Salmos 43
43
Icoacotiri Tasorentsi incantacoventeri cameetsa
1Notasorentsite, pincantacoventena cameetsa,
¡Pojocaacoventena, pimpiateari atiripee caari quemisantatsi!
¡Poavisaacotena, eiro yoashinoncantanatsi tseeyari
jeri caari cameetsatatsi!
2Tempa avirotaque Notasorentsite jocaacoventanari.
¿Paitampa pinijantareantanaquenari?
¿Paita noashiretanteari
iroashinoncayenarica quisajeitanari?
3Piotacayena nontime cameetsa,
aisati ponijayenaro queariotatsiri,
nareetantearori toncaari cameetsatatsiri, pinantapinitari.
4Notasorentsite, ariorica nareetaquearo altar,
aitaque noncantacotempiri: Picameetsati,
nantacotapeero arpa.
Tempa, Notasorentsite, aviro quimoshiretacaasanotanari.
5¿Paitaquea noncantashiretanteari?
¿Paitaquea nonquenqueshireveetanteari?
Tempa irio Tasorentsi noyeacotaqueri,
irosati noncantea noncantacoteri: Icameetsati.
¡Iriotaque Notasorentsite oavisaacotanari!
Currently Selected:
Salmos 43: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
