Istr. 10
10
Martukíu uuntri̱ ajamu
1Úunt akupin Asueruka nuṉká matsatáinia nusha núnisaṉ nayantsa yantamén pujuinia nusha úunt akupin kuit súsatniua núnaka ímiatrusaṉ akikmarti tusa akupkámun najanamiayi. 2Tura Martukíu uuntri̱ ajas pujumia nui̱ ashí ni túramuri̱sha núnisaṉ ni kakarmari̱sha áitkiasaṉ úunt akupin páantin awajeak papin najanamia nusha Mítiamaya̱ tura Pírsianmaya̱ Úunt Akupin Túrunawarma Aatai̱ papí ainia ¿nuí̱ṉchuk aakma ainia? 3Martukíuka Israer shuarauya nuka tí paantniuyayi. Túrasha aya úunt akupin Asueru niji̱a̱i̱ naṉkaamas úuntauyayi. Tuma asamtai Israernumka niṉkia untsurí aents shiir enentáimtiarmiayi tura ántsaṉ arantúkmauyayi. Ni shuari̱ péṉker matsamsarat tusa wakerak aṉkant pujusárat tusa chichampriniuyayi.
©2009 Avant Ministries in cooperation with Wycliffe Bible Translators, Inc. All rights reserved.