Riw. 18
18
Tsanirmatin surimkiámu
1Uunt Yus Muisaisan chicharuk 2“Israer shuar chicharainiakum Wi Uunt Yus atumí Yúsri̱ntjiai tawai tiartá. 3Ejiptu nuṉkanam átum pujumiarmena nuyá̱ túrutaiṉkia túrawairap. Núnisrumek Wi yaruakan Kanaan nuṉkanam ejetajrumna nui̱, nuyá̱ aentsu túrutairi̱ ainia nusha túrawairap. 4Antsu umiktin chichaman Wi najanamiaj nu umíakrum péṉker túratarum. Nútiksarmek nuke enentáimtusrum wekasatarum. Wi Uunt Yus atumí Yúsri̱ntjiai. 5Wi umiktin chichaman najanamiaj nuna aents umíakka nekas iwiaaku wekasattawai. Wikia Úunt Yusaitjiai.
6Áishmaṉ chikichkisha ní shuarnumia̱ nuwa̱ja̱i̱ tsanirmashti. Wikia Úunt Yusaitjiai. 7Ame nukuja̱i̱ tsanirmakum apa wishikraip. Warí niṉkia ame núkuiti. Tuma asamtai tsanirmashtiniaitme. 8Ame apá nuwe̱ja̱i̱ tsanirmawaip. Warí nuka ame apanuiti. 9Ame nekas umai̱mi̱ji̱a̱i̱ tsanirmawaip. Núnismek apai̱ya̱ṉsha túrutskesha nukui̱ya̱ṉsha nui̱ṉ tura arant akiiniaitkiuisha tsanirmawaip. 10Ame uchirmi nawantri̱ji̱a̱i̱ tura nawantrumi nawantri̱ji̱a̱i̱sha tsanirmawaip. Warí nuka ame aya̱shmikiti. 11Ame apá nuwé̱ nawantri̱ji̱a̱i̱ tsanirmawaip. Ame apa yajutmarmaiti. Warí umai̱miti tuma asamtai niji̱a̱i̱ tsanirmashtiniaitme. 12Ame apá umai̱ji̱a̱i̱ tsanirmawaip. Warí ame apá numpe̱ṉketi. 13Nútiksamek ame nukú kai̱ji̱a̱i̱sha tsanirmawaip. Warí ame nukú numpe̱ṉketi. 14Ame kaná apá nuwe̱ja̱i̱ tsanirmawaip. Warí áminkia kaná nukuiti. 15Ame najatmiji̱a̱i̱ tsanirmawaip. Warí ame uchirmi núwe̱nti. Tuma asamtai niji̱a̱i̱ tsanirmashtiniaitme. 16Ame yatsumi nuwe̱ja̱i̱ tsanirmawaip. Warí nuka ame yatsumniaiti. 17Nuwa̱ ni nawantri̱ji̱a̱i̱ ápateakum tsanirmawaip. Tura ame nawantrumi nawantri̱ji̱a̱i̱sha nuyá̱ uchirmi nawantri̱ji̱a̱i̱sha tsanirmawaip. Warí ame shuar ásarmatai nuka peṉké natsanmainti. 18Ame nuwem iwiaakai̱ṉ kai̱ji̱a̱i̱ ápateakum tsanirmawaip. Warí nuamtak nemasmanaikiartatui. 19Nuwa̱ nantú wáiniuja̱i̱ tsaniṉkiaip. 20Núnismek ame yatsumi nuwe̱ja̱i̱ tsanirmawaip, nu túrakmeka ame iwiaakmaram yajauch awajsattame. 21Tura najanamu yus Muruk áestuataj tusam ame uchiram susaip. Nu túrakmeka ame Úunt Yusrumi naari̱ ti yajauch awajsattame. Warí Wiki Úunt Yusaitjiai. 22Tura nuwa̱ja̱i̱ tsanirmatia nútiksamek áishmaṉja̱i̱sha tsanirmawaip. Nuka peṉké muí̱jmiainti. 23Núnisaṉ yajasmaja̱i̱sha tsanirmawairap ántsaṉ nuwa̱sha yajasmaja̱i̱ tsanirmashti. Nuna túrakka peṉké yajauchin túraiti.
24Kame ashí ju̱ yajauch ainia nu túrakrum utsumákairap. Warí nu yajauchin utsumákaru ásarmatai átum waya̱krumin nu aentsnaka amuktatjai. 25Warí nú nuṉkaka ti yajauch ajasuíti tuma asamtai Wi ni yajauchiri̱n iirsan asutiámjai. Áintsaṉ nú nuṉkasha ni aentsri̱n mui̱ṉki̱ imiaktinia nútikia ajapamai. 26Tuma asamtai Israer shuartirmesha tura yajaya̱tiram nui̱ pujarmena nusha mui̱jmiai̱ya nuka túrutsuk umiktin chichaman Wi akupkámiaj nu umiktarum. 27-28Kame nú nuṉkanam yaunchu pujuarmia nu ashí nu yajauchin túruiniak mui̱jmiai̱ ajasármiayi. Túrawaru ásarmatai nu nuṉkasha ti yajauch ajasmiayi. Tuma asa nú nuṉka mui̱ṉtinia núnik imiakmia nútikias atumniasha imiutmaka̱i̱rum nu yajauch utsumákairap. 29Tuma asamtai yaaksha ashí nu yajauchin túrana nuka ni aentsri̱ya̱ akankimiu átatui. 30Nu túruna asamtai wi akupkámu umiktin chicham umíakrum péṉker túratarum. Yaunchu túrawarmia núnis mui̱jmiai̱ túrakrum yajauch ajasáirap. Wi atumí Uunt Yusri̱ asan tájarme” tímiayi.
Currently Selected:
Riw. 18: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Riw. 18
18
Tsanirmatin surimkiámu
1Uunt Yus Muisaisan chicharuk 2“Israer shuar chicharainiakum Wi Uunt Yus atumí Yúsri̱ntjiai tawai tiartá. 3Ejiptu nuṉkanam átum pujumiarmena nuyá̱ túrutaiṉkia túrawairap. Núnisrumek Wi yaruakan Kanaan nuṉkanam ejetajrumna nui̱, nuyá̱ aentsu túrutairi̱ ainia nusha túrawairap. 4Antsu umiktin chichaman Wi najanamiaj nu umíakrum péṉker túratarum. Nútiksarmek nuke enentáimtusrum wekasatarum. Wi Uunt Yus atumí Yúsri̱ntjiai. 5Wi umiktin chichaman najanamiaj nuna aents umíakka nekas iwiaaku wekasattawai. Wikia Úunt Yusaitjiai.
6Áishmaṉ chikichkisha ní shuarnumia̱ nuwa̱ja̱i̱ tsanirmashti. Wikia Úunt Yusaitjiai. 7Ame nukuja̱i̱ tsanirmakum apa wishikraip. Warí niṉkia ame núkuiti. Tuma asamtai tsanirmashtiniaitme. 8Ame apá nuwe̱ja̱i̱ tsanirmawaip. Warí nuka ame apanuiti. 9Ame nekas umai̱mi̱ji̱a̱i̱ tsanirmawaip. Núnismek apai̱ya̱ṉsha túrutskesha nukui̱ya̱ṉsha nui̱ṉ tura arant akiiniaitkiuisha tsanirmawaip. 10Ame uchirmi nawantri̱ji̱a̱i̱ tura nawantrumi nawantri̱ji̱a̱i̱sha tsanirmawaip. Warí nuka ame aya̱shmikiti. 11Ame apá nuwé̱ nawantri̱ji̱a̱i̱ tsanirmawaip. Ame apa yajutmarmaiti. Warí umai̱miti tuma asamtai niji̱a̱i̱ tsanirmashtiniaitme. 12Ame apá umai̱ji̱a̱i̱ tsanirmawaip. Warí ame apá numpe̱ṉketi. 13Nútiksamek ame nukú kai̱ji̱a̱i̱sha tsanirmawaip. Warí ame nukú numpe̱ṉketi. 14Ame kaná apá nuwe̱ja̱i̱ tsanirmawaip. Warí áminkia kaná nukuiti. 15Ame najatmiji̱a̱i̱ tsanirmawaip. Warí ame uchirmi núwe̱nti. Tuma asamtai niji̱a̱i̱ tsanirmashtiniaitme. 16Ame yatsumi nuwe̱ja̱i̱ tsanirmawaip. Warí nuka ame yatsumniaiti. 17Nuwa̱ ni nawantri̱ji̱a̱i̱ ápateakum tsanirmawaip. Tura ame nawantrumi nawantri̱ji̱a̱i̱sha nuyá̱ uchirmi nawantri̱ji̱a̱i̱sha tsanirmawaip. Warí ame shuar ásarmatai nuka peṉké natsanmainti. 18Ame nuwem iwiaakai̱ṉ kai̱ji̱a̱i̱ ápateakum tsanirmawaip. Warí nuamtak nemasmanaikiartatui. 19Nuwa̱ nantú wáiniuja̱i̱ tsaniṉkiaip. 20Núnismek ame yatsumi nuwe̱ja̱i̱ tsanirmawaip, nu túrakmeka ame iwiaakmaram yajauch awajsattame. 21Tura najanamu yus Muruk áestuataj tusam ame uchiram susaip. Nu túrakmeka ame Úunt Yusrumi naari̱ ti yajauch awajsattame. Warí Wiki Úunt Yusaitjiai. 22Tura nuwa̱ja̱i̱ tsanirmatia nútiksamek áishmaṉja̱i̱sha tsanirmawaip. Nuka peṉké muí̱jmiainti. 23Núnisaṉ yajasmaja̱i̱sha tsanirmawairap ántsaṉ nuwa̱sha yajasmaja̱i̱ tsanirmashti. Nuna túrakka peṉké yajauchin túraiti.
24Kame ashí ju̱ yajauch ainia nu túrakrum utsumákairap. Warí nu yajauchin utsumákaru ásarmatai átum waya̱krumin nu aentsnaka amuktatjai. 25Warí nú nuṉkaka ti yajauch ajasuíti tuma asamtai Wi ni yajauchiri̱n iirsan asutiámjai. Áintsaṉ nú nuṉkasha ni aentsri̱n mui̱ṉki̱ imiaktinia nútikia ajapamai. 26Tuma asamtai Israer shuartirmesha tura yajaya̱tiram nui̱ pujarmena nusha mui̱jmiai̱ya nuka túrutsuk umiktin chichaman Wi akupkámiaj nu umiktarum. 27-28Kame nú nuṉkanam yaunchu pujuarmia nu ashí nu yajauchin túruiniak mui̱jmiai̱ ajasármiayi. Túrawaru ásarmatai nu nuṉkasha ti yajauch ajasmiayi. Tuma asa nú nuṉka mui̱ṉtinia núnik imiakmia nútikias atumniasha imiutmaka̱i̱rum nu yajauch utsumákairap. 29Tuma asamtai yaaksha ashí nu yajauchin túrana nuka ni aentsri̱ya̱ akankimiu átatui. 30Nu túruna asamtai wi akupkámu umiktin chicham umíakrum péṉker túratarum. Yaunchu túrawarmia núnis mui̱jmiai̱ túrakrum yajauch ajasáirap. Wi atumí Uunt Yusri̱ asan tájarme” tímiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.