Wek. 17
17
Arauna wai̱ri̱ kuku̱jrukma
1Nuya̱ṉka Uunt Yus Muisaisan áujeak chicharuk 2“Israer shuar áujsarta túram ni shuari̱ uuntri̱ ainiana nuja̱i̱ métek aṉkant aṉkant chikichik wai̱k chikichik wai̱k tuse wai̱ achikta. Túram aṉkant aṉkant ni wai̱ri̱i̱n ni naari̱ áatkarta. 3Tura Riwí shuara wai̱ri̱nkia Arauna naari̱ áatrata. Warí, ni shuari̱ uuntri̱ áiniana nuja̱i̱ métek aṉkant aṉkant ní wai̱ri̱niak takusartatui. 4Túram nú wai̱kia Yus Shiir Awajtai̱ Je̱e̱n Yus Aentsja̱i̱ Chícham Najanamu Eṉketai̱ pujamunam eem Wi atumji̱a̱i̱ wainniaikiattajna nui̱ naka matsasárta. 5Tura Wi yana anaikiattaj nú aentsu wai̱ri̱ṉkia kuku̱jrúktatui. Nuna túran Wisha ántamunmaṉ Israer shuar atumín yajauch chichartamprumna núnaka iniaimiatkiasartatjai” tímiayi.
6Muisaiska Israer shuarja̱i̱ chichasarmiayi tura ni shuari̱ uuntri̱ armia nuka wai̱n súsarmiayi. Uuntri̱ armia nuka aṉkant aṉkant ní wai̱ri̱n ní wai̱ri̱n súsaram ashikia tuse wai̱ ajasmiayi. Tura Arauna wai̱ri̱sha nui̱ páchitkia ámiayi. 7Tura Muisaiska Yus Shiir Awajtai̱ Je̱e̱n Uunt Yussha íimmianum wainkia ikiusármiayi. 8Nuya̱ṉka kashin tsawantai̱ Yus Shiir Awajtai̱ Je̱e̱n wayá̱ Muisais iyaj tukamá Riwí shuara Arauna wai̱ri̱ je̱e̱r kuku̱jruk nerek armintru tsamakú akatainian wainkiamiayi. 9Túrunamtai Uunt Yus íimmianumia̱ ashí wai̱n Muisaiska jusa Israer shuaran iniaktusarmiayi. Nuna wáinkiar Israer shuarka aṉkant aṉkant ni wái̱ri̱n júkiarmiayi. 10Nuya̱ṉka Uunt Yus Muisaisan chicharuk “Araunka wai̱ri̱ṉkia ataksha awaiṉkim Yus Aentsja̱i̱ Chícham Najanamu Eṉketai̱ pujamunam eem naka ikiusta. Kame nuja̱i̱ Israer shuar umichu ainia nu enentáimpraratⁱ tusam ikiusta. Tura Winia yajauch chichartuiniaksha jákara̱i̱ṉ tusam nuja̱i̱ itiatmamtikiartatme” tímiayi. 11Tura Uunt Yus timia nuna Muisaiska umíak tímiatrusaṉ mash túramiayi. 12Túrasha Israer shuarka Muisaisan áujenak chicharainiak “¡Maa nekaata iikia amuukir wénaji! ¡Ausha peṉké amukártatji! ¡Maaj iikia ashí amukártatji! 13Uunt Yus Shiir Awajtai̱ Je̱e̱n yaaksha weankuṉka jakattawai. Kame ¿iikia ashik amukártatajⁱ?” tiármiayi.#17:13 Wek. 18:1-32 Shuar chichamnum yapaji̱áchmaiti.
Currently Selected:
Wek. 17: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
