JONA 2
2
O Jona ki urisi parongana ma ki tahi
1I obana na ega o Jona ki avarasia na Araha God, i rahesia. Ngaia ki vi:
2Igê na anumanumaha iaku
inê kê avarasigo Araha,
ma igo ko aganariê.
Tenia na agua iata na enoni, ga bani me hato
inê kê avarasigo
ma igo ko tê ringeku.
3Igo ko kasiê vato igê na rutuni
i porona na asi, i kokoro ngavê,
ma ko katogi na navo ka bobo huriê.
4Inê kê tako munimuni kê vi,
vi igo ko paiê tenigo maremu.
Ma ki asa iaku, ve rahesigo nikâ
i Ruma ni Rotu iamu.
5Na asi ki arobo huriê,
ma kê manavanava.
Na asi ki buhiê hagenani ngavê.
Na rauga ni asi ka hikohikoê.
6Inê kê vato kere so ngavê
igê na gatani na maveta,
igê na agua ga arâ su igê.
Ma igo, Araha God iaku,
ko hagatahiê tenia na agua ngekana.
7Matena gê meme noga,
inê kê avarasigo, Araha.
Ma igo ko aganariê
i Ruma ni Rotu apuna iamu.
8Na enoni, ga vogasira na ataro,
ka pe nahuni ramoha.
Ngaira ka bani rumakaka,
vige toto surigo.
9Ma inê be ki be visigo raha,
ma be vogasigo.
Inê be hagamonarigi na suruha iaku tangago.
Igo nga na Araha ki na tahinga.”
10Ma hemuri na Araha ki katoa na ega, ki momoatenia banu i one o Jona.
Currently Selected:
JONA 2: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
