TAGARAHA IATA NA APOSOTOLO 25
25
O Paulo ki obania vi ga hagatamasia i hinua i Roma
1O Fesito, na gavumane, ki ata me, ma i murini na tangiani gi oru ngaia ki râ tenia i Sesarea tanga i Jerusaleme. 2I ngekana na mane ni vogasiha ga teha ma na meraha iata na Siu ka tuguria igê o Paulo i pasina. Ngaira ka nungia bâraha o Fesito, 3hanana vi hagakoro obata, ki hagatorangenia o Paulo, ki arâ me i Jerusaleme, renia ngaira ka bani harikato, vi ga nanahuia i tara. 4O Fesito ki arami, ki vi: “O Paulo kani goga igê na ruma ni hagaitangiha i Sesarea, ma inê mareku ki sugia ma, be aporo i ngekana. 5Na meraha iami ki ararira, viga arâ heniê i Sesarea, ma ka tuguria o Paulo, manga vi ngaia, ma ki tanua ta na marâ era.”
6O Fesito i goga henira mênga surigi na tangiani ge varu nikâ se tangahuru vari, ma ki kahu râ i Sesarea. Igê na tangiana i hemuri ngaia ki oga igê na ruma ni hagatamasi ma ki bonasira na mane ni me, ka mebanu me o Paulo. 7Matena i râ me o Paulo, na Siu, ga bani râ me tenia i Jerusaleme, ka ura rihia, ma ka haganega ka tuguria bâraha renigi na tarani ga higa, ma ki asa iata, vi ge hagatanga monari renigi. 8Mo Paulo ki tamasi bê aporo, ki vi: “Inê kê pe tanua rârâ ta na marâ, vi ge erasigi na Ramata iata na Siu, se vi na Ruma ni Rotu, se vi na mane, i teha igê na gavumane i Roma.”
9O Fesito ki obania, vi hagakoro obata na Siu. Tahema i hagatea o Paulo, ki vi: “I hega, igo ko obania vari, vi go arâ i Jerusaleme, ma kê hagatamasigo i ngekana re na marâ, ga tugurigo renigi?” 10O Paulo ki vi: “Inê kê obania, vi na mane, i teha igê na gavumane i Roma, kani hagatamasiê. Mego nogamu ko girara, vi inê kê pe tanua rârâ ta na marâ era, vi ge erasira na Siu. 11Manga inê, ma kê aharê igê na ramata, ma kê tanua ta na marâ era, hanana i arariê, vi gê meme, i asa iaku, vi ve usitenia na mera. Ma ki manga ga pe monari na marâ, ga tuguriê renigi, i asa ta na enoni, vi ge tagareniê tangara na Siu. Inê kê obania, vi na mane i teha igê na gavumane i Roma, vi suriê.” 12Ma hemuri o Fesito ki meratamasi na mane na kaunselo iana, ma muri ki vi tanga o Paulo, ki vi: “Igo ko obania, vi na mane i teha igê na gavumane i Roma, kani surigo, hoita, ngaia nogana ki page surigo.”
O Fesito ki tamasi renia o Paulo tanga o Agiripa
13Ta na bevoana i muri o Agiripa, na maneraha, ma ka Berenise kesina garu râ me i Sesarea, hanana vi garu vatugia o Fesito, ma karu visia koro, renia i râ me. 14I murina garu oga i ngekana surigi tani na tangiani, o Fesito ki ramatenia na tamasinga renia o Paulo tanga o Agiripa, na maneraha. Ngaia ki vi: “Ikê ki oga igê ta na mane, o Felise ki kasia igê na ruma ni hagaitangiha. 15Ma na matena inê kê râ i Jerusaleme, na mane ni vogasiha ga teha iata na Siu ma na meraha ka tuguria, ma ka nungiê, vi gê hagaitangia. 16Ma inê kê vi tangara, kê vi, na Ai ni Roma ka pe tagarenia na anima na mane tangara na enoni, ga tuguria renia ta na marâ era. I tuguhia, i merahetuguri hagenago na enoni, ga tuguria, hanana vi ramatenia na parongana tangara na enoni, ga tuguria. 17Matena ngaira hato ka râ me ikê, inê kê pe hagarihu, ma igê nga na tangiana i muri inê kê oga igê na ruma ni hagatamasi, ma kê bonasira na mane ni me, ka mebanu me o Paulo. 18Na enoni, ga tuguria, ka tamasi, ma ka pe tuguria renia ta na eraha raha, manga gê takusia. 19Ngaira ka mehetuguri ma renia ta na marâ igê na rotu iata mareta, ma renia ta na mane, i me, o Jesu na atana. Mo Paulo ki vi, na mane ngekê ki mêri aporo. 20Inê kê tako tugupu, manga i he be giraragi bâkoro na marâ ngegê. Ma kê hagatea o Paulo, manga vi ngaia ki agana, vi arâ i Jerusaleme, ma ka hagatamasi igê. 21Mo Paulo ki obania, vi na mane i teha igê na gavumane i Roma, kani suria. Ngaia ki obania, vi na mane ni me ka hahutugia. Tahema inê kê bonasira na mane ni me, ka hahutugia, mataro me kê girara gê hagatorangenia tanga na mane, i teha igê na gavumane i Roma.”
22O Agiripa ki vi tanga o Fesito, ki vi: “Inê mareku nikâ kê obania, vi gê karinga na mane ngekana.” Fesito ki arami, ki vi: “Go page karinga i gomaha.”
23Igê na tangiana i muri o Agiripa ma ka Berenise karu ata me, ma na enoni rako ka hagarahasirerua renigi na marâ, ga tanugi. Ma karu banu igê na ruma ni hakuta henira na mane ga bêngenira na mane ni me ma na meraha ni hinua. O Fesito ki bonasira na mane ni me, ka mebanu me o Paulo. 24O Fesito, ki vi: “Agiripa, maneraha ma igamu hato mu oga henigami ikê. Mu bâsia na mane ikê. Na Siu hato, na ani, ga oga ikê, ma na ani, ga oga i Jerusaleme, ka tuguria i pasiku. Ngaira ka ngere raha, ka vi, vi tuguhia, i meme. 25Ma inê kê pe tarahua rârâ ta na marâ era i pasina, hanana vi ge meme renia. Ma suria ngaia marena ki obania, vi na mane, i teha igê na gavumane i Roma, kani suria, tahema inê be hagatorangenia tanga. 26Ma inê kê pe girara mataha ta na marâ renia, hanana vi ve segea tanga na mane, i teha igê na gavumane i Roma. Tahema inê kê torea me ikê tangagamu, ma tangago na maneraha Agiripa, hanana gê girara, vi gê segea ta na marâ, i murina ga garia na tarana nge ngekê. 27Renia i pe oto tangê, vi ve hagatorangenia na mane igê na ruma ni hagaitangiha, manga vi gê pe segegi mataha na marâ, ga tuguria renigi.”
Currently Selected:
TAGARAHA IATA NA APOSOTOLO 25: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAGARAHA IATA NA APOSOTOLO 25
25
O Paulo ki obania vi ga hagatamasia i hinua i Roma
1O Fesito, na gavumane, ki ata me, ma i murini na tangiani gi oru ngaia ki râ tenia i Sesarea tanga i Jerusaleme. 2I ngekana na mane ni vogasiha ga teha ma na meraha iata na Siu ka tuguria igê o Paulo i pasina. Ngaira ka nungia bâraha o Fesito, 3hanana vi hagakoro obata, ki hagatorangenia o Paulo, ki arâ me i Jerusaleme, renia ngaira ka bani harikato, vi ga nanahuia i tara. 4O Fesito ki arami, ki vi: “O Paulo kani goga igê na ruma ni hagaitangiha i Sesarea, ma inê mareku ki sugia ma, be aporo i ngekana. 5Na meraha iami ki ararira, viga arâ heniê i Sesarea, ma ka tuguria o Paulo, manga vi ngaia, ma ki tanua ta na marâ era.”
6O Fesito i goga henira mênga surigi na tangiani ge varu nikâ se tangahuru vari, ma ki kahu râ i Sesarea. Igê na tangiana i hemuri ngaia ki oga igê na ruma ni hagatamasi ma ki bonasira na mane ni me, ka mebanu me o Paulo. 7Matena i râ me o Paulo, na Siu, ga bani râ me tenia i Jerusaleme, ka ura rihia, ma ka haganega ka tuguria bâraha renigi na tarani ga higa, ma ki asa iata, vi ge hagatanga monari renigi. 8Mo Paulo ki tamasi bê aporo, ki vi: “Inê kê pe tanua rârâ ta na marâ, vi ge erasigi na Ramata iata na Siu, se vi na Ruma ni Rotu, se vi na mane, i teha igê na gavumane i Roma.”
9O Fesito ki obania, vi hagakoro obata na Siu. Tahema i hagatea o Paulo, ki vi: “I hega, igo ko obania vari, vi go arâ i Jerusaleme, ma kê hagatamasigo i ngekana re na marâ, ga tugurigo renigi?” 10O Paulo ki vi: “Inê kê obania, vi na mane, i teha igê na gavumane i Roma, kani hagatamasiê. Mego nogamu ko girara, vi inê kê pe tanua rârâ ta na marâ era, vi ge erasira na Siu. 11Manga inê, ma kê aharê igê na ramata, ma kê tanua ta na marâ era, hanana i arariê, vi gê meme, i asa iaku, vi ve usitenia na mera. Ma ki manga ga pe monari na marâ, ga tuguriê renigi, i asa ta na enoni, vi ge tagareniê tangara na Siu. Inê kê obania, vi na mane i teha igê na gavumane i Roma, vi suriê.” 12Ma hemuri o Fesito ki meratamasi na mane na kaunselo iana, ma muri ki vi tanga o Paulo, ki vi: “Igo ko obania, vi na mane i teha igê na gavumane i Roma, kani surigo, hoita, ngaia nogana ki page surigo.”
O Fesito ki tamasi renia o Paulo tanga o Agiripa
13Ta na bevoana i muri o Agiripa, na maneraha, ma ka Berenise kesina garu râ me i Sesarea, hanana vi garu vatugia o Fesito, ma karu visia koro, renia i râ me. 14I murina garu oga i ngekana surigi tani na tangiani, o Fesito ki ramatenia na tamasinga renia o Paulo tanga o Agiripa, na maneraha. Ngaia ki vi: “Ikê ki oga igê ta na mane, o Felise ki kasia igê na ruma ni hagaitangiha. 15Ma na matena inê kê râ i Jerusaleme, na mane ni vogasiha ga teha iata na Siu ma na meraha ka tuguria, ma ka nungiê, vi gê hagaitangia. 16Ma inê kê vi tangara, kê vi, na Ai ni Roma ka pe tagarenia na anima na mane tangara na enoni, ga tuguria renia ta na marâ era. I tuguhia, i merahetuguri hagenago na enoni, ga tuguria, hanana vi ramatenia na parongana tangara na enoni, ga tuguria. 17Matena ngaira hato ka râ me ikê, inê kê pe hagarihu, ma igê nga na tangiana i muri inê kê oga igê na ruma ni hagatamasi, ma kê bonasira na mane ni me, ka mebanu me o Paulo. 18Na enoni, ga tuguria, ka tamasi, ma ka pe tuguria renia ta na eraha raha, manga gê takusia. 19Ngaira ka mehetuguri ma renia ta na marâ igê na rotu iata mareta, ma renia ta na mane, i me, o Jesu na atana. Mo Paulo ki vi, na mane ngekê ki mêri aporo. 20Inê kê tako tugupu, manga i he be giraragi bâkoro na marâ ngegê. Ma kê hagatea o Paulo, manga vi ngaia ki agana, vi arâ i Jerusaleme, ma ka hagatamasi igê. 21Mo Paulo ki obania, vi na mane i teha igê na gavumane i Roma, kani suria. Ngaia ki obania, vi na mane ni me ka hahutugia. Tahema inê kê bonasira na mane ni me, ka hahutugia, mataro me kê girara gê hagatorangenia tanga na mane, i teha igê na gavumane i Roma.”
22O Agiripa ki vi tanga o Fesito, ki vi: “Inê mareku nikâ kê obania, vi gê karinga na mane ngekana.” Fesito ki arami, ki vi: “Go page karinga i gomaha.”
23Igê na tangiana i muri o Agiripa ma ka Berenise karu ata me, ma na enoni rako ka hagarahasirerua renigi na marâ, ga tanugi. Ma karu banu igê na ruma ni hakuta henira na mane ga bêngenira na mane ni me ma na meraha ni hinua. O Fesito ki bonasira na mane ni me, ka mebanu me o Paulo. 24O Fesito, ki vi: “Agiripa, maneraha ma igamu hato mu oga henigami ikê. Mu bâsia na mane ikê. Na Siu hato, na ani, ga oga ikê, ma na ani, ga oga i Jerusaleme, ka tuguria i pasiku. Ngaira ka ngere raha, ka vi, vi tuguhia, i meme. 25Ma inê kê pe tarahua rârâ ta na marâ era i pasina, hanana vi ge meme renia. Ma suria ngaia marena ki obania, vi na mane, i teha igê na gavumane i Roma, kani suria, tahema inê be hagatorangenia tanga. 26Ma inê kê pe girara mataha ta na marâ renia, hanana vi ve segea tanga na mane, i teha igê na gavumane i Roma. Tahema inê kê torea me ikê tangagamu, ma tangago na maneraha Agiripa, hanana gê girara, vi gê segea ta na marâ, i murina ga garia na tarana nge ngekê. 27Renia i pe oto tangê, vi ve hagatorangenia na mane igê na ruma ni hagaitangiha, manga vi gê pe segegi mataha na marâ, ga tuguria renigi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific