Salmos 29
29
Oqueariotasanoti ineanati Tasorentsi
(Ivampoyeane David)
1Avirojei inampirepee Tasorentsi,
pincantacoteri Tasorentsisanori: Icameetsati,
imatasanotiro paitapeerica,
2Pincantacoteri Tasorentsi: Icameetsati;
tempa Itasorentsitasanotaque catsini.
Pimpincatsatasanoteri anta Inantariqui cameetsatatsiri.
3Ineanaterica Tasorentsi opoimajatacairo incajare;
¡icameetsatasanotaque, irio tireacairori,
aisati yamenacoventiro antearoja incajare!
4Ineanaterica Tasorentsi, opoimati antearoite catsini.
5Ineanaterica Tasorentsi ocaarajempequiyetiro santarishipee
timatsiri toncaariqui Líbano.
6Onicacaaro toncaaripeequi Líbano aisati Sirión.
¡Oquempevetacari imitajamitajati vaca shirampari aisati irijaniqui!
7Ineanaterica Tasorentsi osoquijajeiti paamari.
8¡Ineanaterica Tasorentsi, onicacaaro caaraiteri Cadés!
9Ineanaterica Tasorentsi
omoyecacaro inchatopee icanteetiri encina,
aisati ojaraayetiro inchatomashipee.
Anta Ivancoqui ipincatsajeitiri maaroni,
neacameetsajeitiriri.
10Iriotaque Tasorentsi pincatsariventirori incani.
¡Icantatiani ipincatsaritaque, ipincatsariventasanotanti!
11Imatacaasanotiri ishanincatajari, ishintsitasanotantari.
Itasoncacoventajeitiri isavicacairi cameetsa.
Currently Selected:
Salmos 29: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
