ESERA 10
10
Na tarana na hatongiana na êragiha hetorariga
1Matena i susure o Esera ki tubê so ki nunginungi i maana na ruma ni rotu, ki angi ma ki ranganigi na tasi ngegana, rako era na Isiraelita, na mane, na gete ma na kare, ka arurume rihia. Ngaira ka angiangi ngavê. 2Hoi, o Sekania karena o Jegiele tenia na apaparaha iana o Elama ki vi tanga o Esera, ki vi: “Igami kami pe toto suria God, suria mi êragira na gete ga pe Siu. Henaka i manga ngekana, ma i Isiraele ki araria i ama ni hagêguritogo nga. 3Hoi, igami ki tuguhigami, vigami tohetohe tanga God iaka, vi igami kami page kasira aporo na gete ngegana henira na kareta. Igami kami page arâ surigi na tamasinga iami, igo ma na enoni getera, mu marupegi na ramata iana God. Igami kami page marupegi nogamami na ramata iana God. 4Gu aharaga! Gu katoa na tarana i tuguhigo vigo katoa. Igami i murimu. Hoi, gu katoa nga!”
5Vikê o Esera ki aharaga ma ki katora na ani ga raha i berarogata na mane ni hagarahenga ma ni vogasiha ma i berarogata na enoni getera, ka tohe, vi ngaira ka arâ suria na katoha iana o Sekania. 6Hemuri ngaia ki râ pania na mahera i maana na ruma ni rotu ma ki banu igê na kiboru iana o Joganane karena o Eliasibi ma ki oga i ngekana suria na bungiana. Ngaia ki pe ngê ma ki pe tono rârâ, suria ngaia ki rugu na obana renira na enoni, ga bani râ me tenia i Babilonia ma ka pe toto suria God.
7Na meraha iata na enoni ka kasia na rongoha suria i Jerusaleme ma i Juta, vi na enoni hato ga bani aporo me tenia i Babilonia ka hakuhaku me i Jerusaleme. 8Manga vi na enoni ma ki pe arâ me i raroni na tangiani gi oru, ngaia ka page taugi na nahuninga iana tenia ma ka page hatungia râ tenia na haku iata na Siu. 9I raroni na tangiani gi oru igê na tangahuruta gi rua na tangiana igê na sivata na hageha, na mane hato i na apanena iaterua hegitigi o Juta ma o Benamino ka râ i Jerusaleme ma ka hakuhaku igê na mahera i maana na ruma ni rotu. Ki rangi raha. Ma ngaira hato ka tatata, suria i tangi era ma suria ga hekarigi renia na tarana i raha teha.
10O Esera na mane ni vogasiha ki aharaga, ki tamasi tangara, ki vi: “Isiraelita, igamu kamu murisigea God ma kamu hagaratemi maremi, suria mu êragira na gete ga pe Siu. 11Hoi, mu ranganigi na tasi iami tanga na Araha God iata na êvarimi, ma kamu katogi nga na tarani i obanigi. Mu makuku tenira na enoni ahuroto ga oga igê na agua iaka, ma kamu kasira vê na gete iami ga pe Siu.”
12Na enoni hato ka ngere, ka arami, ka vi: “Hoita! Igami kami page katogi na ani mavê na marâ go visigi.” 13Ma ngaira ka vi nikâ: “Na enoni ka rako era ma ki rangi raha. Igami ki bara, vigami ura tatara so ma ikê. Na tarana ngekê ki bara vige hagaotoa igê na tangiana gi tage se vi gi rua, suria ga rako na hitangimami ka êragi hetarênge ma ka tasi. 14Igami kami takusia vi na enoni raha iamami kaniga oga so i Jerusaleme ma ka hagaotoa na tarana ngekana. Ma hemuri ngaira hato na mane êragira na gete ga pe Siu, ka hakuhaku me nga igê na matena tanga henira na enoni raha ma na mane ni hagaotonga i hinua ikê. Vikana igia ka girara ga tahitahi tenia na mangariaganiha iana God.” 15Ngaira hato ka aganaria na tarana ngekana, nga noga ma ngairerua o Jonatana karena o Asaele ma o Jagesia karena o Tikiva. O Mesulama o Sabetai na mane ni hagarahenga kani garu pane henirerua.
