2 Tupu 15
15
O Asaraia le Tupu o Iuta
(2 No 26.1-23)
1O le luafulu ma le fitu o tausaga o Ierepoamo le tupu o Isaraelu na fai ai ma tupu Asaraia#15.1 Asaraia: po o le isi ona igoa o Usia le atali‘i o Amasia le tupu o Iuta.#2 Tu 14.17, 21; 15.13, 30, 32, 34; 2 No 26.1; Mata 1.8 2O le sefulu ma le ono o ona tausaga na fai ai o ia ma tupu, e limagafulu ma le lua o tausaga na fai ai o ia ma tupu i Ierusalema. O le igoa fo‘i o lona tinā o Iekalia, o le Ierusalema ia. 3Na ia faia le amiotonu i luma o le ALI‘I e tusa ma mea uma na faia e Amasia lona tamā. 4A ‘ona le‘i ‘ave‘eseina o mea maualuluga; na fai pea taulaga e le nu‘u ma fa‘amū mea manogi i mea maualuluga.#2 Tu 14.4; 15.35 5Na taia fo‘i le tupu e le ALI‘I, ‘ua ‘avea ai ia ma lepela ‘ua o‘o lava i le aso na ia oti ai; na fale‘esea fo‘i o ia. A ‘ua pule Iotama le atali‘i o le tupu i le ‘āiga, ‘ua na fa‘amasino tagata o le nu‘u.#Levi 13.46; 2 Tu 15.32
6O toe o mea na faia e Asaraia ma mea uma na ia faia, e le‘i tusia ‘ea i le tusi o tala i nofoa‘iga a tupu o Iuta? 7‘Ua ta‘oto fo‘i Asaraia fa‘atasi ma ona tamā, ‘ua latou tanu fo‘i ‘iā te ia fa‘atasi ma ona tamā, i le ‘a‘ai o Tavita; ‘ona soloa‘i ane ai lea o lona atali‘i o Iotama e fai ma tupu.#Isai 6.1
O Sakaria le Tupu o Isaraelu
8O le tolugafulu ma le valu o tausaga o Asaraia le tupu o Iuta na fai ma tupu Sakaria le atali‘i o Ierepoamo ‘iā Isaraelu i masina e ono i Samaria. 9Na ia faia le amio leaga i luma o le ALI‘I, fa‘apei ‘ona faia e ona tamā; na lē te‘a ‘ese lava ia i agasala a Ierepoamo le atali‘i o Nepata, o lē na fa‘atupu le agasala ‘iā Isaraelu.#1 Tu 12.28-30 10‘Ua fōua fo‘i o ia e Saluma le atali‘i o Iapese, ‘ua na fasi ‘iā te ia i luma o le nu‘u, ‘ua fasioti fo‘i ‘iā te ia; ‘ona fai ai lea o ia ma tupu ‘ua sui a‘i o ia.
11O toe o mea na faia e Sakaria, fa‘auta, ‘ua tusia i le tusi o tala i nofoa‘iga a tupu o Isaraelu.
12O le afioga lea a le ALI‘I na tulei atu ‘iā Ieu, ‘ua fa‘apea atu, “E nonofo ou atali‘i i le nofoāli‘i o Isaraelu e o‘o i le fa o augātagata. Na fa‘apea lava ‘ona taunu‘u.”#2 Tu 10.30
O Saluma le Tupu o Isaraelu
13O le tolugafulu ma le iva o tausaga o Usia le tupu o Iuta na fai ai ma tupu Saluma le atali‘i o Iapese; o le masina ‘atoa fo‘i na fai ai o ia ma tupu i Samaria.#2 Tu 15.1
14Auā na alu a‘e Manaema le atali‘i o Kati nai Tiresa, ‘ua o‘o i Samaria, ‘ua fasi ‘iā Saluma le atali‘i o Iapese i Samaria, ‘ua fasioti ‘iā te ia, ‘ona fai ai lea o ia ma tupu ‘ua sui a‘i o ia. 15O toe o mea na faia e Saluma, ‘atoa ma le fouga na ia fou ai, fa‘auta, ‘ua tusia i le tusi o tala i nofoa‘iga a tupu o Isaraelu. 16‘Ona fasi ai lea e Manaema o Tipesa ma i latou uma sa i ai ma ona nu‘u e amata i Tiresa, auā na latou le tatala puipui ‘iā te ia ‘ua ia fasi ai; ‘ua ia fa‘atiau i fafine totō uma sa i ai.#2 Tu 8.12; Hose 13.16
O Manaema le Tupu o Isaraelu
17O le tolugafulu ma le iva o tausaga o Asaraia le tupu o Iuta na fai ai Manaema le atali‘i o Kati ma tupu o Isaraelu i tausaga e sefulu i Samaria. 18Na ia faia fo‘i le amio leaga i luma o le ALI‘I; o lona olaga uma e le‘i te‘a ‘ese ai lava i agasala a Ierepoamo le atali‘i o Nepata, o lē na fa‘atupu le agasala ‘iā Isaraelu. 19Na si‘i le tau‘a e Pula le tupu o Asuria i le nu‘u; a ‘ua avatu e Manaema o taleni ario e tasi le afe ‘iā Pula, ‘ina ‘ia na fesoasoani ‘iā te ia, ‘ina ‘ia uamau le mālō ‘iā te ia.#1 No 5.26 20Na togi tu fo‘i e Manaema o tupe ‘iā Isaraelu, i tagata sili uma e tamao‘āiga, ‘ina ‘ia avatu ai i le tupu o Asuria, ‘ia tofu ona tagata ma sekeli ario e limagafulu. ‘Ona fo‘i atu ai lea o le tupu o Asuria, ‘ua lē toe nofo ai i le nu‘u.
21O toe o mea na faia e Manaema ma mea uma na ia faia, o le‘i tusia ‘ea i le tusi o tala i nofoa‘iga a tupu o Isaraelu? 22‘Ua ta‘oto fo‘i Manaema fa‘atasi ma ona tamā; ‘ona soloa‘i ane ai lea o Pekasia lona atali‘i e fai ma tupu.
O Pekasia le Tupu o Isaraelu
23O le limagafulu o tausaga o Asaraia le tupu o Iuta na fai ai ma tupu Pekasia le atali‘i o Manaema ‘iā Isaraelu i Samaria e lua tausaga. 24Na ia faia fo‘i le amio leaga i luma o le ALI‘I, na ia le te‘a ‘ese lava i agasala Ierepoamo le atali‘i o Nepata, o lē na fa‘atupu le agasala ‘iā Isaraelu.#1 Tu 14.16 25A ‘ua fōua ia e Peka le atali‘i o Remalia o lana ‘ave ‘au, ‘ua ia fasioti fo‘i ‘iā te ia i Samaria i le ‘olo o i le fale o le tupu; o i latou ma Arekopa ma Arie, na ‘iā te ia fo‘i o tagata Kiliata o to‘alimagafulu; ‘ua ia fasioti lava ‘iā te ia, ‘ona fai ai lea o ia ma tupu ‘ua sui a‘i o ia.
26O toe o mea na faia e Pekasia, ‘atoa ma mea uma na ia faia, fa‘auta, ‘ua tusia i le tusi o tala i nofoa‘iga a tupu o Isaraelu.
O Peka le Tupu o Isaraelu
27O le limagafulu ma le lua o tausaga o Asaraia le tupu o Iuta na fai ai ma tupu Peka le atali‘i o Remalia ‘iā Isaraelu i Samaria i tausaga e luafulu. 28Na ia faia fo‘i le amio leaga i luma o le ALI‘I, na ia le te‘a ‘ese lava i agasala a Ierepoamo le atali‘i o Nepata, o lē na fa‘atupu le agasala ‘iā Isaraelu.
29O le nofoa‘iga a Peka le tupu o Isaraelu na sau ai Tikila-pilesa le tupu o Asuria, ‘ua na fao fo‘i Iono, ma Apela Petemaaka ma Ianoa ma Katesa ma Hasora, ma Kiliata ma Kalilaia, o le nu‘u uma o Nafatali; ‘ua na fa‘atāfeaina i latou i Asuria.#Iosu 11.1; 19.37; 2 Samu 20.14-15; 1 Tu 15.20; 2 Tu 16.7; 1 Tu 5.6; Isai 9.1
30‘Ua fōua fo‘i Peka le atali‘i o Remalia e Hosea le atali‘i o Ele, ‘ua na fasi ‘iā te ia ‘ua oti ai; ‘ona fai ai lea o ia ma tupu ‘ua sui a‘i o ia i le luafulu o tausaga o Iotama le atali‘i o Usia. 31O toe o mea na faia e Peka, ‘atoa ma mea uma na ia faia, fa‘auta, ‘ua tusia i le tusi o tala i nofoa‘iga a tupu o Isaraelu.
O Iotama le Tupu o Iuta
(2 No 27.1-9)
32O le lua o tausaga o Peka le atali‘i o Remalia, le tupu o Isaraelu, na fai ai ma tupu Iotama le atali‘i o Usia, le tupu o Iuta.#Mata 1.9 33O le luafulu ma le lima o ona tausaga na fai ai o ia ma tupu, e sefulu ma le ono fo‘i tausaga na fai ai o ia ma tupu i Ierusalema. O le igoa fo‘i o lona tinā o Ierusa le afafine o Satoka.#2 No 27.1-2 34Na ia faia fo‘i le amiotonu i luma o le ALI‘I; na ia faia e tusa ma mea uma na faia e Usia lona tamā. 35Na ‘ona le‘i ‘ave‘eseina mea maualuluga; na fai pea taulaga e le nu‘u ma fa‘amū mea manogi i mea maualuluga. ‘Ua faia e ia le faitoto‘a aupito i luga o le fale o le ALI‘I.
36O toe o mea na faia o Iotama, ‘atoa ma mea uma na ia faia, e le‘i tusia ‘ea i le tusi o tala i nofoa‘iga a tupu o Iuta?#2 No 27.7-9 37O ona po ia na amata ai e le ALI‘I ‘ona ‘a‘auina mai o Resina le tupu o Suria, ‘atoa ma Peka le atali‘i o Remalia e si‘i tau‘a ‘iā Iuta.#2 Tu 16.5; Isai 7.1 38‘Ua ta‘oto fo‘i Iotama fa‘atasi ma ona tamā, ‘ua tanumia fo‘i fa‘atasi ma ona tamā i le ‘a‘ai o Tavita lona tamā; ‘ona soloa‘i ane ai lea o Aasa lona atali‘i e fai ma tupu.
Currently Selected:
2 Tupu 15: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
