Jus. 1
1
Uunt Yus Jusuin ju̱ takat umikta tusar súamu
1Yúsnan takarin Muisais jakamtai Muisaisa yáintri̱n Nuuna uchirí̱n Jusuin Uunt Yus chicharuk 2“Winia takartin Muisais jaka asamtai yamaikia ame Israer shuar Jurtan entsanam ikiati̱á̱rarta. Wi atumín nuṉkan amasuítjiarmena nui̱ wétiniaitrume. 3Wi Muisaisan tímiaj núnisnak amincha yamái tájame. Ashí nuṉka najatraktak naṉkarattarmena nuka atumnia ártatui. 4Jet aents matsatainia nú nuṉkanmaani̱ núnisaṉ etsa̱ tatainmaani̱ Yúpratis entsanam tura nantu akatainmaani̱ṉkia Uunt Nayantsa tímianai nuyá̱ arakaani̱ṉkia kampuntin atsunumia̱ juarki̱ Ríwianu nuṉka tesamu náṉkatkana tímianai mash atumí nuṉke̱ ártatui. 5Tura ame iwiaaku pujuttamna nui̱ṉkia peṉké nupettamkachartatui. Wi Muisaisan pujurmiaj núnisnak amincha pujursattajme. Peṉké ikiukchattajme tura peṉkesha iniaisashtatjame. 6Kakaram ajasta tura sapijmiakaip. Warí ámetme nu nuṉka ame shuarum nakaram súsartatmena nu. Warí Wi yaunchu atumí we̱a̱trí̱n chicharkun ‘atumín amastatjai’ tíchakaitiaj. 7Tuma asamtai kakaram ajasta. Túram winia takartin Muisais akupkámia nusha mash umikta. Amesha nu ashí umíakum Wiji̱a̱i̱ péṉker wekasattame. 8Wi akupkámu umiktin chicham aarma nu áujat peṉké iniaisaip. Túrakum tsawai̱sha káshisha nu tuke enentáimtusta. Kame ashí nui̱ aarma ainia nu nekaam péṉker umikminiam. Nu túrakmeka ashí ame túrittiamna nusha péṉker arutmáttawai. 9Wi ame Úunt Yusrum asan akupeajme, sapijmiatsuk tura yawe̱tsuk kakaram ajasta. Warí Wi ame Yúsrumchakaitiaj. Tuma asan tuí̱ṉkish wétatmena nui̱sha pujurtiatjame.” Uunt Yus nuna tímiayi Jusuin.#1:9 Jus. 1:10-18 Shuar chichamnum yapaji̱áchmaiti.
©2009 Avant Ministries in cooperation with Wycliffe Bible Translators, Inc. All rights reserved.