TANIELE 5
5
Na ngêra raha iana o Belosasare
1I ta na manurahitana na maneraha o Belosasare ki tagarahia na ngêra raha. Ngaia ki guhira na rehagaro na enoni raha igê na gavumane. Ngaia ma ngaira ka tono na vaini. 2Matena ga oga ka totono, o Belosasare ki haribona, ka toregi me na kâkâ ma na apira, ga tagarahigi renigi na golo ma na siliva. Na marâ ngegana o Nebukanesa na vaemana ki bani henahuraugi tenia na Ruma ni Rotu i Jerusaleme. Ngaia ki obanigi na marâ ngegana, hanana vi ngaia ma na enoni raha igê na gavumane iana, ma na gete iana ma na hehene getera iana, viga tono igê. 3Matena ga toregi me na kâkâ ma na apira ngegana, ngaia ma na enoni hato ngegana ka tono igê na vaini. 4Matena ga tono, ngaira ka hagarahasigi na nununi na harasita, ga tagarahigi renigi na golo, na siliva, na kapa, na aiani, na apinige ma na hê.
5Ki parama na rima, ma ki vora me igê na apê siki i ruma, ga oga igê. Ngaia ki sege igê na apê, igê na agua i mave ngavê renigi na laiti. Matena na maneraha ki bâsia na rima i segesege, 6ngaia ki bâ anumanuma, ki bubununuga ngavê ma ki tata. 7Ngaia ki ngere ki haribona, ka merarâ me na mane ni matahu, na mane ni hagataniha ma na mane ni giraraha ni higu. Matena ga banu me na mane ni hagaotonga i Babilone ngegana, na maneraha ki vi tangara, ki vi “Na ani ma na hitangimi i girara i tomania na segesegeha igê na apê ma ki ramatenia me na girarana, inê kê hagahigasia, kê hagatugunia renia na tuguni rotorotoaga memera, ma kê hagahaga renia na golo na seni, suria gê gurua akê igê na tagaraniha ma ke vora na oruta na enoni raha igê na arahanga iaku.” 8Na mane ni hagaotonga iana na maneraha ka ura me, ka uhungia, viga tomania na segesegeha, se viga ramatenia na girarana tanga na maneraha, ma ki bara ngavê tangara. 9Vikana na maneraha o Belosasare ki ama ni tako anumanuma nga ngavê, ma ki magu ngavê. Na enoni raha igê na gavumane ka tugupu ngavê.
10Kenana na maneraha ki rongora, ga hetoratora na maneraha ma na enoni raha igê na gavumane. Ngaia ki banu i pasita igê na kiboru ni ngauha raha ngekana. Ngaia ki tamasi tanga na maneraha, ki vi: “Maneraha, gu mêri arihu! Siana ko anumanuma ma ko tatata. 11Igê na agua, go marungia, ki oga igê ta na mane, God Apuna ki angaria. Matena o vaemamu ki tahitahi mênga ma ki maneraha, na mane ngekana ki mataha na bêna ma ki nahunigi na giraraha mora ma na takoha mataha mangara na ataro. O vaemamu na maneraha o Nebukanesa ki kasia ki bêngenira na mane ni hinarunga, na mane ni matuha, na mane ni hagataniha ma na mane ni giraraha ni higu. 12Ngaia ka no Taniele. O vaemamu ki hêtana, vi o Belotesasare. Ngaia ki mataha ngavê na bêna, ma ki aitangisigi na ramateniha renigi na maruteha, na hagahinga ma renigi na marâ ga pinihi, i bara tangara na enoni, vige giraragi. Gu unia me o Taniele. Ngaia ki page ramatenigi tangago na girarani na segesegeha ngegana.”
O Taniele ki ramatenigi na segesegeha
13O Taniele ka merâ me otooto râ, ma ki ura i maana na maneraha. Na maneraha ki hagatea, ki vi: “O Taniele kani go? Igo vari kani ta na hitangita na Siu, vaemaku na maneraha ki bani henahuraura tenia i Juta? 14Inê kê bani rongoa, vi God Apuna kani angarigo, ma ki mataha na bêmu, ma ko nahunigi na giraraha mora ma na takoha mataha. 15Ga bani unira me na mane ni hagaotonga ma na mane ni matahu, hanana viga tomania na segesegeha ngekana ma ka ramatenia tangê na girarana. Ma ngaira ki bara tangara. 16Hoi, inê kê bani rongoa, vi igo kani go girara go ramatenigi na girarani na maruteha ma ko aramigi na hagahinga. Manga vi igo, ma ko girara go tomania na segesegeha ikê ma ko ramatenia me na girarana, inê kê hagahigasigo, kê hagatugunigo renia na tuguni rotorotoaga memera ma renia na golo na seni, suria gê gurugo akê igê na tagaraniha, ma ko voravora vi na oruta na enoni raha igê na arahanga iaku.”
