KI 132
132
Na ki ni tangiana raha na Ruma ni Rotu
1Araha, gu takusia o Tavite
ma na ara ni mamasiaganiha, ga tarahua.
2Araha, gu takusia aporo na suruha iana,
na tohenga iana tangago, God raramohaga hunigo,
o Jakobo ki rahesigo.
3Ngaia ki tohe, ki vi ngaia:
“I asa hagetage be râ i pasiku,
se be tâ i banaku.
4I asa hagetage be mamaro se be mauru,
5mataro me kê torea na ruma tanga na Araha,
na agua tanga God raramohaga hunia, o Jakobo ki rahesia.”
6Na tamasinga renia na Bokesi na Suruheri#2 Ch 6.41-42.
igami kami rongoa i Beteleme,
ma kami tarahua igê na bena i Jearimi.
7Igami kami vi: “Ge râ i ruma iana na Araha.
Ge rahesia igê na atohana.”
8Araha, gu mebanu me i Ruma ni Rotu na Bokesi na Suruheri,
na girarana na raramohamu raha,
ma ku goga tare ikê.
9Na mane ni hagarahenga iamu ke paronga koro ma ke oto tare,
ma na kariamu ke ngerengere vagevage.
10Igo ko bani suru tanga o Tavite, na kariamu.
Araha, siana ko murisigea na maneraha, go bani atea.
11Igo ko bani tohe tanga o Tavite,#2 S 7.12-16; 1 Ch 17.11-14; Ps 89.3-4; Ac 2.30
ma ki asa, vigu tohe vero.
“Inê kê page atea na hitangita o karemu,
ki page maneraha urusigo.
12Manga o karemu ma ka marupea na suruheri iaku henira,
ma ka râ surigi na ramata, gê hagesurira renigi,
o kareta nogata ka page maneraha heheuri urusigo tare.”
13Na Araha ki bani atea Sione.
Ngaia ki obania, vi goga i ngekana.
14Ngaia ki vi: “Ikê be goga tare igê.
Ikê nga inê kê obania, vigê araha igê.
15Inê be vatea nga Sione na marâ hato, i obanigi,
ma be hagangêra masu na enoni matareha igê.
16Na mane ni hagarahenga igê inê be aganarira
igê na ara ni tagaraha hato iata.
Ma na kariaku ka page kiki
ma ka page ngerengere vagevage.
17Ikê inê be atea igê na hitangita na raraha iana o Tavite,#1 K 11.36
ke maneraha, ke rongo raha na atana.
Ikê inê be katoa ke tâtâ nga
na arahanga iana na maneraha, gê bani atea.
18Inê be hagamakira bâraha na merongana.
Ma na arahanga iana ki page raharaha
ma ki page katoa na ramana.”
Currently Selected:
KI 132: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
