TAHINGA 35
35
Na tangiana ni mamaroha
1O Moise ki unihakura na ara ni Isiraelita hato, ma ki vi tangara, ki vi: “Na Araha ki bonasigamu vikê. 2Na tangiani ge ono ka tâ tangagamu, vigamu tagara igê. Na pita na tangiana ngaia ki na tangiana apuna, na tangiana raha ni mamaroha, na tangiana iaku inê na Araha. Manga na anima na enoni ma ki tagara igê na tangiana ngekana, ka hagamesia nga. 3Naka ma na gi, ngaia ki apu nikâ vige tanga igê na tangiana ni mamaroha.”
Na mahatanga tanga na ruma na gahu apuna iana na Araha
(Tahinga 25.1-9)
4O Moise ki vi tangara na Isiraelita hato, ki vi: “Na Araha ki haribona vikê: 5Mu mahata tanga na Araha. Na anima na enoni ki obania vikana, ngaia ki tagarenigi tanga na Araha, na golo, na siliva, se na kapa i higa; 6na gahu siki ni Esipito, na gahu maravarava, rotorotoaga memera ma ka memera, ga tagarahigi renigi na varehuta na sipi; na gahu ga tagarahigi renigi na varehuta na goti; 7na gavota na sipi mane ga taruhigi ka memera; na gavota mamao ma manihinihi; na gato na apinige na akasia; 8na oile tangagi na laiti; na marâ i sigini koro na vanuhani tanga na oile ni moneha ma na marâ i sigini mamaki tanga ga sungigi; 9na hê ga raha na meni na ani memera ma na ani getigi tanga na gahu ni parematona na mane ni vogasiha i teha ma tanga na anga ni girarasiha igê.
Na marâ tanga na ruma na gahu apuna iana na Araha
(Tahinga 39.32-43)
10“Na ara ni mane ni manisingeniha i berarogami, ka nanê nga, hanana ga tagarahigi na marâ, na Araha i haribona renigi. 11Ngaigi kani igê: na ruma na gahu apuna henigi na gerina ma na bubuhina i haha i metara, na kavikavi, na apinige na apê hagêra, na bênivoro, na u ma na kiru tangigi na hunani; 12na bokesi na suruheri henigi na apinige ni tugiha, na bubuhina ma na gahu i kuku pusia banu; 13na bea henigi na apinige ni tugiha ma na ara ni marâ tanga; na bereti apuna iana na Araha; 14na atohana na laita henigi na ara ni marâ tanga; ngaigi na laiti henigi na oile; 15na bea ni vogasiha ni sungiani na marâ i sigini koro henirerua na apinige ni tugiha; na oile ni moneha; na marâ i sigini mamaki matena ga sungia; na gahu i kuku i maana na ruma na gahu apuna; 16na bea ga susu igê tanga na Araha henia na bea aberabera ga hêria renigi na sigani na kapa henigi na apinige ni tugiha ma na ara ni marâ hato tanga; na maraguhu ni tananiha henia na hunana; 17na gahu ga kuku rihuia na mahera henigi na u ma na kiru tangagi na hunani; na gahu tanga na maana na mahera; 18na rapurapu ma na varo tanga na ruma na gahu apuna; 19ma na gahu bâkoro ni mane ni vogasiha tanga na matena ga tagara igê na kiboru apuna: ngaigi ka na gahu tangara o Aroni na mane ni vogasiha mo karena.”
Na enoni ka tagarenigi na mahatanga iata
20Na Isiraelita ka aharo vê ka râ. 21Na anima na enoni ga obania vi katokato vikana, ngaira ka migirâ me na mahatanga iata tanga na Araha, tanga ga tagarahia na ruma na gahu apuna iana na Araha renigi. Ngaira ka migirâ me na ara ni marâ hato ga obanigi tanga na hagarahenga ma tanga ga tagarahigi re na gahu ni mane ni vogasiha. 22Ngaira hato na mane ma na gete ga agana hanana viga tagarenigi tanga na Araha na mahe na golo, ngaira ka migirâ me: na pini na mahe, na mumu ni karinga, na rago ma na ringi, na konokono ma na ani mavê na marâ na golo. 23Na enoni ga nahunigi na gahu siki ni Esipito, na gahu maravarava, rotorotoaga memera se ga memera na varehuta na sipi, na gahu na varehuta na goti, na gavota na sipi mane ga pupunigi memera se na ani ga mamao ma ka manihinihi, ngaira ka migirâ me ka tagarenigi. 24Na ani ga obania viga tagarenigi na siliva se na kapa i higa tanga na Araha, ngaira ka migirâ me. Na enoni ga nahunigi na apinige na akasia na mane tagara ga obanigi, ngaira ka migira me. 25Na gete hato ni manisingeniha i garoroha, ngaira ka migirâ me na garo siki ni Esipito ma na garo maravarava, rotorotoaga memera ma ka memera na varehuta na sipi. 26Ngaira ka garorogi nikâ na varehuta na goti. 27Na meraha ka migirâ me na hê ga raha na meni, na ani memera ma na ani getigi, tanga na gahu ni parematona ma tanga na anga ni girarasiha. 28Ngaira ka migirâ me nikâ na marâ i sigini koro na vanuhani, na oile tangagi na laiti, ma na oile tanga na oile ni moneha ma tanga na marâ i sigini mamaki, matena ga sungia. 29Na Isiraelita hato ga obania, ngaira ka tagarenigi na mahatanga iata tanga na Araha tangagi na marâ na Araha i bonasia o Moise, hanana vi tagarahigi.
Na mane tanga ga tagarahia na ruma na gahu apuna iana na Araha
(Tahinga 31.1-11)
30O Moise ki vi tangara na Isiraelita, ki vi: “Na Araha ki bani atea o Besalele, o karena o Uri. O virana ka no Gure. Ngaia ka na raraha iana o Juta. 31Na raramohana God ki angaria ma ki bani vatea renigi na aitangisiha, na giraraha ma na manisingeniha ni tagarahiani na marâ i bâkoro, 32hanana i takusigi, ki segegi ma ki tagarahigi na marâ bâkoro renigi na golo, na siliva ma na kapa i higa; 33hanana i retegi na hê ga raha na meni, ki hanga renigi igê na kiruni; hanana i tahetahe ma ki tagarahigi na ani mavê na marâ i bâkoro. 34Na Araha ki haganahunirerua ngaia mo Oholiaba, o karena o Agisamaka tenia na raraha iana o Tane renia na giraraha, hanana garu hagesurira na mane getera renia na manisingeniha iaterua. 35Na Araha ki katorerua karu manisingenigi na tagaraha hato ga katogi na mane ni taritariha, na mane ni segesegeha, na mane ni hêhênga: na gahu siki ni Esipito ma na gahu maravarava, rotorotoaga memera ma ka memera na varehuta na sipi ma na gahu getigi. Ngaira ka aitangisigi na ani mavê na tagaraha ma ka manisingenia na segeseha ni katoha.
Currently Selected:
TAHINGA 35: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 35
35
Na tangiana ni mamaroha
1O Moise ki unihakura na ara ni Isiraelita hato, ma ki vi tangara, ki vi: “Na Araha ki bonasigamu vikê. 2Na tangiani ge ono ka tâ tangagamu, vigamu tagara igê. Na pita na tangiana ngaia ki na tangiana apuna, na tangiana raha ni mamaroha, na tangiana iaku inê na Araha. Manga na anima na enoni ma ki tagara igê na tangiana ngekana, ka hagamesia nga. 3Naka ma na gi, ngaia ki apu nikâ vige tanga igê na tangiana ni mamaroha.”
Na mahatanga tanga na ruma na gahu apuna iana na Araha
(Tahinga 25.1-9)
4O Moise ki vi tangara na Isiraelita hato, ki vi: “Na Araha ki haribona vikê: 5Mu mahata tanga na Araha. Na anima na enoni ki obania vikana, ngaia ki tagarenigi tanga na Araha, na golo, na siliva, se na kapa i higa; 6na gahu siki ni Esipito, na gahu maravarava, rotorotoaga memera ma ka memera, ga tagarahigi renigi na varehuta na sipi; na gahu ga tagarahigi renigi na varehuta na goti; 7na gavota na sipi mane ga taruhigi ka memera; na gavota mamao ma manihinihi; na gato na apinige na akasia; 8na oile tangagi na laiti; na marâ i sigini koro na vanuhani tanga na oile ni moneha ma na marâ i sigini mamaki tanga ga sungigi; 9na hê ga raha na meni na ani memera ma na ani getigi tanga na gahu ni parematona na mane ni vogasiha i teha ma tanga na anga ni girarasiha igê.
Na marâ tanga na ruma na gahu apuna iana na Araha
(Tahinga 39.32-43)
10“Na ara ni mane ni manisingeniha i berarogami, ka nanê nga, hanana ga tagarahigi na marâ, na Araha i haribona renigi. 11Ngaigi kani igê: na ruma na gahu apuna henigi na gerina ma na bubuhina i haha i metara, na kavikavi, na apinige na apê hagêra, na bênivoro, na u ma na kiru tangigi na hunani; 12na bokesi na suruheri henigi na apinige ni tugiha, na bubuhina ma na gahu i kuku pusia banu; 13na bea henigi na apinige ni tugiha ma na ara ni marâ tanga; na bereti apuna iana na Araha; 14na atohana na laita henigi na ara ni marâ tanga; ngaigi na laiti henigi na oile; 15na bea ni vogasiha ni sungiani na marâ i sigini koro henirerua na apinige ni tugiha; na oile ni moneha; na marâ i sigini mamaki matena ga sungia; na gahu i kuku i maana na ruma na gahu apuna; 16na bea ga susu igê tanga na Araha henia na bea aberabera ga hêria renigi na sigani na kapa henigi na apinige ni tugiha ma na ara ni marâ hato tanga; na maraguhu ni tananiha henia na hunana; 17na gahu ga kuku rihuia na mahera henigi na u ma na kiru tangagi na hunani; na gahu tanga na maana na mahera; 18na rapurapu ma na varo tanga na ruma na gahu apuna; 19ma na gahu bâkoro ni mane ni vogasiha tanga na matena ga tagara igê na kiboru apuna: ngaigi ka na gahu tangara o Aroni na mane ni vogasiha mo karena.”
Na enoni ka tagarenigi na mahatanga iata
20Na Isiraelita ka aharo vê ka râ. 21Na anima na enoni ga obania vi katokato vikana, ngaira ka migirâ me na mahatanga iata tanga na Araha, tanga ga tagarahia na ruma na gahu apuna iana na Araha renigi. Ngaira ka migirâ me na ara ni marâ hato ga obanigi tanga na hagarahenga ma tanga ga tagarahigi re na gahu ni mane ni vogasiha. 22Ngaira hato na mane ma na gete ga agana hanana viga tagarenigi tanga na Araha na mahe na golo, ngaira ka migirâ me: na pini na mahe, na mumu ni karinga, na rago ma na ringi, na konokono ma na ani mavê na marâ na golo. 23Na enoni ga nahunigi na gahu siki ni Esipito, na gahu maravarava, rotorotoaga memera se ga memera na varehuta na sipi, na gahu na varehuta na goti, na gavota na sipi mane ga pupunigi memera se na ani ga mamao ma ka manihinihi, ngaira ka migirâ me ka tagarenigi. 24Na ani ga obania viga tagarenigi na siliva se na kapa i higa tanga na Araha, ngaira ka migirâ me. Na enoni ga nahunigi na apinige na akasia na mane tagara ga obanigi, ngaira ka migira me. 25Na gete hato ni manisingeniha i garoroha, ngaira ka migirâ me na garo siki ni Esipito ma na garo maravarava, rotorotoaga memera ma ka memera na varehuta na sipi. 26Ngaira ka garorogi nikâ na varehuta na goti. 27Na meraha ka migirâ me na hê ga raha na meni, na ani memera ma na ani getigi, tanga na gahu ni parematona ma tanga na anga ni girarasiha. 28Ngaira ka migirâ me nikâ na marâ i sigini koro na vanuhani, na oile tangagi na laiti, ma na oile tanga na oile ni moneha ma tanga na marâ i sigini mamaki, matena ga sungia. 29Na Isiraelita hato ga obania, ngaira ka tagarenigi na mahatanga iata tanga na Araha tangagi na marâ na Araha i bonasia o Moise, hanana vi tagarahigi.
Na mane tanga ga tagarahia na ruma na gahu apuna iana na Araha
(Tahinga 31.1-11)
30O Moise ki vi tangara na Isiraelita, ki vi: “Na Araha ki bani atea o Besalele, o karena o Uri. O virana ka no Gure. Ngaia ka na raraha iana o Juta. 31Na raramohana God ki angaria ma ki bani vatea renigi na aitangisiha, na giraraha ma na manisingeniha ni tagarahiani na marâ i bâkoro, 32hanana i takusigi, ki segegi ma ki tagarahigi na marâ bâkoro renigi na golo, na siliva ma na kapa i higa; 33hanana i retegi na hê ga raha na meni, ki hanga renigi igê na kiruni; hanana i tahetahe ma ki tagarahigi na ani mavê na marâ i bâkoro. 34Na Araha ki haganahunirerua ngaia mo Oholiaba, o karena o Agisamaka tenia na raraha iana o Tane renia na giraraha, hanana garu hagesurira na mane getera renia na manisingeniha iaterua. 35Na Araha ki katorerua karu manisingenigi na tagaraha hato ga katogi na mane ni taritariha, na mane ni segesegeha, na mane ni hêhênga: na gahu siki ni Esipito ma na gahu maravarava, rotorotoaga memera ma ka memera na varehuta na sipi ma na gahu getigi. Ngaira ka aitangisigi na ani mavê na tagaraha ma ka manisingenia na segeseha ni katoha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific