2 Peteru 3
3
O le Toe Afio mai o le Ali‘i
1Le ‘au pele e, ‘ou te tusi atu ‘iā te ‘outou lenei tusi e lua, o ia tusi, ‘ou te fa‘amafanafana atu ai i o ‘outou loto fa‘amaoni i lo‘u fa‘amanatu atu.#2 Pete 1.13 2‘Ina ‘ia ‘outou manatu ai i valo‘aga na fai mai e le ‘au perofeta pa‘ia, ma le poloa‘iga a le Ali‘i o le Fa‘aola lea, ‘ua ala mai ‘iā ‘outou ‘aposetolo. 3‘Ua muamua, ‘ona iloa o lenei mea, e ō mai i ona aso e gata ai o ē tauemu, latou te sāvavali e tusa ma o latou lava tu‘inanau.#Iuta 18 4E fa‘apea mai fo‘i i latou, “Ofea nei le folafolaga o lona afio mai?” Auā talu ‘ona momoe o le augātamā, ‘ua tūtūmau pea o mea uma talu ‘ona fa‘ato‘ā faia.#Isai 5.19; Eseki 12.22; Mata 24.48 5Auā latou te manana‘o ‘ia lilo lenei mea ‘iā te i latou, sa i ai le lagi talu anamua, ‘atoa ma le lalolagi na faia mai totonu o le vai e ala fo‘i i le vai ‘ona o le afioga a le Atua,#Kene 1.6-9 6o lea mea fo‘i sa fa‘aumatia ai le lalolagi tuai ‘ina ‘ua lofia i le vai.#Kene 7.11 7A o le lagi ma le lalolagi o ona pō nei ‘ua tu‘u mo le afi ‘ona o lea lava afioga, ‘ua tofia ai fo‘i mo le aso e fa‘amasino ai ma fano ai tagata fa‘alēmata‘u.
8‘Ae ‘aua ne‘i lilo ‘iā te ‘outou, le ‘au pele, lenei mea e tasi, e tusa i luma o le Ali‘i le aso e tasi ma tausaga e afe, o le afe fo‘i o tausaga e tusa ma le aso e tasi.#Sala 90.4 9E lē fa‘atuai mai le Ali‘i i le mea na folafolaina mai, fa‘apei o le manatu a isi tagata i le fa‘atuai; ‘ae peita‘i ‘ua ‘onosa‘i mai lava o ia ‘iā te ‘outou, ‘ona ‘ua lē finagalo ia fano se tasi, a ‘ia o‘o uma lava i le salamō.#Sapa 2.3; 1 Timo 2.4
10‘Ae sau le aso o le Ali‘i pei o se gaoi i le pō, e mavae‘eseina ai le lagi ma le gogolo tele, e te‘a ‘ese‘ese ai fo‘i o mea na fai a‘i ‘ina ‘ua mū; o le lalolagi fo‘i ma galuega o i ai e susunuina lava.#Mata 24.43; Luka 12.39; 1 Tesa 5.2; Fa‘aa 16.15 11O lenei, o le a te‘a ‘ese‘ese nei mea uma, pe fa‘apefea la ‘outou amio e tatau ai i le amio lelei ma le amio Atua. 12O lo‘o fa‘atalitali ma naunau atu ‘ia aulia mai le aso o le Atua, e te‘a ‘ese‘ese ai le lagi ‘ina ‘ua mū, e liu suāvai fo‘i o mea na fai a‘i ‘ina ‘ua mū? 13‘Ae fa‘atalitali i tatou i le lagi fou ma le lalolagi fou, pei o lana na folafola mai, e mau ai le amiotonu.#Isai 65.17; 66.22; Fa‘aa 21.1
14O lenei, le ‘au pele e, ‘ua ‘outou fa‘atalitali i ia mea, o lea ‘ia ‘outou finafinau ai lava ‘ina ‘ia maua ‘outou e ia ma le manuia, ‘ua lē ponā, ma le lē mata‘uleagaina. 15‘Ia ‘outou manatu o le ‘onosa‘i o lo tatou Ali‘i o le fa‘aolataga lea; fa‘apei ‘ona tusi atu ‘iā te ‘outou e Paulo lo tatou uso pele, e tusa ma le poto ‘ua foa‘iina atu ‘iā te ia. 16Fa‘apei o ana tusi uma lava, o lo‘o talatalaina ai nei mea; o i ai nisi ‘upu fa‘amatalagatā, ‘ua fa‘auiga‘eseina e tagata e le‘i a‘oa‘oina, ma ‘ua lē fa‘atumauina, fa‘apei o isi Tusi fo‘i e o‘o ai lo latou lava malaia.
17O lenei, le ‘au pele e, ‘ia ‘outou fa‘aeteete ‘iā te ‘outou, auā ‘ua mua‘i iloa e ‘outou, ne‘i ta‘ita‘i‘eseina ‘outou i le sesē o ē fa‘alētaupulea, tou te pa‘u‘ū ai i le mea sa ‘outou tumau ai.#Mare 13.5, 9, 33 18A ‘ia tutupu ‘outou i le alofa tunoa ma le poto i lo tatou Ali‘i, o lo tatou Fa‘aola lea o Iesu Keriso. ‘Ia ‘iā te ia le vi‘iga i ona po nei, ma ‘ia o‘o i le aso fa‘avavau. Amene.
Currently Selected:
2 Peteru 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.