Mks. 1
1
Uunt Yus Israer shuaran waitnentrarma
1Uunt Yus Israer shuaran ju̱ chicham ujakárta tusa Marakíasan akatrámiayi. 2Uunt Yuska chichaak “Wikia aneemiajrume” túrasha átumka chichartakrum “¿itiura iincha aneṉkratmiam? tú aimtsurmek” tawai Uunt Yus. “Warí ¿Esaú Jakupa yáchi̱nchuka? tuma ai̱ṉ Jakupnaka anemiajai 3tura Esaunka nakitran ni náintri̱nkia emestukan ni nuṉke̱n kampuntin atsú najatan yajasma matsamtai̱ awajtúsmajai.” 4Tura Etum aents chichainiak “Iikia emeskamuitji tura ánkisha ataksha ii pépruri̱ iwiarkartatji” tuíniakui Ashí Akupin Uunt Yus chichaak “Nisha iwiarkartatui túrasha Wi emestukartatjai” tíniuiti. Nu túrunamtai “Yajauch aents matsamtai̱” tura nú arant “Uunt Yusa kajetáiri̱ji̱a̱i̱ iniaṉnatsuk kajerkámu pepru” tunattawai. 5Tura atumek ímiatrusrum wainkiarum chichaakrum “Israer nuṉka náṉkatkana nu arant tí nekas Uunt Yus naṉkamantu awajsamu atí” títiatrume.
Yus shiir enentáimtustinian niisháa túrinian
6Ashí Akupin Uunt Yus chichaak “‘Uchisha ni aparí̱n umirainiawai núnisaṉ takarniusha ni úuntri̱n umirainiatsuk. Wisha ¿Ápachukaitiaj tura Úuntchakaitiaj? Tuma ai̱sha ¿urukamtai wíniaka ashampratsrum?’ Kame átumka Yúsnan takarniutiram Winia shiir awajtúschiatrum ‘¿Urutái ame náarmesha nakitraitiajⁱ?’ túruttsrumek. 7Tura Yus sutai̱nium yurumak súrakrumsha yajauch súrayatrum ‘¿Itiur túrakria yajauchisha awajeajⁱ?’ tákuram ‘Yus awa̱sar sútai̱ṉkia muí̱jmiainti’ tu enentáimturearme. 8Núnisaṉ Yus shiir awajtakur áestutai̱niam taṉku kusurú itiamarum ¿nuka yajauchichuka? Tura taṉku wekaicha jaa surusmarum ¿nusha yajauchichukait? Wats atumí uuntri̱ súsakua shíirash enentáimturmasat tura warartamsatpiash” tawai Ashí Akupin Uunt Yus. 9“Wats yamaikia nekas enentáiji̱a̱i̱ Yus waitnentrampraintiajti tusarum seatarum” tawai Ashí Akupin Uunt Yus. “Túrasha ánin súatirmincha itiurak waitnentrampratarum. 10Antsu atumíya̱ peṉké ántar taṉkun maa áesturawara̱i̱ṉ tusa Yusa Je̱e̱ wáitiri̱n epetri̱ṉkia maak áchaintiash. Wikia atumniaka shiir enentáimtatsjarme tura taṉku máarum surarmena nunasha peṉké nakitiajai. 11Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus. 12“Túrasha átumka yajauch enentáimin asarum Winia taṉku maa súrakrum tura shiir awajtainmasha nútiksarmek yurumkasha yajauchiti tu enentáimkiuram péṉkercha awajsaitrume. 13Nu arantcha ‘Yamaikia Yus áestuatin yawe̱tkíji’ tusarum nakitrarme. Nu túrakrum taṉku kasamkámu, tunamáru, jaa surakrum ju̱ja̱i̱ waraschatpiash tusarum surarmena nuna ¿wakeruktatjak? Antsu núja̱i̱ṉkia akajtukurme” tawai Uunt Yus. 14“Kame yaaksha ni murikrí̱ya̱n áishmaṉ péṉkeran takakuk Yus áestuatniun susatjai táyat yapaji̱á murik tunamárun súakka anaṉma asa yajauchiji̱a̱i̱ yumiṉkramuiti. Wikia Ashí Naṉkamantu Úunt Akupin Yúsaitjiai. Tura ashí nuṉkanmasha winia Naarka ashammainti” tíniuiti Ashí Akupin Uunt Yus.
Currently Selected:
Mks. 1: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