16Na Isiraelita ga bani hura tenia i Babilonia ka aganaria na katoha ngekana. Vikana o Esera na mane ni vogasiha ki atera na mane i berarogata na bêni na apaparaha ma ki segegi so na atata. Igê na tangiana hagenago igê na tangahuruta na hageha ngaira ka haganega ka gari. 17Ma surigi na hageha gi oru i muri ngaira ka garigarigi na êragiha hetorariga iata na mane henira na gete ga pe Siu.
Na mane ga êragi hetorariga henira na gete ga pe Siu
18Na atata na mane ga êragi hetorariga, kani igê:
I berarogata na mane ni vogasiha:
o Maseia, o Eliesere, o Jaribi ma o Getalia tenia na hagosi ninuni
iata o Jesua karena o Josataka ma o vesina.
19Ngaira ka tohe, viga
kasira na gete iata ma ka susu renia na sipi mane tanga na
bonoteniha ni tasi iata.
20O Ganani ma o Sebatia tenia na hagosi ninuni iana o Imere.
21O Maseia, o Elia, o Semaia, o Jegiele ma o Usia tenia na hagosi ninuni
iana o Garimi.
22O Elioenai, o Maseia, o Jisimaele, o Netanele, o Josabata ma o Elasa
tenia na varo ninuni iana o Pasure.
23I berarogata na mane ni hagarahenga: o Josabata, o Simi, o Kelaia, ga
hêtana nikâ vi o Kelita, o Petagia, o Jehuta ma o Eliesere.
24I berarogata na mane ni kiha: o Eliasibi.
I berarogata na mane ni anumasiana na ruma ni rotu: o Salumu, o Teleme
ma o Uri.
25I berarogata na ani getera na Isiraelita:
Tenia na hagosi ninuni iana o Parosi: o Ramia, o Jisia, o Malakia,
o Miamini, o Elasare, o Malakia ma o Benaia.
26Tenia na hagosi ninuni iana o Elama: o Matania, o Sekaria, o Jegiele,
o Abati, o Jeremote ma o Elia.
27Tenia na hagosi ninuni iana o Satu: o Elioenai, o Eliasibi, o Matania,
o Jeremote, o Sabata ma o Asisa.
28Tenia na hagosi ninuni iana o Bebai: o Joganane, o Ganania, o Sakai ma
o Atalai.
29Tenia na hagosi ninuni iana o Bani: o Mesulama, o Maluku, o Ataia,
o Jasube, o Seala, ma o Jeramote.
30Tenia na hagosi ninuni iana o Pagata Moaba: o Atana, o Kelale, o Benaia,
o Maseia, o Matania, o Besalele, o Binua ma o Manase.
31-32Tenia na hagosi ninuni iana o Garimi: o Eliesere, o Jisia,
o Malakia, o Semaia, o Simeone, o Beniamini, o Maluku ma o Semaria.
33Tenia na hagosi ninuni iana Gasume: o Matenai, o Matata, o Sabata,
o Elipeleti, o Jeremai, o Manase ma o Simi.
34-42Tenia na hagosi ninuni iana o Bigivai: o Mataia, o Amarama, o Uele,
o Benaia, o Beteia, o Keluhu, o Vania, o Meremote, o Eliasibi, o Matania,
o Matenai, o Jasai. Tenia na hagosi ninuni iana o Binui, o Bani, o Binui, o Simi,
o Selemia, o Natane, ma o Ataia,
tenia na hagosi ninuni iana o Sakai o Makanatabai, o Sasai, o Sarai, o Asarele,
o Selemia, o Semaria, o Salumu,
o Amaria ma o Josepo.
43Tenia na hagosi ninuni iana o Nebo: o Jeiele, o Matitia, o Sabata,
o Sebina, o Jatai, o Joele ma o Benaia.
44Na mane hato ngegana ka êragi hetorariga henira na gete ga pe Siu.
Ngaira ka kasira ma ka hagatorangenira aporo henira na kareta.
Currently Selected:
ESERA 10: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific