KI 135
135
Hagarahasia na Araha i teha
1Hagarahasia na Araha!
Igamu na kariana na Araha,
mu hagarahasia na atana.
2Mu hagarahasia na Araha,
igamu mu oga i ruma iana na Araha,
i Ruma ni Rotu iana God iaka.
3Mu hagarahasia na Araha,
suria ngaia ki koro.
Mu hagarahasia, ke rongo raha na atana,
suria ngaia ki mamahata.
4Ngaia ki bani atea o Jakobo tanga marena,
ma na Isiraelita nogata.
5Inê kê girara, vi na Araha iaka ki teha.
Ngaia ki teharira na ara ni ataro hato.
6Ngaia ki katogi na ani ma vê na marâ, i obanigi,
i vavearo ma i maveta,
i asi ma i na rutuni.
7Tenigi na botoni na maveta
ngaia ki katogi na tarê heroga.
Ngaia ki katogi na marangea igê na roga raha,
ma ki nakagi na roga, ka hura tenigi na atohata.
8I Esipito ngaia ki nahuira ka meme
na bêbê ni kare hato igê,
na enoni ma na marâ getera nikâ.
9I ngekana ngaia ki katogi na mena ma na tagaraha raha,
hanana i hagaitangira na maneraha ma na kariana hato.
10Ngaia ki erasira ngavê na enoni i na agua getegi,
ma ki nahuira ka me na maneraha raramohaga igê.
11Ngaira ka no Sihone, na maneraha iata na Amorita,
o Oko, na maneraha ni Basani,
ma ara ni maneraha hato i Kanani.
12Ngaia ki haganahunira na Isiraelita, na kariana,
renigi na agua ma na mako iata.
13Na atamu, Araha, ki rongo raha tare ma tarema.
Na enoni hato ka page hagarahasigo.
14Na Araha ki page rohe pusira na kariana,
ma ki page takuira ma ki tamanira.
15Na ataro iata na enoni getera#Ps 115.4-8; Rev 9.20.
na enoni ka tagarahira
renigi na siliva ma na golo.
16Ngaira ka tonga na harata,
ma ki asa, vige tamasi.
Ngaira ka tonga na maata,
ma ki asa, vige bâbâ.
17Ngaira ka tonga na karingata,
ma ki asa, vige rongorongo,
ma ki asa, vige manavaso.
18Na enoni hato, ga tagarahira ma ka hagarapera,
ke usurira na nununi na ataro iata!
19Mu hagarahasia na Araha, igamu na Isiraelita!
Igamu na mane ni hagarahenga iana God, mu hagarahasia.
20Mu hagarahasia na Araha, igamu na raraha iana o Levi.
Igamu hato mu rahesia, mu hagarahasia.
21Mu hagarahasia na Araha i Sione,
i Jerusaleme na hinua iana.
Hagarahasia na Araha!
Currently Selected:
KI 135: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
