Amós 5

Na'sunga toequi jiya'cho

Qquen tsu Na'suja su:

21“Que'i injanga Chigama iñajan'cho fiestama gi chi'ga.

Ñoa'me gi que'i bo'fa'choma in'jambi.

22Que'i oque oraemba Chiganga afe'choma ñajan in'jambi.

Que'i trigoma afe'choma'qque gi in'jambi.

Que'i ppu'chotssia vaurama afe'ni'qque ñajan isuya'bi.

Nane que'i ñama ñoquiañe afe'choma'qque gi in'jambi.

23Que'i settapaen'cho quen'ba'osi gi in'jambi.

¡Tsai'ccu ña'ñe biani joqquitssi'faja!

Pañañe in'jambi gi que'i jeñaqque'su jen'jen'choma.

24Tsa'ma na'en ai'jeqquia'caen tsu tansintsse in'jamba mandaya'cho.

Nane na'en sambambe'yi tsangae ja'jeqquia'caen tsu ñotsse tsoña'cho.

25“Israendeccu, que'i cuarenta canqque'fave a'i menia can'jemba ¿ñoa'me ñanga ti qui osha'cho afe'choma fi'ttipa afe'fa? 26Ja'ño qui que'i na'suve Sicutma pañamba o'fe chiga Quiyúnme'qque in'jan'fa. Tsa tisupa ñoña'cho chigandeccuma qui iñajan'fa. 27Ñoa'me gi Damasco ti'tsse joccani que'ima joqquitssian moeña.” Tsa'caen tsu Na'suja su. Tsa Osha'choma Oshacho'cho Chiga qquen tsu tisuma inisian.

Currently Selected:

Amós 5: con

Highlight

Copy