Génesis 49
49
Yovecarantancarori Israel Icantacoventanaqueri itomipee
1Ari irotimataintsi incame Israel, icajemajeitaqueri itomipee, icantajeitiri:
“Caate, pimpocajeitanaque quempeji. Noncamantajeitempiro avishimojeitempineri coajicani.
2“Aviro itomipee Jacobo.
Pinquemisantajeiteri piri, Israel.
3Aviro RubÉn: avirotaque notomi jivatatsiri itimi
ainiroquerani noshintsitasanotapaini.
Pintearome pijivatacante aisati pimpincatsariteme.
4Iro cantaincha meeca eiro pijivatacaajeitiritsi;
tempa piquempetacaro quimoja shintsijatasanotatsiri,
caari imayeeti iroimpiajayeetero;
tempa poonaitaquenaro nonampire,
te pimpincatsatimatenaji.
5Aviro Simeón aisati Leví, picarataqueri pirenti,
peerani paaquero pivesamento pimanajeitaca.
6Te noncoyeji noncarajeitempi pampatojeitearica;
tempa piquisajeitanaca catsini, poajeitaqueri atiri
aisati picarajitajeitaqueri iitipee vaca shiramparipee.
7¡Eiro ineacameetsayeetimpitsi;
tempa oshequi catsini picatsimatasanotanaque!
¡Novaraasanojeitempi maaroni
pisaviquimojeiteri ishanincapee Israel!
8Aviro Judá, yora pirentipee inquimoshireventajeitempi,
aisati panaacojeiteri maaroni quisajeitempineri.
Yora pirentisanoripee impincatsajeitempi.
9Aviro Judá notomisanori, piquempetacari evancari maniti.
Ariorica yoipacanaquero yoari iovintsane.
Yoivotanaja iquirotanaja quipatsiqui,
iquempetacari antearitasanotatsiri maniti.
¡Tecatsi quempejitearine irashereanteeteariri!
10Tecatsi jocacayempirone pipincatsariventajeitiri pishanincapee,
irosati impocanteari yora Pincatsarisanori.
Iriotaque inquemisantajeitavaqueri maaroni atiripee.
11Yora oisotacotiriri ivorojaniquite ovamashiqui,
yora quivantarori iitsaare oja ova.
12Oquitioncajatacaasanotiri iroquipee,
iranaacotero ovaja,
aisati oquitamaroquiajitacaasanotiri irajipee
anaacotiro otsomija vaca.
13Aviro Zabulón, pisavique avirori otsapijaqui incajare.
Aitaque oataapiniteari antearopee pitotsi.
Aisati aitaque omponeanaqueari piipatsite
irosati anta nampitsiqui Sidón.
14Aviro Isacar, quempetariri aashino shintsitatsiri quijayetirori paitapeerica,
macoreatsiri itimantariqui yoantapinitari.
15Ariorica ineaquero cameetsatasanotatsiri quipatsi,
onimotaqueri pimacoreanteari,
ishineta yoanquetacayeetiri oararontsi,
tecatsi incante imperanayeetearirica.
16Aviro Dan, pijivatacaajeiteri pishanincasanoripee,
pinquempeteari pashinipee pishanincasanori.
17Aisati pinquempeteari maranque quirotachari avotsinampiqui,
atsiquiriri iitiqui cavaayo, impariantanaqueari quijacotariri.
18Notasorentsite, aviro noyeacotiri poavisaacotena.
19Aviro Gad, irimanajeivetempirica quisajeitempine,
iro cantaincha poijanajeitanaqueri iriori.
20Aviro Aser, ontimimotasanotempi poajeiteari.
Avirotaque papinijeiterine pincatsaripee iroyeari.
21Aviro Neftalí, piquempetacari maniro
quenashiyetachari jaocapeerica
aisati cameetsajaniyetatsiri irijanipee.
22Aviro JosÉ, piquempetacaro panquirentsi
shiocatsiri otsapijaqui nija,
timasanotatsiri oitsoqui;
ora ojempequipee ataitanaquero otantotacoro.
23Inquisajeivetempi ajiriquirori pea,
imanajeivetempi ichacopitepeequi,
incanteani irashereajeitempi.
24Iro cantaincha ishintsijempequitasanotaque JosÉ,
incanteani yajiricasanotero iveane;
Pasonquivee Tasorentsi noquemisantiri,
yora mayetirori paitapeerica.
Pasonquivee Amenacoventanari aisati Jocaacoventanari.
25¡Pasonquivee Tasorentsi yora ipincatsatiriri piri,
iriotaque amitacotempine;
aisati Tasorentsi mayetirori maaroni paitarica, intasoncacoventempi!
¡Iroariapinitempiro incani oshiocanteari pivanquirepee!
¡Intasoncacoventempiro incajare saanajatasanotatsiri!
¡Aisati intasoncacoventajeitero atsotayetiriri otomipee aisati timajaniyetatsineri!
26Yora piri icantacoventasanotaquempi avinti,
anaacotaquero icantacoventaquenaniri apani.
Oca nocantacoventajeitaquempiri Tasorentsiqui, oncantaitatiyempani,
irosati ontsoncantajeari toncaaripee;
tempa icoyeetaquempi, panaacojeitaqueri pirentipee.
27Aviro Benjamín, piquempetacari shiavetariri otsiti covencatatsiri,
ariorica oquitaiteamani yoari iovintsane,
ishaaviniji ipashitaarantari itsipapee timaarantatsiri.”
28Iriotaque yocapee carajeitatsiri 12 ishanincasanoripee Israel. Iriojeitaque itomipee icantacoventajeitaqueri aparopeeni Tasorentsiqui.
Icamantacari Israel
29-30Aparo quitaiteri icantiri Israel itomipee:
“Irotaintsi meeca noncame. Ariorica noncamaque, pintijajeitajantena anta quipatsiqui Canaán noncarajeitapaajeri intacantajeitaquenaniri. Timatsi anta omoro imperita pajitachari Macpelá, ora iipatsitequi Efrón yora hitita, montetarori inampi MamrÉ. Irotaque yamanantaqueri peerani Abrahamani intijajeitanteari ishanincapee. 31Aitaque itijaqueriri ishanincapee Abrahamani jero ijinani Sara aisati apani Isaac jero aisati inani Rebeca. Aitaque notijaquerori iroori nojinani Lea. 32Aitaque ocantacari yamanaqueri peerani yora hititapee quipatsi aisati omoro imperita.”
33Itsoncantanacarori Jacobo icantacoventajeitanaqueriri itomipee Tasorentsiqui, ari iponaanaja imaamentoqui, irosati icamantaca.
Currently Selected:
Génesis 49: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
