘ia i ai i ou luma e fa‘avavau; auā o oe lo‘u Ali‘i e, le ATUA ‘ua e fetalai mai; o lau fa‘amanuia mai e manuia ai le ‘āiga o lau ‘au‘auna e fa‘avavau.”#Sala 89.28-29
Currently Selected:
2 Samuelu 7: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
