ESEKIELE 41
41
1Ma hemuri na mane ki meêbanu igê na kiboru i gupu, ga hêtana vi Agua Apuna. Ngaia ki hagevovoa na tarâto, i râ tanga. 2Tenia i ngekana tanga i ta bogona ki 10 mita, ma ki abâbâ 5 mita. Na upupugana na apê i na apanena heri ki 5 mita. Ngaia ki hagevovoa na kiboru. Na borahusigana ki 40 mita ma ki abâbâ 20 mita.
3Ma hemuri ngaia ki meêbanu ngavê tanga na kiboru i akere banu. Ngaia ki hagevovoa na tarâto, i râ tanga. Tenia i ngekana tanga i ta bogona ki 6 mita ma ki abâbâ 7 mita. Na upupugani na apê i na tarihana heri ki 2 mita. 4Ngaia ki hagevovoa na kiboru. Na borahusigana ki 20 mita, ma na abâbâgana ki 20 mita nikâ. Ngaia ki vi tangê, ki vi: “Na kiboru i akere banu me ngekê, ngaia ki na agua apuna teha ngavê.”
Na kiboru rihia na Ruma ni Rotu
5Na mane ki hagevovoa na upupugana na apê i rarona na Ruma ni Rotu. Ngaia ki 6 mita. Na kere kiboru ka ngahisia na apanena hura na apê ngekana rihia na Ruma ni Rotu. Na ara ni hitangini ki abâbâ na tangaha gi tage ma na kikihuna gi tage. 6Na kiboru ngegê ka na harahara gi oru, ga hari ababahi. Na ara ni harahara ki nahunigi na kiboru tangahuru gi oru. Na apanena hura na apê ki tonga renigi na mahungani, hanana na harahara ni kiboru ka matare igê, suria i apu, vige kumukumu igê na apê ni Ruma ni Rotu. 7Na apanena hura na apê ki manini tagenana ma, suria na kiboru igê na ruata na harahara ka raha teharigi na ani mata kereso i ano, ma na ani igê na oruta na harahara ka raha teharigi na ani igê na ruata na harahara. I ngekana karu oga igê na tara akê gi rua, tani tenia na harahara i ano tanga kê na ruata na harahara, ma tani tenia na ruata na harahara tanga kê na oruta na harahara. 8Inê kê bâsia na tara na teha rihia na Ruma ni Rotu. Ngaia ki akê 6 mita. Ngaia nga na agua ga hagêrasigi igê na kiboru rihia na Ruma ni Rotu. 9-11Na upupugana na apê igê na kiboru ngegana ki 5 mita. I berarogata na kiboru ngegana ma na kiboru iata na mane ni vogasiha ki oga na beraro rihia na Ruma ni Rotu. Ngaia ki abâbâ 20 mita. Na ruma i na apanena heri na Ruma ni Rotu karu oga igê na maani ruma gi rua hetangenia, garu maa tanga na beraro: tani i na apanena tanga i Tamasiko ma tani i na apanena tanga na Asime. Na apê ki rihia na beraro, ma na upupugana ki na 5 mita.
12Igê na beraro i na tarihana bêso na Ruma ni Rotu ki oga igê ta na ruma. Na borahusigana ki 90 mita, ma ki abâbâ 70 mita. Na upupugana na apê i rihu ki 5 mita.
13Na mane ki hagevovoa na Ruma ni Rotu hagenani. Na borahusigana ki vora 100 mita. Na borahusigana na beraro ki tagenana ma nikâ. Vikana na ruma bêso henigi na apê ki vora 100 mita nikâ. 14Na maana na Ruma ni Rotu bêkê henirerua na beraro i na tarihana heri ki vora 100 mita nikâ. 15Ngaia ki hagevovoa na ruma igê na beraro i murina na Ruma ni Rotu. Ngaia henigi na parema i na tarihana heri ki vora 100 mita.
Na rarona na Ruma ni Rotu
Na apê hato surigi na kiboru hagenago na Ruma ni Rotu ma na Agua Apuna ma na Agua Apuna Teha, 16ka abagi renigi na bahitani na apinige, haganega i ano ki tariha akê igê na ara ni mabaha. Na mabaha ngegana ka girara ga kuhakuha pusigi. 17Surigi na ara ni apê ni Ruma ni Rotu, i metara ma i rarona, haganega tenia na maana tanga na murina banu, ka manasigi renigi na segesegeha na nununi na apinige ma na nunuta na angero. 18Na nununi ma na nunuta na marâ ngegana ka oga hesurisuri. 19Na ara ni hitanita na angero, ngaia ki tonga re na maana gi rua. Ta maana ki manga na enoni ma ki maatia râ na nununi na apinige i tapanena râ. Ma ta na maana ki manga na maana na laione ma ki maatia râ na nununi na apinige i tapanena. I tagenana ma vikana ki rihu surigi na ara ni apê hato, 20haganega tenia i ano tariha igê na avorani na maani ruma. 21Na u i na apanena heri na maani ruma tanga na Agua Apuna ki tonga renigi na rarini ge he, ga hetagenani.
I maana na Agua Apuna Teha ki oga igê na marâ, i bâ manga na bea ni vogasiha, 22ga tagarahia renigi na apinige. Ngaia ki vora 3 mita ki akê ma na aberaberagana ki 2 mita. Na bea hagenani ka na apinige ma: na u i gupu, na bogona ma na akerena. Na mane ki vi tangê, ki vi: “Na bea ngekê ki oga i maana na Araha.”
23Na tarâto i berarogaterua na Agua Apuna ma na Agua Apuna Teha karu oga na maani ruma gi rua: tani tanga na Agua Apuna ma tani tanga na Agua Apuna Teha. 24Ngairerua karu tonga re na apaneterua gi rua, ga kekererua. 25Ngaigi ka segegi igê na nununi na apinige ma na nunuta na angero, tagenana mangagi nikâ igê na apê. I avorana na maana na kiboru hagenago ki oga igê na mamarupa na apinige. 26Igê na apê igê na kiboru ngekana ka oga igê na mabaha, ga rahisigi. Na apê igê ka segegi igê na apinige, ma igê nikâ na mamarupa, tagenani ma surigi na ara ni kiboru iata na mane ni anumasiha.
Currently Selected:
ESEKIELE 41: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
