Riw. 19
19
Péṉker túrakur tunaarincha ajasár pujustin
1Uunt Yus Muisaisan chicharuk 2“Ashí Israer shuar iruram chicharkum warí Wi atumí Uunt Yusri̱ peṉké tunaarincha asamtai atumsha núnisrumek tunaarincha átiniaitrume tiartá. 3Aṉkant aṉkant atumí aparí̱ tura nukurí̱sha arantúktarum. Ayamtai̱ tsawant Winia asamtai arantúktarum. Wi Uunt Yus atumí Yusri̱ntji̱a̱i̱. 4Nakumkar najanamu yus enentáimtusairap tura jiru unuikrum yus najatmamawairap. Warí, Witjiai Uunt Yus atumí Yusri̱. 5Uunt Yus wararsattsam taṉku maar áestuatin suákmeka shiir enentáimtus péṉkeraiti turamminiana nu susata. 6Kame mantamna nú tsawantini̱ṉ núja̱i̱nchu kashin yúatniuiti. Antsu menaintiú tsawantincha tuke ampiniármataikia nuka jinium áesatniuiti. 7Kame menaintiú tsawantin ishichkisha nuna yuaṉka mui̱jmiai̱ ajawai tura nu susamusha ántar juáktatui. 8Nuna yuaṉka Uunt Yus akantúkman mui̱jmiai̱ awajka asa niṉki makumartatui. Tura nu aentska ní shuari̱ya̱ṉka ji̱i̱kmia átiniaiti. 9Atumí nuṉke̱n árak juwakrumsha tsukiṉtiá tímianaiṉkia júu juuka awajsashtiniaitrume. Tura juuka umikiátam ataksha waketrukim júu juusaip. 10Tura uwa juwakmesha takamtsuk júu juusaip núnisaṉ nuṉká kakekamtaisha nusha juukaip. Nuka aents kuítrincha tura írar yajaya̱ áiniana nu ikiurkiarta. Warí, Witjiai Uunt Yus atumí Yusri̱.
11Kasamkaip tura waitrutcha waitruawaip núnisrumek nuamtaksha mái̱ ánaṉnai ajairap. 12Uunt Yusa naari̱ imiatkímpra awajkuram Winia naar pachisrum wáitrakrum ‘Wáitrakui̱sha Yus íisarti’ tiirap. Witjiai Uunt Yus. 13Ame írutramuram wáitkiasaip tura kasartasha kasarkaip. Takakmasu akiktinia nu kashin akiktajme timi emettuawaip. 14Empekua nu yajauch chicharkum yumiṉkraip tura kusurua nusha tukumtikiam aju̱a̱raip antsu ame Yúsrum ashamkata. Wi Uunt Yus asan tajai. 15Itiurchat ákuisha wáurkamsam sumamtikiawaip. Kuítrinchasha úuntri̱sha nekasa nuja̱i̱ métek sumamtikiakum yáiṉkiaraip. Antsu ame shuarum nekasa nuja̱i̱ mái̱ metek tímiatrusmek sumamtikiawarta. 16Kame péprunam wekasam tsanumkiní̱ wekaiwip. Ame írutramuram mátaj tu enentáimtusaip. Witjiai Uunt Yus. 17Ame yátsum enentáimji̱a̱i̱ nakitiakum mui̱jmiai̱ enentáimtusaip. Antsu ni tunaari̱n wisha makuntra̱i̱j tusam péṉker chicharkata. 18Ame shuarumi uchirí̱ yapajkiartaj tiip tura suirsha enentáimtusaraip. Antsu nuka túrutsuk ame shuarumka ame aya̱shim aneamna tímiatrusmek aneawarta. Witjiai Uunt Yus. 19Wi akupkámu áiniana nu péṉker enentáimtusrum umiktarum. Tura yajasmásha nuamtak weanmaya̱nchu chíkich yajasmaja̱i̱ achimtikiairap. Núnisrumek araksha chíkich arakja̱i̱ pachimprarum arakairap. Ántsarmek pushisha chíkich jiu nusháa jiuja̱i̱ pachimprar najanamu entsarairap.
20Kame nuwa̱ iniatai̱ anajmanairu túrasha akikmatkar sumakchamu núnisaṉ aṉkantcha súsachma chíkich áishmaṉja̱i̱ tsaniṉ kanarka ti kakaram asutniáwartiniaiti túrasha nuwa̱ aṉkant súsachma asamtai mantamnachartatui. 21Nú aishmaṉka makumarmanum áestuatniun Uunt Yusai̱ Yus Shiir Awajtai̱ Je̱a̱ wá̱i̱ti̱a̱i̱ri̱n murik áishmaṉkan itiatniuiti. 22Tura makumarmanum murik áishmaṉ áestuatin itiamuja̱i̱ Yúsnan pujurin yajauch túramu tumashri̱n Uunt Yus íimmianum nú aishmaṉkan tunáa túramunam akikmatkattawai. Nuna túramtai tunáa túramunmaṉka tsaṉkurnartatui.
23Tura nu nuṉkanam waya̱rum pujusrum yuraṉ arakrumsha emka nerekma júutsuk iniaisattarme. Menaintiú uwí júutsuk pujustatrume tura nere̱sha yúashtatrume. 24Tura uwí kuátrutinkia ashí neré̱ Yusna akantúkma Uunt Yus wararkur ántrarik súsatin. 25Antsu uwí séṉkutinkia nuna núkap nerekarat tusarum araka nere̱ṉka yuáttarme. Warí, Witjiai Uunt Yus atumí Yusri̱. 26Warinia numpeṉsha yúashtiniaitrume. Núnisrumek nekamin átincha tura uwishniumatniusha enentáimtusairap. 27Kame intiashmi tsakari̱sha tsupirairap tura susurmi tsakari̱sha emestukairap. 28Amé shuar jakamtai kúntuts nekapeakum útkum aya̱shmíin wariji̱a̱i̱ṉsha akamaraip. Tura aya̱shmíincha wariṉsha nakumkam najankaip. Witjiai Uunt Yus. 29Ame nawantrum aya̱shi̱n súrin nuwa̱ awajsam mui̱jmiai̱ natsan awajkaip. Nu ashí nuṉkanam jamantrámtai tí yajauch piakai. 30Ayamtai̱ tsawant Winia tsawantur asamtai arantúktarum tura Yus Shiir Awajtai̱ Je̱a̱rsha shiir enentáimtusrun tsuntsumpruátarum. Witjiai Uunt Yus. 31Kame jaká wakaní̱n untsurín áiniana tura nekamin áiniana nu atumsha untsukairap utsumaka̱i̱j tusarum. Witjiai Uunt Yus. 32Jemperuru wainkiamka wajatkitia. Tura uunt áiniana nuka arantúkmaja̱i̱ naat awajsatarum túrakrun atumí Yusri̱ ashamkattarme. Witjiai Uunt Yus. 33Yajaya̱ aents atumí nuṉke̱n atumji̱a̱i̱ pujakuisha wáitkiasairap. 34Tura yajaya̱ aents taa atumín pujakuiṉkia aents tuke pujuwa nútiksarum enentáimtustarum. Ame aya̱shim aneamna tímiatrusam aneata. Warí Ejiptunam atumsha írarauyarme. Warí, Witjiai Uunt Yus atumí Yusri̱.
35Itiurchat ákuisha tura esaram nekapmatai̱ji̱a̱i̱sha nuyá̱ kijin nekapmatai̱ji̱a̱i̱sha núnisaṉ entsa nekapmatai̱ji̱a̱i̱sha péṉkercha túrawairap. 36Kame esaram nekapmatai̱ nuyá̱ kijin nekapmatai̱sha núnisaṉ entsa nekapmatai̱sha nekasa nuja̱i̱ métek ainia takustarum. Warí, Witjiai Uunt Yus atumí Yusri̱ Ejiptunmaya̱ atumniaka ji̱i̱rmarmiarmena nu. 37Tura chícham umiktin nuyá̱ akupkámu umiktin Wi najankamuka ashí arantúktarum túrakrum péṉker enentáimtusrum umiktarum. Witjiai Uunt Yus” Yus tímiayi.
Currently Selected:
Riw. 19: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Riw. 19
19
Péṉker túrakur tunaarincha ajasár pujustin
1Uunt Yus Muisaisan chicharuk 2“Ashí Israer shuar iruram chicharkum warí Wi atumí Uunt Yusri̱ peṉké tunaarincha asamtai atumsha núnisrumek tunaarincha átiniaitrume tiartá. 3Aṉkant aṉkant atumí aparí̱ tura nukurí̱sha arantúktarum. Ayamtai̱ tsawant Winia asamtai arantúktarum. Wi Uunt Yus atumí Yusri̱ntji̱a̱i̱. 4Nakumkar najanamu yus enentáimtusairap tura jiru unuikrum yus najatmamawairap. Warí, Witjiai Uunt Yus atumí Yusri̱. 5Uunt Yus wararsattsam taṉku maar áestuatin suákmeka shiir enentáimtus péṉkeraiti turamminiana nu susata. 6Kame mantamna nú tsawantini̱ṉ núja̱i̱nchu kashin yúatniuiti. Antsu menaintiú tsawantincha tuke ampiniármataikia nuka jinium áesatniuiti. 7Kame menaintiú tsawantin ishichkisha nuna yuaṉka mui̱jmiai̱ ajawai tura nu susamusha ántar juáktatui. 8Nuna yuaṉka Uunt Yus akantúkman mui̱jmiai̱ awajka asa niṉki makumartatui. Tura nu aentska ní shuari̱ya̱ṉka ji̱i̱kmia átiniaiti. 9Atumí nuṉke̱n árak juwakrumsha tsukiṉtiá tímianaiṉkia júu juuka awajsashtiniaitrume. Tura juuka umikiátam ataksha waketrukim júu juusaip. 10Tura uwa juwakmesha takamtsuk júu juusaip núnisaṉ nuṉká kakekamtaisha nusha juukaip. Nuka aents kuítrincha tura írar yajaya̱ áiniana nu ikiurkiarta. Warí, Witjiai Uunt Yus atumí Yusri̱.
11Kasamkaip tura waitrutcha waitruawaip núnisrumek nuamtaksha mái̱ ánaṉnai ajairap. 12Uunt Yusa naari̱ imiatkímpra awajkuram Winia naar pachisrum wáitrakrum ‘Wáitrakui̱sha Yus íisarti’ tiirap. Witjiai Uunt Yus. 13Ame írutramuram wáitkiasaip tura kasartasha kasarkaip. Takakmasu akiktinia nu kashin akiktajme timi emettuawaip. 14Empekua nu yajauch chicharkum yumiṉkraip tura kusurua nusha tukumtikiam aju̱a̱raip antsu ame Yúsrum ashamkata. Wi Uunt Yus asan tajai. 15Itiurchat ákuisha wáurkamsam sumamtikiawaip. Kuítrinchasha úuntri̱sha nekasa nuja̱i̱ métek sumamtikiakum yáiṉkiaraip. Antsu ame shuarum nekasa nuja̱i̱ mái̱ metek tímiatrusmek sumamtikiawarta. 16Kame péprunam wekasam tsanumkiní̱ wekaiwip. Ame írutramuram mátaj tu enentáimtusaip. Witjiai Uunt Yus. 17Ame yátsum enentáimji̱a̱i̱ nakitiakum mui̱jmiai̱ enentáimtusaip. Antsu ni tunaari̱n wisha makuntra̱i̱j tusam péṉker chicharkata. 18Ame shuarumi uchirí̱ yapajkiartaj tiip tura suirsha enentáimtusaraip. Antsu nuka túrutsuk ame shuarumka ame aya̱shim aneamna tímiatrusmek aneawarta. Witjiai Uunt Yus. 19Wi akupkámu áiniana nu péṉker enentáimtusrum umiktarum. Tura yajasmásha nuamtak weanmaya̱nchu chíkich yajasmaja̱i̱ achimtikiairap. Núnisrumek araksha chíkich arakja̱i̱ pachimprarum arakairap. Ántsarmek pushisha chíkich jiu nusháa jiuja̱i̱ pachimprar najanamu entsarairap.
20Kame nuwa̱ iniatai̱ anajmanairu túrasha akikmatkar sumakchamu núnisaṉ aṉkantcha súsachma chíkich áishmaṉja̱i̱ tsaniṉ kanarka ti kakaram asutniáwartiniaiti túrasha nuwa̱ aṉkant súsachma asamtai mantamnachartatui. 21Nú aishmaṉka makumarmanum áestuatniun Uunt Yusai̱ Yus Shiir Awajtai̱ Je̱a̱ wá̱i̱ti̱a̱i̱ri̱n murik áishmaṉkan itiatniuiti. 22Tura makumarmanum murik áishmaṉ áestuatin itiamuja̱i̱ Yúsnan pujurin yajauch túramu tumashri̱n Uunt Yus íimmianum nú aishmaṉkan tunáa túramunam akikmatkattawai. Nuna túramtai tunáa túramunmaṉka tsaṉkurnartatui.
23Tura nu nuṉkanam waya̱rum pujusrum yuraṉ arakrumsha emka nerekma júutsuk iniaisattarme. Menaintiú uwí júutsuk pujustatrume tura nere̱sha yúashtatrume. 24Tura uwí kuátrutinkia ashí neré̱ Yusna akantúkma Uunt Yus wararkur ántrarik súsatin. 25Antsu uwí séṉkutinkia nuna núkap nerekarat tusarum araka nere̱ṉka yuáttarme. Warí, Witjiai Uunt Yus atumí Yusri̱. 26Warinia numpeṉsha yúashtiniaitrume. Núnisrumek nekamin átincha tura uwishniumatniusha enentáimtusairap. 27Kame intiashmi tsakari̱sha tsupirairap tura susurmi tsakari̱sha emestukairap. 28Amé shuar jakamtai kúntuts nekapeakum útkum aya̱shmíin wariji̱a̱i̱ṉsha akamaraip. Tura aya̱shmíincha wariṉsha nakumkam najankaip. Witjiai Uunt Yus. 29Ame nawantrum aya̱shi̱n súrin nuwa̱ awajsam mui̱jmiai̱ natsan awajkaip. Nu ashí nuṉkanam jamantrámtai tí yajauch piakai. 30Ayamtai̱ tsawant Winia tsawantur asamtai arantúktarum tura Yus Shiir Awajtai̱ Je̱a̱rsha shiir enentáimtusrun tsuntsumpruátarum. Witjiai Uunt Yus. 31Kame jaká wakaní̱n untsurín áiniana tura nekamin áiniana nu atumsha untsukairap utsumaka̱i̱j tusarum. Witjiai Uunt Yus. 32Jemperuru wainkiamka wajatkitia. Tura uunt áiniana nuka arantúkmaja̱i̱ naat awajsatarum túrakrun atumí Yusri̱ ashamkattarme. Witjiai Uunt Yus. 33Yajaya̱ aents atumí nuṉke̱n atumji̱a̱i̱ pujakuisha wáitkiasairap. 34Tura yajaya̱ aents taa atumín pujakuiṉkia aents tuke pujuwa nútiksarum enentáimtustarum. Ame aya̱shim aneamna tímiatrusam aneata. Warí Ejiptunam atumsha írarauyarme. Warí, Witjiai Uunt Yus atumí Yusri̱.
35Itiurchat ákuisha tura esaram nekapmatai̱ji̱a̱i̱sha nuyá̱ kijin nekapmatai̱ji̱a̱i̱sha núnisaṉ entsa nekapmatai̱ji̱a̱i̱sha péṉkercha túrawairap. 36Kame esaram nekapmatai̱ nuyá̱ kijin nekapmatai̱sha núnisaṉ entsa nekapmatai̱sha nekasa nuja̱i̱ métek ainia takustarum. Warí, Witjiai Uunt Yus atumí Yusri̱ Ejiptunmaya̱ atumniaka ji̱i̱rmarmiarmena nu. 37Tura chícham umiktin nuyá̱ akupkámu umiktin Wi najankamuka ashí arantúktarum túrakrum péṉker enentáimtusrum umiktarum. Witjiai Uunt Yus” Yus tímiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.