TANIELE 6
6
O Taniele igê na kiru iata na laione
1O Tario ki atera na mane tangarê gi tage matara na tangahuru gi rua, hanana vi na ara ni hitangita ki bâbâsuria ta na apanena na agua, i marungia. 2Ngaira ka oga i ruguhata na vera oru na mane, suria o Tario ki atera o Taniele ma na tamana gi rua, ka bâbâsurira, hanana ngaira ka tagara maninga tanga na maneraha. 3O Taniele ki teharira na tamana gi rua ma na ani i ruruhata igê na tagaraha. Suria ngaia ki teha igê na ara ni tarani, na maneraha ki takusia, vi naka ki bêngenia na arahanga hagenani. 4Me hemuri na tamana gi rua henira na ai i siruguhata ka uhungia, viga tarahua ta na marâ, i pe oto igê na tarani, o Taniele ki bêngenia na arahanga hagenani. Ma ki bara. O Taniele ki na mane, ga girara ga tako togo renia. Ngaia ki pe katogi rârâ na tarani, ga pe oto, se vige aharê igê na tagaraha iana. 5Ngaira ka hetamatamasi, ka vi: “Igia ki asa, vige tarahua rârâ ta na marâ, hanana vige torea o Taniele igê na tamasinga, nga noga ma igê na apanena igê na rotu.”
6Vikê ngaira ka râ i pasina na maneraha ma ka vi: “Maneraha Tario, gu mêri arihu! 7Igami hato kami bâsuria na arahanga iamu, na ani ga bêngenira na enoni raha igê na gavumane, ma na enoni raha ngegana, ma na mane ni hagaotonga, ma na enoni raha surigi na hinua, ma na enoni raha getera, igami hato kami heaganari, vi igo na maneraha ki tuguhigo, vigo naka ta na ramata, ma ko tugurira nga igê na ara ni enoni hato renia. Go naka na ramata, vi surigi na tangiani tangahuru gi oru ki apu hagetage ta na enoni, vige nungia ta na marâ tenia na ani mavê na ataro, se na ani mavê na enoni, nga noga ma tenigo igo na maneraha. Na ani mavê na enoni, i aharêngia na ramata ngekana, ki tuguhia, viga kasia so igê na kiru iata na laione. 8Maneraha, na ramata ngekana ki tuguhigo, vigo segea so igê na pepa henia na atamu, hanana i gatagata. Igê na tarana ngekana ngaia ki voravora re na ramata iata na ai ni Metia me Pesia, na ramata i asa, vige page urusia.” 9Hoi, na maneraha o Tario ki kato vikana, ma ki segea so na atana igê na ramata.
10Matena o Taniele ki girara, vi na ramata ngekana ki gatagata, ngaia ki aporo i ruma iana. Na kiboru i ahaha i ruma iana ki tonga igê na mabaha, ga maa bêrâ tanga i Jerusaleme. I ngekana ngaia ki susure igê ma ki rahesia God, manga bani hanana i hagarahe hageoru tare i na ara ni tangiani.
11Na merongana o Taniele ka parama, ma ka ura me ka bâsia, i rahesia God. 12Vikê ngaira hato ka râ i pasina na maneraha, ma ka hagarongoa renia. Ngaira ka vi: “Maneraha, i hega, igo ko pe naka vari na ramata, vi surigi na tangahuru gi oru na tangiani ki tuguhira na enoni hato, viga nungigo igo getego ma, ma vi siana ka nungia na enoni getea, se vi na ataro? Ma ki hega, manga vi na enoni, ma ki aharêngia, ki pe araria vari, vige kasia so igê na kiru iata na laione?”
Na maneraha ki arami, ki vi: “Ua, i monari. Ngaia ki na ramata, i gatagata ngavê manga na ramata iata na ai ni Metia me Pesia, na ramata i asa, vige page urusia.”
13Ma ngaira ka vi tanga na maneraha, ka vi: “O Taniele, na hitangita na ai ni Juta ga henhuraura me, ngaia ki pe hagahigasigo. Ngaia ki aharêngia na ramata iamu. Ngaia ki hagarahe hageoru i na ara ni tangiani.”
14Matena na maneraha ki rongo vikana, ngaia ki tako bâraha, ma ki uhungia bâraha, vi tarahua ta na tarana, hanana vige hagatahia igê o Taniele. Ngaia ki gari makira rârâ, mataro me ki su na arito. 15I na matena ngekana na mane ngegana ka aporo me nikâ i pasina na maneraha, ma ka vi tanga, ka vi: “Maneraha, igo ko bani girara, vi surigi na ramata iata na ai ni Metia me Pesia, na ramata na maneraha ki bani segea igê na atana, ki asa vige page urusia.”
16Vikana na maneraha ki haribona, ka torea o Taniele ma ka kasia so igê na kiru, i vunu renira na laione. Ngaia ki vi tanga o Taniele, ki vi: “Ge hagatahigo na God iamu, go takotako suria maninga tare.” 17Na maani na kiru iata na laione ka buhia renia na hê aberabera. Na maneraha ki puruia ma ki piringigi na atata ngaia ma na enoni raha igê na gavumane igê na puru, hanana vi siana ta na enoni, vige hagatahia o Taniele. 18Hemuri na maneraha i aporo i ruma raha iana, ngaia ki pe pasi ngê, ki tâ horota, ma ki pe obania, vige metâ na gete.
19Igê na kahuagana na tangiana na maneraha ki aharaga, ma ki tari oto râ tanga na kiru iata na laione. 20Matena i ata vê, ngaia ki ngere igê na anumanumaha, ki vi: “Taniele! Kariana na God mamauri! I hega, na God, go toto suria maninga tare, kani hagatahigo vari tenira na laione?”
21O Taniele ki arami, ki vi: “Maneraha, gu mêri arihu! 22God ki kasia me na angero iana, ki hagamanatara na laione. Tahema ngaira ka pe gareê. Ngaia ki kato vikana, suria ngaia ki bani girara, vi inê kê matarotaro, ma kê pe katoa rârâ ta na tarana, vige erasigo.”
23Na maneraha ki obakoro ngavê, ma ki haribona, ka okea akê me o Taniele tenia na kiru. Ma ngaira ka okea akê me, ma ka tarahua, vi na laione ka pe garea rârâ, suria ngaia ki hagêguri togo renia God. 24Ma hemuri na maneraha ki haribona, ka torera na mane hato, ga tuguria o Taniele, ma ka kasira so ngaira henira na gete iata ma na kareta igê na kiru, i vunu renira na laione. Pusia ma ga sugi mataro vato i porona na kiru, na laione ka kusira ma ka ngasi barobaro renira.
25Ma hemuri na maneraha o Tario ki sege tangara na enoni hato i maveta, henaka ga bâ marata, se vi na tamasinga ta, ki vi: “Ge aharêsigamu na ramana. 26Inê kê bonasigamu, igamu hato mu oga i ruruhana na arahanga iaku, mu hanetasia ma kamu hagahigasia na God iana o Taniele.
Ngaia ki na God mamauri,
i Araha tare, ki bê ki arâ.
Na arahanga iana ki asa, vige page hato.
Na raramohana ki asa, vige page arumakaka.
27Ngaia ki hagatahira na enoni,
ma ki katora, ka ape tatara.
Ngaia ki katogi na mena ma na tagaraha raha
i vavearo ma i maveta.
Ngaia ki hagatahia o Taniele
tenigi na harata na laione.”
28Matena garu heheuri igê na maneraha o Tario mo Kuro na mane ni Pesia, o Taniele ki oga igê na ramana.
Currently Selected:
TANIELE 6: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TANIELE 6
6
O Taniele igê na kiru iata na laione
1O Tario ki atera na mane tangarê gi tage matara na tangahuru gi rua, hanana vi na ara ni hitangita ki bâbâsuria ta na apanena na agua, i marungia. 2Ngaira ka oga i ruguhata na vera oru na mane, suria o Tario ki atera o Taniele ma na tamana gi rua, ka bâbâsurira, hanana ngaira ka tagara maninga tanga na maneraha. 3O Taniele ki teharira na tamana gi rua ma na ani i ruruhata igê na tagaraha. Suria ngaia ki teha igê na ara ni tarani, na maneraha ki takusia, vi naka ki bêngenia na arahanga hagenani. 4Me hemuri na tamana gi rua henira na ai i siruguhata ka uhungia, viga tarahua ta na marâ, i pe oto igê na tarani, o Taniele ki bêngenia na arahanga hagenani. Ma ki bara. O Taniele ki na mane, ga girara ga tako togo renia. Ngaia ki pe katogi rârâ na tarani, ga pe oto, se vige aharê igê na tagaraha iana. 5Ngaira ka hetamatamasi, ka vi: “Igia ki asa, vige tarahua rârâ ta na marâ, hanana vige torea o Taniele igê na tamasinga, nga noga ma igê na apanena igê na rotu.”
6Vikê ngaira ka râ i pasina na maneraha ma ka vi: “Maneraha Tario, gu mêri arihu! 7Igami hato kami bâsuria na arahanga iamu, na ani ga bêngenira na enoni raha igê na gavumane, ma na enoni raha ngegana, ma na mane ni hagaotonga, ma na enoni raha surigi na hinua, ma na enoni raha getera, igami hato kami heaganari, vi igo na maneraha ki tuguhigo, vigo naka ta na ramata, ma ko tugurira nga igê na ara ni enoni hato renia. Go naka na ramata, vi surigi na tangiani tangahuru gi oru ki apu hagetage ta na enoni, vige nungia ta na marâ tenia na ani mavê na ataro, se na ani mavê na enoni, nga noga ma tenigo igo na maneraha. Na ani mavê na enoni, i aharêngia na ramata ngekana, ki tuguhia, viga kasia so igê na kiru iata na laione. 8Maneraha, na ramata ngekana ki tuguhigo, vigo segea so igê na pepa henia na atamu, hanana i gatagata. Igê na tarana ngekana ngaia ki voravora re na ramata iata na ai ni Metia me Pesia, na ramata i asa, vige page urusia.” 9Hoi, na maneraha o Tario ki kato vikana, ma ki segea so na atana igê na ramata.
