Job 11
11
1Tsonsi faesu Job amigo, Zofarja, qquen su:
2Tsain'bitsse injanga afa'jesi pañamba gi afaye in'jan.
Nane aqquia injanga injan'tsse afa'choja bareya'bi.
3¿Injan'tsse afapa ingima ziyaeñe ti qui in'jan?
¿Que sumbia'caen afa'chone afaye osha'fambi
qquen ti qui in'jan?
4Que in'jan'choja tansintssi qquen qui su'je.
Que injama'choni queja ñotssi qquen qui in'jan.
5¡In'jan gi cuintsu Chiga afapa quenga condaye!
6Tiseja osha'cho vanamba atesuqque'suma ñotsse atesuchopa
ñoa'me in'jan'choma quenga atesiaña.
Tsa'caen atesiansi qui Chiga quema mendeye'chove atesupa
in'jaña pa'cco que shacama iñajambichoa've.
7¿Osha ti qui osha'cho Chigane jinchoma atesuye?
¿Nane tise injama'cho in'jan'choma atesuyeta ti qui osha?
8Chiga jincho'choja tise sefacconima ti'tsse joccapitssia tsu.
¿Ma'caen qui tsoñe osha?
Chiga jincho'choja ande tsosini'su changoma ti'tsse ccaninga'o tsu.
¿Ma'caen qui atesuye osha?
9Chiga jincho'choja pa'cco andema ti'tsse'o tsu.
Pa'cco marma ti'tsse attajatssia tsu.
10Chiga jipa a'i injama'choma somboeñe indi'ninda
¿majan tsu tisema se'piya?
11Chigaja majan afopa'chove atesupa
egae tsincon'su tson'choma'qque atesu.
¿Tsa'caen atte'ta tansiañambi ti?
12Nane maqui a'ta tsampi'su boro opave da'ninda,
tsu tsequi a'ta sumbi'qque ñotsse in'jaña.
13Injama'cho tsosipie ño'ame daye in'jamba Chigama iñajanjan.
14Egae tsincomba shacaen'ninda tsu tsama joqquitssiaña'cho.
Se'pija que tsaoni jongoesu egae tsincon'cho can'jensa'ne.
15Tsa'caen tson'da qui giya'tssia camba'juma canjaenqquia'caen
ansangembe'yi dyombi'tsse opatsse canseya.
Currently Selected:
Job 11: con
Highlight
Share
Compare
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
