Sak. 5
5
Papí pénuimiu nanamu ímiaja̱i̱k wainma
1Ataksha paṉkain íimiaj tukamán papí pénuimiu nanamun wainkiamjai. 2Tura Yusa suntari̱ chichartak “¿Warí wáiniam?” turutmiai. Túrutkui chicharkun “Papí pénuimiu esantí̱ṉkia nuiwi mitru tura waṉkantí̱sha kuatru mitru nuyá̱ ajapén jeá nanamun wainjiai” tímiajai. 3Tutai chichartak “Ju̱ka yajauch yumiṉ ashí nuṉkanam akupnána nuiti turutmiai. Warí ju̱i̱ni̱ aarma tana nuja̱i̱ métek ashí kasa ainia nuka jí̱i̱kir aju̱i̱miu ártatui. Tura ántsaṉ Yusa náari̱n ántar páchiniak jú̱naka á̱a̱wini̱ aarma tana nuja̱i̱ métek jí̱i̱kir aju̱i̱miu ártatui” tímiayi. 4Ashí Akupin Uunt Yus chichaak “Ju̱ yumiṉnaka Wi akupkaitjiai. Tuma asa kasá je̱e̱ncha waya̱ttawai. Núnisaṉ Winia náarun ántar pachisar jú̱naka nuna je̱e̱ncha waya̱ttawai. Tura nu je̱a̱nam pujus nincha núnisaṉ je̱a̱ncha numirtiuk tura kayartuk amukártatui” tímiayi.
Nuwa̱ chaṉkin úuntnum eṉketu ímiaja̱i̱k wainma
5Nuya̱ṉka Yusa suntari̱ wiji̱a̱i̱ chichama nu jiinkí̱ chichartak “Yamaikia paṉkái̱ íimsam wantinia nu iistá” turutmiai. 6Túrutkui chicharkun “¿Ju̱sha warimpiait?” tímiajai tutai nisha chichartak “Ju̱ka nekapmatai̱ chaṉkiniaiti. Kame ashí nuṉkanmaya̱ aentsu yajauchiri̱ nekapmatai̱nti” turutmiayi. 7Nuya̱ṉka nekapmatai̱ etektutai̱ri̱ miniar jiruja̱i̱ najanamu uranmiayi. Túrunamtai nui̱ init nuwa̱ pujan wainkiamjai. 8Tura Yusa suntari̱ chichaak “Ju̱ka yajauchia nuiti” turutmiai. Nuna túruki chaṉkinium nuwa̱n shitiá eṉkeamai. Núnisaṉ etektutai̱ri̱ miniar jiruja̱i̱ najanamuncha naṉkía chaṉkinniaka ataksha etektukmai. 9Nuyá̱ ataksha paṉkái̱ íimiaj tukamán jimiará nuwa̱ nanape̱n takakainian nasen túpututu awajkí̱ wininian wainkiamjai. Tura chaṉkinian takuiyar nuṉkaja̱i̱ nayaimp ámanum ajapén inianásarmayi. 10Tura Yusa suntari̱n chicharkun “¿Chaṉkinniasha tui̱ juinia?” tusan aniasmajai. 11Tutai chichartak “Nuna je̱e̱n je̱a̱rtiaj tusar Senarnum juíniawai. Je̱e̱n iwiarainiak chaṉkin ni pujutai̱ri̱n apujsartatui” turutmiayi.
Currently Selected:
Sak. 5: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
