RAMATA 34
34
O Moise ki me
1O Moise ki panigi na bena i Moaba ma ki tagere i hungana i Nebo tanga na botena na hungana i Pisiga kerekê i Jeriko. I ngekana na Araha ki hagabâsia igê renia na agua hagenani: na apanena i Gileata ki râ ki tariha i hinua i Tane; 2na apanena hagenani iana o Napatali, na apanena iaterua o Eparaimi mo Manase; na apanena iana o Juta ki râ ki tariha i asi i kereso; 3na apanena iana o Juta i Negeve ma na bena i haganega i Soare tanga i Jeriko, na hinua ni geara. 4Na Araha ki vi tanga o Moise, ki vi: “Bâ, ngaia ngekana na agua, gê bani surua tangara o Abarahamo, o Isako mo Jakobo, hanana vigê page haganahunira na raraha iata renia. Inê kê hagabâsigo renia, ma kê manimania tenigo vigu banu igê.”
5Hoi, o Moise, na kariana koro na Araha ki me i ngekana i na apanena i Moaba, manga i bani visia na Araha. 6Na Araha ki bagia igê na maruguna i Moaba i avorana na hinua i Betepeore. Mataro me i ngekê ki mareha rârâ ta na enoni vige girara na anoanona. 7O Moise ki tonga na 120 na harisi iana ma ki kahu me. Ngaia ki ramoramo mênga ma ki pe guruha rârâ na maana. 8Na Isiraelita ga ogasira na bena i Moaba ka angi maramara igê renia surigi na tangahuri tangiani gi oru.
9O Josua o karena o Nune ngaia ki nahunia na takoha mataha, suria o Moise ki têbuhia ma ki kasia ki urusia. Na Isiraelita ka tê viteana o Josua ma ka marupegi na ramata, na Araha ki bani vatea renigi o Moise tangara.
10I mareha rârâ ta na poropete i Isiraele, vige maratorana o Moise. Na Araha ki metamasi re harana. 11I mareha rârâ ta na poropete vige katogi na mena ma na tagaraha raha mangagi na ani na Araha ki hagatora o Moise ki hagaitangira renigi na maneraha i Esipito, na mane ni hagaotonga iana ma na ai ni Esipito hato. 12I mareha rârâ ta na poropete vige katogi na tarani ga hagamamaguraga, i katogi o Moise i maata na Isiraelita hato.
Currently Selected:
RAMATA 34: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific