Salmos 15
15
Icoacairiri Tasorentsi atiri iranteri
(Ivampoyeane David)
1Notasorentsite, ¿Jaanica pishineteri savicatsineri Pinantariqui?
¿Jaanica pishineteri intime toncaariqui poameetsatiri?
2Apaniro irinti savicatsiri cameetsa,
moncaratirori picoacaaqueriri,
antapiniyetirori cameetsayetatsiri,
neanatatsiri cameetsa;
3yora caari cantimatantatsine,
caari oashinoncayerine itsipavintsatari,
aisati caari cantanentacari icarajeitiri;
4Yora manintiriri antayetirori caari cameetsatatsi,
irintiquea ineacameetsatiri pincatsatiriri Tasorentsi,
yora moncaratirori paitarica icashiacairi, omavetaquea ompomerentsitimovetaqueari;
5yora pashitariri ishaninca quireequi icoacotiririca,
caari coacoterine quimota iroanaavajeneri,
aisati caari coatsi iraanteari ishaninca quireequi iroashinoncanteariri caari timatsine irantane.
Yora matasanoteroneri, eiro catsini yashinoncaatsi.
Currently Selected:
Salmos 15: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
