Isaías 42
42
Na'suma shondo'su
1“Va'tti tsu ñama shondo'su.
Ñajan tisema ñambeve attufaemba
angacamba quiñaen.
Nane tisei'ccu gi avujatssi.
Ña qquendya'pai'ccu tisema in'jaensi
tsu poi ande'su aindeccuma ñotsse mandaya.
2Nane fundoya'bi ni quian'me afaya'bi.
Tsaiquini sheque'chonga tise aya'fama pañaeña'bi.
3Canttini'cco fentendecco'ccoama
u'ccambitsseyi tansiaña.
Ramparia paji'choma fi'ttimbitsseyi anchandaeña.
Tansintsse tsomba tsu ñotsse manda'jeya.
4Quimbiya'bi ni ñombi'yeya'bi
poi andema ñotsse tansintsse mandaya'ngae.
Nane mar'su anttepo'cho'su aindeccu'qque
tise ñotsse mandaya'chove ronda'je'fa.”
5Na'su Chigaja sefaccove agattoemba attajaen.
Andema agattoemba tsa'ye sombo'chondeccuve'qque agattoen.
A'ive'qque tsanga agattoemba qquendyaemba cansian.
Qquen tsu tsaja tisema shondo'sunga su:
6“Ña, Na'su gi quema ttu'sepa
que tivema indipa fendeya
cuintsu queja ccushaen'suve daye.
Quema gi coiraya cuintsu queja
ña aindeccui'ccu injancco'choma canjaemba
cca'indeccuma'qque chanjienqquia'caen in'jaeñe.
7In'jan gi cuintsu queja binindeccuma attiamba
indiyendeccuma'qque ccushaeñe.
Nane indiyepa sinttia'ni can'jendeccuma
qui in'jaemba ccushaeña.
8Ña gi Na'su. Qquen tsu ña inise.
Antteya'bi gi que'i ñanga afaqquia'caen
faesuma tsa'caen ñotsse afa'faye.
Nane se'piya gi que'i ñama iñajambipa
ñoña'cho chigandeccuma iñajan'faye.
9Ña tayoe suqquia'caen tsu ja'ño tsa'caen tson.
Nane ja'ño gi cuna tsoña'chove condaya
cuintsu toya tsombi'te que'i tsane in'jan'faye.”
Currently Selected:
Isaías 42: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
