Salmos 126
126
Yoipiantajariri Tasorentsi inampiqui
1Yoipiajeitantajanari Tasorentsi nampitsiqui Sión,
oquempetimotaquena nomishitaca.
2Oshequi noquimoshirejeitanaji, antearojenca noquimoshirejeitaji.
Aisati icantajeiti pincatsatashijeitariri ijitasorentsiyetiri:
“¡Yora Tasorentsi imatasanotaqueneri ishanincajeitaniri Israel caari ineapiniyeeti!”
3Queario, imatasanotaqueero Tasorentsi caari ineapiniyeeti,
oshequi aquimoshiretasanojeitaque.
4¡Tasorentsi, poashiniajero,
pisavicacaajeitajena cameetsa aisati;
oquempeta opashiniti caaraiteri ariorica oparii incani!
5Yora panquiveejeitatsiri iriraajeivetea,
iraavajeitaquerorica, incajemajeite inquimoshirete.
6Omavetaquea iriraajeivetea inquijacoterorica oitsoquipee impanquiteri,
iro cantaincha impiajeitaje inquimoshirete impampoyeajeite,
iraamajeitaquero tirico oisopatirentsi iravinajeitaquero.
Currently Selected:
Salmos 126: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
