1 Pit. 5
5
Yus shuara uuntri̱ túratin
1Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai. 2Yus shuar ame íistiniaitmena nu, péṉker iistá, murikiu wáinin ni murikrí̱n wainnia áintsamek. Nakittsuk shiir enentáimsam túrata Yus wakerana nuke. “Chíkich akupta asamtai túrattajai” tútsuk tura nuja̱i̱ kuítrintin ajastin enentáimtsuk Yusa takatri̱ asamtai nekas wakeritia. 3Túrasha “Yus shuara uuntri̱ ajasan Yus shuaran akuptiaj” tu enentáimsaip. Antsu shiir túramurmiji̱a̱i̱ Yusa murikrí̱ jintintiata. 4Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.
Yus shuarti umirnaikiatin
5Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34 6Wats, Yus timiá kakaram asamtai amek nekamam péejchach enentáiji̱a̱i̱ enentáimtumasta. Nuiṉkia tsawant jeamtai ni wakerak Yus ámin peṉkeri̱ awajtámsattawai. 7Yus ámin ti enentáimturmakui ame itiurchatrum ainia nu Yus ashí íktusta.YKan. 40:17
8Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai. 9Tura tuke Yus nekas enentáimtusrum surimiaktarum. Ashí nuṉkanam Yusai̱ atumí yachi̱ ainia nu átum wáitiarmena núnisaraṉ wáitiainiawai. Nusha kajinmakchatniuitrume. 10Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji. 11Nú Yusnasha ashí aents shiir enentáimtusarti. Tura ashí aentsnum ni kakarmari̱ tuke atí. Nuke atí.
Umíak áujmamma
12Serpanuja̱i̱ ju̱ papin ishichik áarmaj nuna akupeajai. Serpanu Yusja̱i̱ péṉker wekaak Yusai̱ winia yatsur ajasuíti, núnaka nékajai. Yus waitnentrama asa tí yaintmakmania nuna ju̱ papiji̱a̱i̱ enentáimtikiajrume. Tura tuke ni waitnenkartutairi̱i̱n wekasatarum tájarme.
13Papirúnianmaya̱ atumji̱a̱i̱ métek Yus achikma ainia nu amikmátmarme. Winia uchir Márkus núnisaṉ amikmátmawai.
14Yusai̱ yachi̱ ajasu asarum anenaisrum shiir awajnáisatarum. Jesukrístunu ajasuitrumna nuna Yus aṉkant shiir pujustinian suramsarat tusan wakerajai.
Nuke atí.
Currently Selected:
1 Pit. 5: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.