TAHINGA 36
36
1O Besalele, o Oholiaba ma ngaira hato na mane ni giraraha, God ki haganahunira renigi na manisingeniha ma na aitangisiha, hanana ga girara ga tagarahigi na marâ hato tanga na tagarahiana na ruma na gahu apuna. Ngaira ki tuguhira viga tagarahigi na marâ hato ngegana suria na bonasiha iana na Araha tangara.
Na enoni ka ama ni mahata nga me
2O Moise ki unira me o Besalele, o Oholiaba ma na mane hato getera ni manisingeniha, God i bani haganahunira renia na giraraha, ma ka agana ka tagara, ma ki vi tangara ka haganega ka tagara. 3Ngaia ki tagarenigi tangara na mahatanga hato na Isiraelita ga bani migirâ me tanga ga tagarahia re na ruma na gahu apuna. Ma na Isiraelita ka ama ni migirâ nga me nga tanga o Moise na mahatanga iata tanga na Araha i na ara ni mavoraro. 4Ma na mane ga manisingenia na tagaraha, ngaira ka râ tanga o Moise, 5ma ka vi: “Na enoni ka ama ni migirâ nga me nga na mahatanga iata teharigi na marâ mi obanigi tanga na tagaraha, na Araha ki bonasigami renia.”
6Tahema o Moise ki haribona suria na tênga hagenani, ki vi: “I uhu noga. Siana ta na enoni, na mane se na gete, ke merâ me nikâ ta na marâ tanga na tagarahiana na ruma na gahu apuna.” Ngekana na enoni ka kahu mamaro vê. 7Na marâ ga bani migirâ me ka rako teharigi na marâ, na mane ga obanigi viga hagahatungigi na tagaraha hato renigi.
Na tagarahiana na ruma na gahu apuna
(Tahinga 26.1-37)
8Na mane ni manisingeniha ka tagarahia na ruma na gahu apuna iana na Araha. Ngaira ka tagarahigi na gahu tangahuru gi tage tanga na ruma na gahu apuna renigi na gahu siki ni Esipito, ga uririga maravarava, rotorotoaga memera ma ka memera na varehuta na sipi ma ka hêrira na angero igê. 9Na ara ni gahu ka heavore. Na borahusigani ka 14 mita ma na aberaberagani ka 2 mita. 10Ngaira ka turagi haku na ani gi rima ma na ani gi rima ka vora gi rua. 11Ngaira ka tagarahigi na mangani na gahu maravarava igê na akerena hura gi tage na ara ni hitangiterua. 12Ngaira ka nakagi na 50 na mangani igê tani ma igê tani ma ka gâga nga heutuni. 13Ngaira ka tagarahigi na 50 na kavikavi renia na golo, hanana ga têtêtakurerua haku na gahu.
14Hemuri ngaira ka tagarahia na gerina na ruma na gahu apuna renigi na 11 na gahu na varehuta na goti. 15Ngaigi ki heavore. Na borahusigani ki 15 mita ma na aberaberagani ki 2 mita. 16Ngaira ka turagi haku na ani gi rima ma ka turagi haku na ani ge ono. 17Ngaira ka nakagi na mangani igê na akerena hura gi tage na ara ni hitangiterua: na 50 na mangani igê tani ma igê tani. 18Ngaira ka tagarahigi na 50 na kavikavi renia na kapa i higa hanana ga têtêtakurerua haku na gahu, karu manga na gerina gi tage ma. 19Ngaira ka tagarahirerua na bubuhina na gerina na ruma na gahu: tani renigi na gavota na sipi mane ga pupunigi memera, ma tani renigi na gavota ga mamao ma ka manihinihi tanga na bubuhina na gerina i haha i metara na ruma na gahu apuna.
20Ngaira ka tagarahigi na apê hagêra renigi na apinige na akasia tanga na ruma na gahu apuna. 21Na borahusigani na ara ni apinige na apê hagêra ki 5 mita ma na aberaberagani ki 75 sentimita. 22Na ara ni apinige na apê hagêra ki tongatonga renigi na bugusuni gi rua, hanana ga ratogi haku, ma ka gâga nga heutuni. 23-26Na ruma na gahu ki maatia i kerekê. Ngaira ka tagarahigi na 20 na apinige na apê hagêra henigi na 40 na kiru na hunani na siliva i ruguhani na apinige na apê hagêra: na ani gi rua i ruguhana na ara ni apinige na apê hagêra, tanga ga hagêrasigi igê na bugusuni. 27Tanga na murina bêso na ruma na gahu apuna, ngaira ka tagarahigi igê na 6 na apinige na apê hagêra, 28henigi na ani gi rua tonganirerua na ruguni gi rua. 29Na apinige na apê hagêra gi rua ngegana karu purupuru haku haganega kere vato tanga i kerekê. Nga hanana ngekana. 30Ngekana na 8 na apinige na apê hagêra henigi na 16 na kiru na hunani: na ani gi rua tanga na apinige na apê hagêra gi tage.
31-32Ngaira ka tagarahigi na 15 na bênivoro renigi na apinige na akasia: na ani gi rima tanga ta apanena ma ta apanena, ma na ani gi rima tanga na murina na ruma na gahu apuna. 33Na oruta na bênivoro ki tâ i gupu ma ki borahu ki râ tare tanga i ta bogona na ruma na gahu apuna. 34Ngaira ka taruhigi na apinige na apê hagêra ma na bênivoro renia na golo. Ngaira ka nakagi na ringi na golo igê na apinige na apê hagêra tanga ga suvarenigi na benivoro igê.
35Ngaira ka tagarahia na gahu tanga i kukuku renigi na gahu siki ni Esipito, i uririga maravarava, rotorotoaga memera ma ki memera na varehuta na sipi ma ka hêrira igê na angero. 36Tanga na gahu ngekana ngaira ka tapigi na u ge he na akasia tanga ga kuharenia igê. Ngaira ka taruhigi renia na golo ma ka nakagi igê na kavikavi na golo. Hemuri ngaira ka tagarahigi na kiru na hunani ge he na siliva tangagi na u ga hanga renigi so igê. 37Tanga na maana na ruma na gahu apuna ngaira ka tagarahia na gahu renigi na gahu siki ni Esipito, i uririga maravarava, rotorotoaga memera ma ki memera na varehuta na sipi ma ka hêrigi igê na mahe. 38Tanga na gahu ngekana ngaira ka tapigi na u gi rima, ka nakagi igê na kavikavi, ka taruhigi na bêni akê ma na rabotarê renia na golo ma ka tagarahigi na kiru na hunani gi rima renia na kapa i higa tangagi na u ngegana.
Currently Selected:
TAHINGA 36: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 36
36
1O Besalele, o Oholiaba ma ngaira hato na mane ni giraraha, God ki haganahunira renigi na manisingeniha ma na aitangisiha, hanana ga girara ga tagarahigi na marâ hato tanga na tagarahiana na ruma na gahu apuna. Ngaira ki tuguhira viga tagarahigi na marâ hato ngegana suria na bonasiha iana na Araha tangara.
Na enoni ka ama ni mahata nga me
2O Moise ki unira me o Besalele, o Oholiaba ma na mane hato getera ni manisingeniha, God i bani haganahunira renia na giraraha, ma ka agana ka tagara, ma ki vi tangara ka haganega ka tagara. 3Ngaia ki tagarenigi tangara na mahatanga hato na Isiraelita ga bani migirâ me tanga ga tagarahia re na ruma na gahu apuna. Ma na Isiraelita ka ama ni migirâ nga me nga tanga o Moise na mahatanga iata tanga na Araha i na ara ni mavoraro. 4Ma na mane ga manisingenia na tagaraha, ngaira ka râ tanga o Moise, 5ma ka vi: “Na enoni ka ama ni migirâ nga me nga na mahatanga iata teharigi na marâ mi obanigi tanga na tagaraha, na Araha ki bonasigami renia.”
6Tahema o Moise ki haribona suria na tênga hagenani, ki vi: “I uhu noga. Siana ta na enoni, na mane se na gete, ke merâ me nikâ ta na marâ tanga na tagarahiana na ruma na gahu apuna.” Ngekana na enoni ka kahu mamaro vê. 7Na marâ ga bani migirâ me ka rako teharigi na marâ, na mane ga obanigi viga hagahatungigi na tagaraha hato renigi.
Na tagarahiana na ruma na gahu apuna
(Tahinga 26.1-37)
8Na mane ni manisingeniha ka tagarahia na ruma na gahu apuna iana na Araha. Ngaira ka tagarahigi na gahu tangahuru gi tage tanga na ruma na gahu apuna renigi na gahu siki ni Esipito, ga uririga maravarava, rotorotoaga memera ma ka memera na varehuta na sipi ma ka hêrira na angero igê. 9Na ara ni gahu ka heavore. Na borahusigani ka 14 mita ma na aberaberagani ka 2 mita. 10Ngaira ka turagi haku na ani gi rima ma na ani gi rima ka vora gi rua. 11Ngaira ka tagarahigi na mangani na gahu maravarava igê na akerena hura gi tage na ara ni hitangiterua. 12Ngaira ka nakagi na 50 na mangani igê tani ma igê tani ma ka gâga nga heutuni. 13Ngaira ka tagarahigi na 50 na kavikavi renia na golo, hanana ga têtêtakurerua haku na gahu.
14Hemuri ngaira ka tagarahia na gerina na ruma na gahu apuna renigi na 11 na gahu na varehuta na goti. 15Ngaigi ki heavore. Na borahusigani ki 15 mita ma na aberaberagani ki 2 mita. 16Ngaira ka turagi haku na ani gi rima ma ka turagi haku na ani ge ono. 17Ngaira ka nakagi na mangani igê na akerena hura gi tage na ara ni hitangiterua: na 50 na mangani igê tani ma igê tani. 18Ngaira ka tagarahigi na 50 na kavikavi renia na kapa i higa hanana ga têtêtakurerua haku na gahu, karu manga na gerina gi tage ma. 19Ngaira ka tagarahirerua na bubuhina na gerina na ruma na gahu: tani renigi na gavota na sipi mane ga pupunigi memera, ma tani renigi na gavota ga mamao ma ka manihinihi tanga na bubuhina na gerina i haha i metara na ruma na gahu apuna.
20Ngaira ka tagarahigi na apê hagêra renigi na apinige na akasia tanga na ruma na gahu apuna. 21Na borahusigani na ara ni apinige na apê hagêra ki 5 mita ma na aberaberagani ki 75 sentimita. 22Na ara ni apinige na apê hagêra ki tongatonga renigi na bugusuni gi rua, hanana ga ratogi haku, ma ka gâga nga heutuni. 23-26Na ruma na gahu ki maatia i kerekê. Ngaira ka tagarahigi na 20 na apinige na apê hagêra henigi na 40 na kiru na hunani na siliva i ruguhani na apinige na apê hagêra: na ani gi rua i ruguhana na ara ni apinige na apê hagêra, tanga ga hagêrasigi igê na bugusuni. 27Tanga na murina bêso na ruma na gahu apuna, ngaira ka tagarahigi igê na 6 na apinige na apê hagêra, 28henigi na ani gi rua tonganirerua na ruguni gi rua. 29Na apinige na apê hagêra gi rua ngegana karu purupuru haku haganega kere vato tanga i kerekê. Nga hanana ngekana. 30Ngekana na 8 na apinige na apê hagêra henigi na 16 na kiru na hunani: na ani gi rua tanga na apinige na apê hagêra gi tage.
31-32Ngaira ka tagarahigi na 15 na bênivoro renigi na apinige na akasia: na ani gi rima tanga ta apanena ma ta apanena, ma na ani gi rima tanga na murina na ruma na gahu apuna. 33Na oruta na bênivoro ki tâ i gupu ma ki borahu ki râ tare tanga i ta bogona na ruma na gahu apuna. 34Ngaira ka taruhigi na apinige na apê hagêra ma na bênivoro renia na golo. Ngaira ka nakagi na ringi na golo igê na apinige na apê hagêra tanga ga suvarenigi na benivoro igê.
35Ngaira ka tagarahia na gahu tanga i kukuku renigi na gahu siki ni Esipito, i uririga maravarava, rotorotoaga memera ma ki memera na varehuta na sipi ma ka hêrira igê na angero. 36Tanga na gahu ngekana ngaira ka tapigi na u ge he na akasia tanga ga kuharenia igê. Ngaira ka taruhigi renia na golo ma ka nakagi igê na kavikavi na golo. Hemuri ngaira ka tagarahigi na kiru na hunani ge he na siliva tangagi na u ga hanga renigi so igê. 37Tanga na maana na ruma na gahu apuna ngaira ka tagarahia na gahu renigi na gahu siki ni Esipito, i uririga maravarava, rotorotoaga memera ma ki memera na varehuta na sipi ma ka hêrigi igê na mahe. 38Tanga na gahu ngekana ngaira ka tapigi na u gi rima, ka nakagi igê na kavikavi, ka taruhigi na bêni akê ma na rabotarê renia na golo ma ka tagarahigi na kiru na hunani gi rima renia na kapa i higa tangagi na u ngegana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific