TAGARAHA IATA NA APOSOTOLO 24
24
Na Siu ka tuguria o Paulo
1I murini na tangiani gi rima o Anania, na mane ni vogasiha i teha ki so i Sesarea henira tani na meraha, ma henia o Teritulo, na mane i giraragi bâkoro na ramata. Ngaira ka ura i maana o Felise, na gavumane, matena ngaia i hagatamasi, ma ka tuguria o Paulo. 2Ka unia o Paulo, ma o Teritulo ki haganega ki tuguria o Paulo, ki vi vikê:
“Maneraha! Suria igo ki na mane go tako mataha ngavê, tahema igami kami oga arihu me noga igê na marapeha, ma suria igo tahema ga bani vora me na urusiha, ga koro tanga na apanena iamami. 3Igê na ara ni hinua igami kami vagevage tare renia na tarana ngekana, ma kami visigo koro era renia. 4Inê kê pe obania, ve hagabarasigo renia na tamasinga borahu. Ma kê nungigo, ko marape, ma ko karinga na tamasinga abubu iamami. 5Igami kami girara, vi na mane ngekê, ngaia ki na mane, i urapusia ma ki merongasia na gavumane. Ngaia ki haganega na perenga i pasita na Siu igê na maveta hagenani, ma ngaia nogana kani ta na maneraha igê na haku na enoni ga Nasarene. 6Ma nikâ ngaia ki uhungia, vi aerasia na Ruma ni Rotu. Ma igami kami têa. [Igami kami kato, vi gami suria surigi na Ramata iamami maremami. 7Ma o Lisiasi, na mane i araha tangara na mane ni me, ki banu me, ma ki okebaba henia, ki torea panigami. 8Ma hemuri o Lisiasi ki bonasigami, ki vi vikê, i tuguhigami, vi gami tuguria o Paulo i pasimu.] Manga igo, ma ko hagatea na mane ngekê, igo maremu ko girara tenia, vi ga monari na marâ hato, mi tuguria renigi.” 9Na Siu nikâ ka tuguria renigi na marâ, ga tagenani ma, ma ka vi, vi na marâ hato ngegana ka monari.
O Paulo ki tamasi i maana o Felise
10Na gavumane ki hagarari tanga o Paulo, ki tamasi, mo Paulo ki vi:
“Inê kê girarago, go bani surira na enoni igê na apanena ikê surigi rako na harisi. Tahema inê kê vagevage, hanana vi gê tamasi i maamu pusira na enoni, ga tuguriê. 11Igo maremu ko girara, go page tarahua, vi i monari, inê kê akê i Jerusaleme, hanana vi gê rahesia God, igê ma na tangiani tangahuru matarerua ga hato. 12Matena na Siu ka bâsiê, inê kê pe mehetuguri ta na enoni igê na Ruma ni Rotu, ma nikâ ngaira ka bâsiê, gê pe katoa rârâ na perenga i pasita na enoni igê na ruma ni sukuru, se vi igê na agua mavê igê na hinua raha. 13Ma nikâ ngaira ki mareha rârâ vi ge hagatanga monari renigi na marâ, ga tuguriê renigi i ngekê. 14Ma inê kê visia tangago, i monari ngekê: Inê kê rahesia na God iata na êvarimami, renia gê râ suria na Tarana iana na Araha, ngaira ka vi, vi pe monari. Ma inê kê tongesurigi nikâ na ara ni marâ, ga bani segegi igê na Buka na Ramata iana o Moise ma igê na Buka iata na poropete. 15Ngaira nogata ma inê, kami tongesuria ma kami naasia, hanana vi God ki page hagamaurira aporo na enoni hato, ga bani me, na ani koro ma na ani era. 16Tahema inê kê uhungia bâraha tare, vi ge koro na mêriha iaku i maana God ma i maata na enoni.
17“I murina gê oga vê tenia i Jerusaleme surigi tani na harisi, inê kê tora tani na haga, ma kê râ i ngekana, hanana vi gê vatera na goaku, ma kê vogasia God. 18Inê kê bani tanua na vuripusiaku renia na suruha iaku tanga God, ma na matena inê kê vogasi, ngaira ka tarahuê igê na Ruma ni Rotu. Ga mareha na enoni heniê, ma ki mareha ta na enoni, vi ge tanua na perenga. 19Ma i ngekana ka oga igê tani na Siu, ga râ me tenia na apanena i Asia. Ma ki ararira nogata, vi ga arâ me ikê i maamu, ma ka tuguriê, manga vi ngaira, ma ka girara ta na marâ, gê era renia. 20Se i koro ma nikâ, vi na mane ngegana ke visia na marâ era ta, kanigê katoa, ma ke hagatanga monari renia, matena gê ura i maata na mane na Kaunselo. 21I monari, na ani gi tage ma na marâ, gê katoa, ki manga ikê. Matena gê ura i maata, inê kê tamasi ramo, kê vi, ‘Igamu kamu suriê mu hagaitangiê i ngekê, renia inê kê tongesuria, vi God ki page hagamaurira aporo na enoni, ga me.’”
22Ma hemuri o Felise i girara bâkoro na Tarana iana na Araha, ma ki naka vê noga vige hagatamasia ma ki vi tangara, “Inê kê page suria na tarana ngekê, matena i arâ me o Lisiasi, na mane, i araha tangara na mane ni me.” 23Ngaia ki bonasia na mane i bêngenira na mane ni me, ki hahutugia o Paulo ma ki hagamarumungenia ki barebare rârâ, ma ki hagamarumungenira na kariana, ka vatea na marâ, i obanigi, vi mauri renigi.
O Paulo ki tamasi tangarerua o Felise ma ka Turusila
24I murini tani na tangiani o Felise ma kaniana karu râ me. Na atana kaniana ngekê kani ka Turusila, ma ngaia ki na Siu. Ngaia ki unia me o Paulo, ma ki karinga, matena o Paulo i tamasi renia na tongesuriha renia o Kirisito Jesu. 25Ma na matena o Paulo ki ama ni tamasi ma renia na taroha ma renia na bâsuriana marena, ma renia na Tangiana ni Suriha Raha, o Felise ki magu, ma ki vi: “I arari, gu râ noga. Inê kê page unigo nikâ, matena gê pe aruma.” 26Ma nikâ ngaia ki obania, vi o Paulo ki vatea na haga. Tahema ngaia ki unia hagarako, ma ki metamasi.
27I murini na harisi gi rua o Posio Fesito ki urusia o Felise, ki gavumane. O Felise ki obania, vi hagakoro obata na Siu, tahema ngaia ki bonasia o Paulo, ki oga i ruma ni hagaitangiha.
Currently Selected:
TAGARAHA IATA NA APOSOTOLO 24: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAGARAHA IATA NA APOSOTOLO 24
24
Na Siu ka tuguria o Paulo
1I murini na tangiani gi rima o Anania, na mane ni vogasiha i teha ki so i Sesarea henira tani na meraha, ma henia o Teritulo, na mane i giraragi bâkoro na ramata. Ngaira ka ura i maana o Felise, na gavumane, matena ngaia i hagatamasi, ma ka tuguria o Paulo. 2Ka unia o Paulo, ma o Teritulo ki haganega ki tuguria o Paulo, ki vi vikê:
“Maneraha! Suria igo ki na mane go tako mataha ngavê, tahema igami kami oga arihu me noga igê na marapeha, ma suria igo tahema ga bani vora me na urusiha, ga koro tanga na apanena iamami. 3Igê na ara ni hinua igami kami vagevage tare renia na tarana ngekana, ma kami visigo koro era renia. 4Inê kê pe obania, ve hagabarasigo renia na tamasinga borahu. Ma kê nungigo, ko marape, ma ko karinga na tamasinga abubu iamami. 5Igami kami girara, vi na mane ngekê, ngaia ki na mane, i urapusia ma ki merongasia na gavumane. Ngaia ki haganega na perenga i pasita na Siu igê na maveta hagenani, ma ngaia nogana kani ta na maneraha igê na haku na enoni ga Nasarene. 6Ma nikâ ngaia ki uhungia, vi aerasia na Ruma ni Rotu. Ma igami kami têa. [Igami kami kato, vi gami suria surigi na Ramata iamami maremami. 7Ma o Lisiasi, na mane i araha tangara na mane ni me, ki banu me, ma ki okebaba henia, ki torea panigami. 8Ma hemuri o Lisiasi ki bonasigami, ki vi vikê, i tuguhigami, vi gami tuguria o Paulo i pasimu.] Manga igo, ma ko hagatea na mane ngekê, igo maremu ko girara tenia, vi ga monari na marâ hato, mi tuguria renigi.” 9Na Siu nikâ ka tuguria renigi na marâ, ga tagenani ma, ma ka vi, vi na marâ hato ngegana ka monari.
O Paulo ki tamasi i maana o Felise
10Na gavumane ki hagarari tanga o Paulo, ki tamasi, mo Paulo ki vi:
“Inê kê girarago, go bani surira na enoni igê na apanena ikê surigi rako na harisi. Tahema inê kê vagevage, hanana vi gê tamasi i maamu pusira na enoni, ga tuguriê. 11Igo maremu ko girara, go page tarahua, vi i monari, inê kê akê i Jerusaleme, hanana vi gê rahesia God, igê ma na tangiani tangahuru matarerua ga hato. 12Matena na Siu ka bâsiê, inê kê pe mehetuguri ta na enoni igê na Ruma ni Rotu, ma nikâ ngaira ka bâsiê, gê pe katoa rârâ na perenga i pasita na enoni igê na ruma ni sukuru, se vi igê na agua mavê igê na hinua raha. 13Ma nikâ ngaira ki mareha rârâ vi ge hagatanga monari renigi na marâ, ga tuguriê renigi i ngekê. 14Ma inê kê visia tangago, i monari ngekê: Inê kê rahesia na God iata na êvarimami, renia gê râ suria na Tarana iana na Araha, ngaira ka vi, vi pe monari. Ma inê kê tongesurigi nikâ na ara ni marâ, ga bani segegi igê na Buka na Ramata iana o Moise ma igê na Buka iata na poropete. 15Ngaira nogata ma inê, kami tongesuria ma kami naasia, hanana vi God ki page hagamaurira aporo na enoni hato, ga bani me, na ani koro ma na ani era. 16Tahema inê kê uhungia bâraha tare, vi ge koro na mêriha iaku i maana God ma i maata na enoni.
17“I murina gê oga vê tenia i Jerusaleme surigi tani na harisi, inê kê tora tani na haga, ma kê râ i ngekana, hanana vi gê vatera na goaku, ma kê vogasia God. 18Inê kê bani tanua na vuripusiaku renia na suruha iaku tanga God, ma na matena inê kê vogasi, ngaira ka tarahuê igê na Ruma ni Rotu. Ga mareha na enoni heniê, ma ki mareha ta na enoni, vi ge tanua na perenga. 19Ma i ngekana ka oga igê tani na Siu, ga râ me tenia na apanena i Asia. Ma ki ararira nogata, vi ga arâ me ikê i maamu, ma ka tuguriê, manga vi ngaira, ma ka girara ta na marâ, gê era renia. 20Se i koro ma nikâ, vi na mane ngegana ke visia na marâ era ta, kanigê katoa, ma ke hagatanga monari renia, matena gê ura i maata na mane na Kaunselo. 21I monari, na ani gi tage ma na marâ, gê katoa, ki manga ikê. Matena gê ura i maata, inê kê tamasi ramo, kê vi, ‘Igamu kamu suriê mu hagaitangiê i ngekê, renia inê kê tongesuria, vi God ki page hagamaurira aporo na enoni, ga me.’”
22Ma hemuri o Felise i girara bâkoro na Tarana iana na Araha, ma ki naka vê noga vige hagatamasia ma ki vi tangara, “Inê kê page suria na tarana ngekê, matena i arâ me o Lisiasi, na mane, i araha tangara na mane ni me.” 23Ngaia ki bonasia na mane i bêngenira na mane ni me, ki hahutugia o Paulo ma ki hagamarumungenia ki barebare rârâ, ma ki hagamarumungenira na kariana, ka vatea na marâ, i obanigi, vi mauri renigi.
O Paulo ki tamasi tangarerua o Felise ma ka Turusila
24I murini tani na tangiani o Felise ma kaniana karu râ me. Na atana kaniana ngekê kani ka Turusila, ma ngaia ki na Siu. Ngaia ki unia me o Paulo, ma ki karinga, matena o Paulo i tamasi renia na tongesuriha renia o Kirisito Jesu. 25Ma na matena o Paulo ki ama ni tamasi ma renia na taroha ma renia na bâsuriana marena, ma renia na Tangiana ni Suriha Raha, o Felise ki magu, ma ki vi: “I arari, gu râ noga. Inê kê page unigo nikâ, matena gê pe aruma.” 26Ma nikâ ngaia ki obania, vi o Paulo ki vatea na haga. Tahema ngaia ki unia hagarako, ma ki metamasi.
27I murini na harisi gi rua o Posio Fesito ki urusia o Felise, ki gavumane. O Felise ki obania, vi hagakoro obata na Siu, tahema ngaia ki bonasia o Paulo, ki oga i ruma ni hagaitangiha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific