KI 63
63
Ga tangasia God#Na ki iana o Tavite, matena i oga igê na masusu i Juta. #
1God, igo ki na God iaku.
Inê kê tangasigo.
Inê kê magêsigo igê na aitangihaku,
manga na mako, i aruga ma ki rikitaga,
ki obania bâraha na rangi.
Manga na mako, i bêrataga, ki obania na rangi,
inê kê magêsigo.
2Inê kê obania, be bâsigo i ruma ni rotu.
Inê kê obania, be bâsigi na raramohamu raha
ma na bâbâhamu raha.
3Na takuiha tarema iamu ki koro teharia na mauriha.
Tahema inê be hagarahasigo.
4Inê be visigo koro suria na maurihaku hagenani.
Inê be rahesigo ma be avarasigo.
5Igo ko katoa na korohamu, ki angariê ngavê,
menê be kirigo ma be vagevagesigo.
6Matena gê tâtâ i bea, inê kê takusigo.
Suria na bungiana hagenani igo ko goga i na aitangihaku,
renia igo ko tamaniê tare.
7Inê kê kirigo ma kê vagevagesigo,
suria igo ko anumasiê manga na kua,
i hagarukunira na karena i bebena.
8Inê kê tê surigo,
ma igo ko tauê gatagata,
hanana go anumasiê.
9Na enoni, ka uhungia, viga nahuiê kê meme,
ngaira ka so igê na agua iata na enoni,
ga bani me noga.
10Ngaira ka page meme igê na hearihatana,
ma na o vasiga ka page ngaugi na gahuata.
11Na maneraha ki page vagevage,
suria God ki katoa, ki tehateha.
Na enoni, ga tohetohe renia God, matena ga surusuru,
ngaira ka page hagarahasia.
Ma na enoni ni hagaparunga
ka page muni na harata.
Currently Selected:
KI 63: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
