KI 124
124
God ki anumasira na kariana#Na ki iana o Tavite.
1Manga vi na Araha, ma ki pe bani ngahisigia, ki hega?
Mu aramia, igamu na Isiraelita!
2“Manga vi na Araha, ma ki pe bani ngahisigia,
matena na merongaka ka sugarigia, ki hega?
3Ngaira ke bani nahuigia ke me hagetage
igê na mangariaganiha raha iata tangagia.
4Na maganuha ki bani tora hagamagahurugia.
Na ve ki bani su henigia,
5ma na aripo ki bani koromenigia.”
6Ge visia koro na Araha,
suria ngaia ki pe hagamarumungenira na merongaka, ke ngasigia.
7Igia ka bani tahi manga na manu tenia na basu.
Na basu ki tatari ma igia ka tahi.
8Na Araha, i hagavorarerua na vavearo ma na ano,
ngaia nga ki tamanigia.
Currently Selected:
KI 124: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