17O Taniele ki arami, ki vi: “Maneraha, gu nakagi ma vê na mahatanga iamu tangago maremu, se tanga na ani mavê na enoni. Inê be tomania na segesegeha ma be ramatenia tangago na girarana.
18“Maneraha, na Araha God ki katoa o vaemamu o Nebukanesa ki maneraha, i rongo raha na atana. Na enoni ka hagahigasia ma ka hagarahasia. 19Ngaia ki raramohaga hunia ma na enoni hato i maveta, naka ma vi tenia i he, se viga bâ marata, se vi na tamasinga ta, ngaira ka magutenia ma ka bubununuga renia. Manga i obania, vi hagamesia ta na enoni, ngaia ki nanahuia. Manga i obania, vi hagatahia ta na enoni, ngaia ki hagatahia. Manga i obania, vi gurua akê ta na enoni igê na tagaraniha, ngaia ki gurua akê. Manga vi ngaia ma ki obania, vi kasia vato ta na enoni tenia na tagaraha, ngaia ki kasia vato. 20Ma suria ngaia ki kahu paroparo, ki togeaga, ma ki hagamamasiaga apeta na enoni, tahema ngaia ka hatungia tenia vi maneraha ma ki vota. 21Ga paia hura tenira na enoni, ma na takoha iana ki bekabekaga mangara na marâ vasiga. Ngaia ki oga henira na tonki vasiga, ki ngêngê na go mangara na puruka, ma ki mauru so ma i metara, ma ki vokavoka renigi na kârupu. I na murina ngekana ngaia ki kahu tahetara, vi na Araha God i teha ki marungigi na arahanga hato iata na maneraha, ma ki nahuni ramoha, hanana i mahatangenigi tanga na ani mavê na enoni, i obania.
22“Ma igo Belosasare o karena, igo ko hagarahasigo maremu, henaka go bani giraragi na tarani ngegana. 23Igo ko paraparo. Tahema igo ko haritohea na Araha God. Igo ko haribona, ka migirâ me na kâkâ ma na apira, ga henahuraugi tenia na Ruma ni Rotu. Igo, ma na enoni raha igê na gavumane iamu, ma na gete iamu, ma na hehene getera iamu, igamu hato kamu tono vaini igê. Ma na matena mu tono, igamu kamu hagarahasigi na nunuta na harasimi, ga tagarahigi renigi na golo, na siliva, na kapa, na aiani, na apinige ma na hê. Na harasimi ngegana ngaira ka pe girara, vige bâbâ, se vige rongorongo. Ngaira ka pe girara rârâ ta na marâ. Ma igo ko pe hagahigasia na God, i tâ i rimana na mêrihamu ma na mera iamu, na God i marungigi na tauhamu hato. 24Tahema God ki katoa ki vora me na rima, ki sege igê na apê.
25“Na segesegeha ki manga ikê: ‘Namba. Namba. Higahigana. Voasiha.’ 26Nga hanana na girarani na tamasinga igana ngegana. ‘Namba’ ki vi, vi God ki bani tomanigi na tangiani, go maneraha surigi ma ki bani hatungia na arahanga iamu. 27‘Higahigana’ ki vi, vi igo ka bani hagararingenia na higahigamu, ma igo ko mahaha ma. 28‘Voasiha’ ki vi, na arahanga iamu ka voasia tonganira na ai ni Metia me Pesia.”
29Na maneraha o Belosasare ki bonasira otooto râ na kariana, ka hagatugunia o Taniele renia na tuguni rotorotoaga memera, ma ka hagahaga renia na golo na seni. Ngaia ki gurua akê igê na tagaraha ma ki kasia ki vora na oruta na enoni raha igê na arahanga iana.
30Igê na bungiana ngekana ka nahu hunia igê o Belosasare na maneraha ni Babilonia. 31O Tario ni Metia ki urusia ki maneraha. Ngaia ki tonga na harisi iana tangahuru ge ono matarerua.
