Jiin. 31

Ayamtai̱ tsawant

1-5 Uunt Yus Muisaisan chicharuk “Jutanmaya̱ Pisaríirnaka achikmiajai túran Yusa Wakaní̱n áimprukan nekatai̱n ju̱na túratniun súsaitjiai. Kuriji̱a̱i̱ takastinian nuyá̱ kuít jiruja̱i̱ núnisaṉ yaṉkú jiruja̱i̱ tura shíirmach kayaja̱i̱ anujrar nuyá̱ numiji̱a̱i̱ takakmastinian tura ashí chíkich takakmastin írunna núja̱i̱sha súsaitjiai.

6-11 Núnisnak Tánnumia̱ Uriapan yaintkiat tusan achikmiajai. Wariji̱a̱i̱ṉsha najankatniun nekaatniun yúpichuch súsaruitjiai. Nuka ju̱ áiniawai. Yus Shiir Awajtai̱ Je̱a̱, Yus Aentsja̱i̱ Chícham Najanamu Eṉketai̱ etektutai̱ji̱a̱i̱, awa̱tai̱ piniṉji̱a̱i̱, shirikip kurimkiamu, najankamu irunmia núurtiuk, kuṉkuin aestai̱, namaṉ aestai̱ takakmatai̱ armia núurtiuk, uwej nijiatai̱ tépakmartiuk, Araun uchirí̱ji̱a̱i̱ Yúsnan takarkur entsatái̱ pushí, ukattai̱ asuiti, nuyá̱ Ti Shiir Tesamu ukattai̱ kuṉkuin itiur túratarum tinia akupkámajrum ímiatrusrumek túratarum” tímiayi Yus.

12Nu arant Uunt Yus Muisaisan chicharuk 13“Ame Israer shuar chicharainiakum ‘Ayampratin tsawantrun ti nekas arantúkarti. Warí Wi ayampratin tesamua nu átum tuke enentáimtakrumin ukunmasha atumí tiraṉki̱sha nuyá̱ tiraṉki̱sha Wi Uunt Yus asan atumíin imiatkincha awajeajrumna nuna paant nekanattawai. Jiin. 20:8-11 14Ayamtai̱ tsawantka akankar shiir awajsamu asamtai atumínia̱ arantúktatrume. Nu tsawantan arantachuka tsaṉkurnatsuk maamu átatui. Núnisaṉ yaaksha nu tsawantin takakmakka mantamnattawai. 15Aya sais tsawantchik atumí takatri̱ takattarme antsu siati tsawantka ayampratin tsawant Uunt Yúsnaiti. Tura nu tsawantin aents takakmakka ti nekas mantamnattawai. 16Tura chícham najanamua nuna uminiak Israer shuarsha núnisaṉ tiraṉki̱sha nuyá̱ tiraṉki̱sha ayamtai̱ tsawantnaka tuke enentáimtin ártatui.’ 17Jú̱naka Wi Israer shuaran tuke enentáimtin ártatui tusan paant awajtuiniajai. Warí Uunt Yus nayaimpincha tura nuṉkancha sais tsawantini̱ṉ najanak umir, siati tsawantinkia ayampramiayi” Uunt Yus tímiayi. 18Núnisaṉ Senainium Yus Muisaisja̱i̱ chichasua umik jimiará kayanam Akupkámu Umiktin Chichaman Yus ni uwejé̱ja̱i̱ áarman susamiayi.

Currently Selected:

Jiin. 31: jiv

Highlight

Copy

Compare