Salmos 18
18
Patsu'je'cho settapoen'cho
46¡Na'suja tsangae canse!
¡Ñotssi tsu ñama coira'su!
¡Joccapitssia tsu Chiga ñama ccushaen'su!
47Nane tiseja ña Chiga tsu.
Ñama iyiccayesundeccuma patsupa antte
cuintsu poi ande'su aindeccu ñama pañañe.
48Ñama iyiccayesundeccu'ye ñama ccushaemba
ñama patsuye in'jan'chondeccuma patsu.
¡Que, Na'su, qui putsa'su a'i'ye ñama ccushaen!
49Tsa'cansi gi poi andeni japa quema ñotsse afaya.
Settapoen'choma'qque que inisene gi settapoeña.
50Na'suja ande na'suma fuitepa antte
cuintsu iyiccayesundeccuma patsuye.
Nane tise in'jan'cho Davidma tsangae ñotsse tsomba
tsangae tise dushundeccunga'qque ñotsse tson'jeña.
Currently Selected:
Salmos 18: con
Highlight
Share
Compare
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
