RANGANIHA 22
22
1Nikâ na angelo ki hagabâsiê renia na ve oto ni mêriha, i togatoga manga na hê ahe. Ngaia ki gogo me tenia na atohaterua raha God ma na Karena Sipi, 2ma ki gogo ki râ suria na tara na hinua raha. Igê na akerena na ve ki ura na apinige ni mêriha, ma i ta akerena nikâ. Ngairerua karu hunguhungu hagetangahuru matarerua i na ara ni harisi, hagetage i na ara ni hageha. Ma na ahani ka hagakomagara na enoni hato i maveta renigi. 3Igê na hinua raha ka pe goga igê na marâ, God i ngaritenigi.
Na atohaterua God ma na Karena Sipi ki page gâga i hinua raha, ma na kariana ka page rahesia God. 4Ngaira ka page bâsia, ma ka page segea na atana igê na raeta. 5Na bungiana ki mareha, ma ngaira ka pe obanigi na laiti, se vi na arito, suria na Araha God ki page mavesira, ma ngaira ka page araha tare ki bê ki arâ.
Na râha me iana o Jesu
6Ma hemuri na angelo ki vi tangê, ki vi: “Na tamasinga ngegê ka monari, ma ka hagêguritogo renigi. Ma na Araha, i angarira na poropete renia na Higona Apu, ngaia ki bani hagatorangenia na angelo iana, hanana i hagagirara na kariana renia na marâ, i sugia ma vi ge voravora me.”
7O Jesu ki vi: “Rongo! I sugia ma vi ve râ me! Ga babarisi na enoni, ga râ surigi na tamasinga, i segegi na poropete igê na buka ikê!”
8Inê Joane, kê bani rongogi ma kê bani bâsigi na marâ hato ngegê. Ma na matena gê rongogi ma kê bâsigi hato, inê kê susure, hanana gê rahesia na angelo, i hagabâsiê renigi na marâ ngegana. 9Ma ngaia ki vi tangê, ki vi: “E, siana! Inê na kariana God ma nogaku! Inê na tamamu ma na tamata na goamu, na poropete, ma na enoni hato, ga râ surigi na tamasinga igê na buka ikê. Rahesia nga God nga!” 10Ma ngaia ki vi tangê, ki vi: “Siana ko pinihigi na tamasinga, i segegi na poropete igê na buka ikê, suria na marâ hato ngegana ka page sugia ma, vige vora me. 11Manga na enoni, ma ki tanu era, naka vê marena, ke ama ni tanu era nga. Manga na enoni, ma ki bera, naka vê marena, ke ama ni bera nga. Manga na enoni, ma ki koro, naka vê marena, ke ama ni koro nga. Ma ki manga na enoni, ma ki paronga koro ma oto i maana God, naka vê marena, ke ama ni paronga koro ma oto nga i maana God.”
12O Jesu ki vi: “Rongo! Sugia ma vi ve râ me! Inê be migirâ me na meni, ma be vatea na ara ni enoni na mena na parongana. 13Inê ki na Alapa ma na Omega, i vi na nagona ma na murina, na haganegahana ma na hagahatongina.”
14Ga babarisi na enoni, ga tananigi na tuguni iata, ka matarotaro. Manga ngekê, ki ararira, ga ngaua na guana na apinige ni mêriha, ma ka taratara banu igê na hinua raha. 15Ma i metara na hinua raha ka page oga igê na enoni, i aharêsira na eraha, ma na enoni ga hekuasi, na enoni ga tanu era, na enoni ga henahu, na enoni ga hagarapera na ataro, ma na enoni ga hagahagaparu igê na tamasinga ma igê na marâ, ga tanugi.
16“Inê, Jesu, inê kê bani hagatorangenia na angelo iaku, hanana i hagarongogamu igê na hakuta na enoni, ga tongesuri, renigi na tarani ngegana. Inê ki na raraha iana o Tavite. Inê ki na higu ni tangi, i mave.”
17Na Higona Apu ma na Gete êragi haoru karu vi: “Râ me!”
Na anima na enoni, ma ki mamata na riona, râ me! Na anima na enoni, i obania, vi tonomia purua na ve na mauriha, râ me!
Na hagahatongina
18Inê Joane, inê kê haganunua ngavê na ara ni enoni, i rongogi na tamasinga, na poropete i segegi igê na buka ikê. Manga ta na enoni, ma ki hagatonganigi na tamasinga ngegê renia ta na marâ, God ki page hagaraha na hagaitangiha tanga henigi na mamasiaganiha, ga bani segegi igê na buka ikê. 19Ma ki manga na enoni, ma ki kasia râ ta na tamasinga tenigi na tamasinga iana na poropete igê na buka ikê, God ki page tavogi râ tenia na anina na guani na apinige ni mêriha, ma anina na agua igê na Hinua Apuna, ga bani segegi i na buka ikê.
20Na ani, i hagatanga monari renigi na marâ hato ngegana, ngaia ki vi, “Monari ngavê! I sugia ma vi ve râ me!”
Monari! Araha Jesu, gu râ me!
21Na korohana na Araha Jesu ke aharêsigamu igamu hato.
Currently Selected:
RANGANIHA 22: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