Currently Selected:
TANIELE 5: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TANIELE 5
5
Na ngêra raha iana o Belosasare
1I ta na manurahitana na maneraha o Belosasare ki tagarahia na ngêra raha. Ngaia ki guhira na rehagaro na enoni raha igê na gavumane. Ngaia ma ngaira ka tono na vaini. 2Matena ga oga ka totono, o Belosasare ki haribona, ka toregi me na kâkâ ma na apira, ga tagarahigi renigi na golo ma na siliva. Na marâ ngegana o Nebukanesa na vaemana ki bani henahuraugi tenia na Ruma ni Rotu i Jerusaleme. Ngaia ki obanigi na marâ ngegana, hanana vi ngaia ma na enoni raha igê na gavumane iana, ma na gete iana ma na hehene getera iana, viga tono igê. 3Matena ga toregi me na kâkâ ma na apira ngegana, ngaia ma na enoni hato ngegana ka tono igê na vaini. 4Matena ga tono, ngaira ka hagarahasigi na nununi na harasita, ga tagarahigi renigi na golo, na siliva, na kapa, na aiani, na apinige ma na hê.
5Ki parama na rima, ma ki vora me igê na apê siki i ruma, ga oga igê. Ngaia ki sege igê na apê, igê na agua i mave ngavê renigi na laiti. Matena na maneraha ki bâsia na rima i segesege, 6ngaia ki bâ anumanuma, ki bubununuga ngavê ma ki tata. 7Ngaia ki ngere ki haribona, ka merarâ me na mane ni matahu, na mane ni hagataniha ma na mane ni giraraha ni higu. Matena ga banu me na mane ni hagaotonga i Babilone ngegana, na maneraha ki vi tangara, ki vi “Na ani ma na hitangimi i girara i tomania na segesegeha igê na apê ma ki ramatenia me na girarana, inê kê hagahigasia, kê hagatugunia renia na tuguni rotorotoaga memera, ma kê hagahaga renia na golo na seni, suria gê gurua akê igê na tagaraniha ma ke vora na oruta na enoni raha igê na arahanga iaku.” 8Na mane ni hagaotonga iana na maneraha ka ura me, ka uhungia, viga tomania na segesegeha, se viga ramatenia na girarana tanga na maneraha, ma ki bara ngavê tangara. 9Vikana na maneraha o Belosasare ki ama ni tako anumanuma nga ngavê, ma ki magu ngavê. Na enoni raha igê na gavumane ka tugupu ngavê.
10Kenana na maneraha ki rongora, ga hetoratora na maneraha ma na enoni raha igê na gavumane. Ngaia ki banu i pasita igê na kiboru ni ngauha raha ngekana. Ngaia ki tamasi tanga na maneraha, ki vi: “Maneraha, gu mêri arihu! Siana ko anumanuma ma ko tatata. 11Igê na agua, go marungia, ki oga igê ta na mane, God Apuna ki angaria. Matena o vaemamu ki tahitahi mênga ma ki maneraha, na mane ngekana ki mataha na bêna ma ki nahunigi na giraraha mora ma na takoha mataha mangara na ataro. O vaemamu na maneraha o Nebukanesa ki kasia ki bêngenira na mane ni hinarunga, na mane ni matuha, na mane ni hagataniha ma na mane ni giraraha ni higu. 12Ngaia ka no Taniele. O vaemamu ki hêtana, vi o Belotesasare. Ngaia ki mataha ngavê na bêna, ma ki aitangisigi na ramateniha renigi na maruteha, na hagahinga ma renigi na marâ ga pinihi, i bara tangara na enoni, vige giraragi. Gu unia me o Taniele. Ngaia ki page ramatenigi tangago na girarani na segesegeha ngegana.”
O Taniele ki ramatenigi na segesegeha
13O Taniele ka merâ me otooto râ, ma ki ura i maana na maneraha. Na maneraha ki hagatea, ki vi: “O Taniele kani go? Igo vari kani ta na hitangita na Siu, vaemaku na maneraha ki bani henahuraura tenia i Juta? 14Inê kê bani rongoa, vi God Apuna kani angarigo, ma ki mataha na bêmu, ma ko nahunigi na giraraha mora ma na takoha mataha. 15Ga bani unira me na mane ni hagaotonga ma na mane ni matahu, hanana viga tomania na segesegeha ngekana ma ka ramatenia tangê na girarana. Ma ngaira ki bara tangara. 16Hoi, inê kê bani rongoa, vi igo kani go girara go ramatenigi na girarani na maruteha ma ko aramigi na hagahinga. Manga vi igo, ma ko girara go tomania na segesegeha ikê ma ko ramatenia me na girarana, inê kê hagahigasigo, kê hagatugunigo renia na tuguni rotorotoaga memera ma renia na golo na seni, suria gê gurugo akê igê na tagaraniha, ma ko voravora vi na oruta na enoni raha igê na arahanga iaku.”