10Matena o Taniele ki girara, vi na ramata ngekana ki gatagata, ngaia ki aporo i ruma iana. Na kiboru i ahaha i ruma iana ki tonga igê na mabaha, ga maa bêrâ tanga i Jerusaleme. I ngekana ngaia ki susure igê ma ki rahesia God, manga bani hanana i hagarahe hageoru tare i na ara ni tangiani.
11Na merongana o Taniele ka parama, ma ka ura me ka bâsia, i rahesia God. 12Vikê ngaira hato ka râ i pasina na maneraha, ma ka hagarongoa renia. Ngaira ka vi: “Maneraha, i hega, igo ko pe naka vari na ramata, vi surigi na tangahuru gi oru na tangiani ki tuguhira na enoni hato, viga nungigo igo getego ma, ma vi siana ka nungia na enoni getea, se vi na ataro? Ma ki hega, manga vi na enoni, ma ki aharêngia, ki pe araria vari, vige kasia so igê na kiru iata na laione?”
Na maneraha ki arami, ki vi: “Ua, i monari. Ngaia ki na ramata, i gatagata ngavê manga na ramata iata na ai ni Metia me Pesia, na ramata i asa, vige page urusia.”
13Ma ngaira ka vi tanga na maneraha, ka vi: “O Taniele, na hitangita na ai ni Juta ga henhuraura me, ngaia ki pe hagahigasigo. Ngaia ki aharêngia na ramata iamu. Ngaia ki hagarahe hageoru i na ara ni tangiani.”
14Matena na maneraha ki rongo vikana, ngaia ki tako bâraha, ma ki uhungia bâraha, vi tarahua ta na tarana, hanana vige hagatahia igê o Taniele. Ngaia ki gari makira rârâ, mataro me ki su na arito. 15I na matena ngekana na mane ngegana ka aporo me nikâ i pasina na maneraha, ma ka vi tanga, ka vi: “Maneraha, igo ko bani girara, vi surigi na ramata iata na ai ni Metia me Pesia, na ramata na maneraha ki bani segea igê na atana, ki asa vige page urusia.”
16Vikana na maneraha ki haribona, ka torea o Taniele ma ka kasia so igê na kiru, i vunu renira na laione. Ngaia ki vi tanga o Taniele, ki vi: “Ge hagatahigo na God iamu, go takotako suria maninga tare.” 17Na maani na kiru iata na laione ka buhia renia na hê aberabera. Na maneraha ki puruia ma ki piringigi na atata ngaia ma na enoni raha igê na gavumane igê na puru, hanana vi siana ta na enoni, vige hagatahia o Taniele. 18Hemuri na maneraha i aporo i ruma raha iana, ngaia ki pe pasi ngê, ki tâ horota, ma ki pe obania, vige metâ na gete.
19Igê na kahuagana na tangiana na maneraha ki aharaga, ma ki tari oto râ tanga na kiru iata na laione. 20Matena i ata vê, ngaia ki ngere igê na anumanumaha, ki vi: “Taniele! Kariana na God mamauri! I hega, na God, go toto suria maninga tare, kani hagatahigo vari tenira na laione?”
21O Taniele ki arami, ki vi: “Maneraha, gu mêri arihu! 22God ki kasia me na angero iana, ki hagamanatara na laione. Tahema ngaira ka pe gareê. Ngaia ki kato vikana, suria ngaia ki bani girara, vi inê kê matarotaro, ma kê pe katoa rârâ ta na tarana, vige erasigo.”
23Na maneraha ki obakoro ngavê, ma ki haribona, ka okea akê me o Taniele tenia na kiru. Ma ngaira ka okea akê me, ma ka tarahua, vi na laione ka pe garea rârâ, suria ngaia ki hagêguri togo renia God. 24Ma hemuri na maneraha ki haribona, ka torera na mane hato, ga tuguria o Taniele, ma ka kasira so ngaira henira na gete iata ma na kareta igê na kiru, i vunu renira na laione. Pusia ma ga sugi mataro vato i porona na kiru, na laione ka kusira ma ka ngasi barobaro renira.
25Ma hemuri na maneraha o Tario ki sege tangara na enoni hato i maveta, henaka ga bâ marata, se vi na tamasinga ta, ki vi: “Ge aharêsigamu na ramana. 26Inê kê bonasigamu, igamu hato mu oga i ruruhana na arahanga iaku, mu hanetasia ma kamu hagahigasia na God iana o Taniele.
Ngaia ki na God mamauri,
i Araha tare, ki bê ki arâ.
Na arahanga iana ki asa, vige page hato.
Na raramohana ki asa, vige page arumakaka.
27Ngaia ki hagatahira na enoni,
ma ki katora, ka ape tatara.
Ngaia ki katogi na mena ma na tagaraha raha
i vavearo ma i maveta.
Ngaia ki hagatahia o Taniele
tenigi na harata na laione.”
28Matena garu heheuri igê na maneraha o Tario mo Kuro na mane ni Pesia, o Taniele ki oga igê na ramana.
© 2011 Bible Society of the South Pacific