17O Taniele ki arami, ki vi: “Maneraha, gu nakagi ma vê na mahatanga iamu tangago maremu, se tanga na ani mavê na enoni. Inê be tomania na segesegeha ma be ramatenia tangago na girarana.
18“Maneraha, na Araha God ki katoa o vaemamu o Nebukanesa ki maneraha, i rongo raha na atana. Na enoni ka hagahigasia ma ka hagarahasia. 19Ngaia ki raramohaga hunia ma na enoni hato i maveta, naka ma vi tenia i he, se viga bâ marata, se vi na tamasinga ta, ngaira ka magutenia ma ka bubununuga renia. Manga i obania, vi hagamesia ta na enoni, ngaia ki nanahuia. Manga i obania, vi hagatahia ta na enoni, ngaia ki hagatahia. Manga i obania, vi gurua akê ta na enoni igê na tagaraniha, ngaia ki gurua akê. Manga vi ngaia ma ki obania, vi kasia vato ta na enoni tenia na tagaraha, ngaia ki kasia vato. 20Ma suria ngaia ki kahu paroparo, ki togeaga, ma ki hagamamasiaga apeta na enoni, tahema ngaia ka hatungia tenia vi maneraha ma ki vota. 21Ga paia hura tenira na enoni, ma na takoha iana ki bekabekaga mangara na marâ vasiga. Ngaia ki oga henira na tonki vasiga, ki ngêngê na go mangara na puruka, ma ki mauru so ma i metara, ma ki vokavoka renigi na kârupu. I na murina ngekana ngaia ki kahu tahetara, vi na Araha God i teha ki marungigi na arahanga hato iata na maneraha, ma ki nahuni ramoha, hanana i mahatangenigi tanga na ani mavê na enoni, i obania.
22“Ma igo Belosasare o karena, igo ko hagarahasigo maremu, henaka go bani giraragi na tarani ngegana. 23Igo ko paraparo. Tahema igo ko haritohea na Araha God. Igo ko haribona, ka migirâ me na kâkâ ma na apira, ga henahuraugi tenia na Ruma ni Rotu. Igo, ma na enoni raha igê na gavumane iamu, ma na gete iamu, ma na hehene getera iamu, igamu hato kamu tono vaini igê. Ma na matena mu tono, igamu kamu hagarahasigi na nunuta na harasimi, ga tagarahigi renigi na golo, na siliva, na kapa, na aiani, na apinige ma na hê. Na harasimi ngegana ngaira ka pe girara, vige bâbâ, se vige rongorongo. Ngaira ka pe girara rârâ ta na marâ. Ma igo ko pe hagahigasia na God, i tâ i rimana na mêrihamu ma na mera iamu, na God i marungigi na tauhamu hato. 24Tahema God ki katoa ki vora me na rima, ki sege igê na apê.
25“Na segesegeha ki manga ikê: ‘Namba. Namba. Higahigana. Voasiha.’ 26Nga hanana na girarani na tamasinga igana ngegana. ‘Namba’ ki vi, vi God ki bani tomanigi na tangiani, go maneraha surigi ma ki bani hatungia na arahanga iamu. 27‘Higahigana’ ki vi, vi igo ka bani hagararingenia na higahigamu, ma igo ko mahaha ma. 28‘Voasiha’ ki vi, na arahanga iamu ka voasia tonganira na ai ni Metia me Pesia.”
29Na maneraha o Belosasare ki bonasira otooto râ na kariana, ka hagatugunia o Taniele renia na tuguni rotorotoaga memera, ma ka hagahaga renia na golo na seni. Ngaia ki gurua akê igê na tagaraha ma ki kasia ki vora na oruta na enoni raha igê na arahanga iana.
30Igê na bungiana ngekana ka nahu hunia igê o Belosasare na maneraha ni Babilonia. 31O Tario ni Metia ki urusia ki maneraha. Ngaia ki tonga na harisi iana tangahuru ge ono matarerua.
© 2011 Bible Society of the South Pacific