Titus 1
1
Paulus, aus Kjnajcht fa de Goode Norecht
1Paulus, Gott sien Kjnajcht un Jesus Christus sien Apostel, jewält un jeschekjt Gott siene jewälde mettohalpen em Gloowen un en de Erkjantnis von de Woarheit, dee to een gottseeljet Läwen jehieet, 2wuaderch see de Hopninj opp eewjet Läwen haben, daut Gott, dee nich lieejen kaun, vesproaken haud ea Welt un Tiet dän Aunfank hauden. #2Tim 2,13 3Nu oba, en siene bestemde Tiet, es hee, derch daut prädjen, daut hee mie aunvetrud, met sienem Wuat verendach jekomen, soo aus ons Gott un Heilant befolen haud. #Efs 1,9-10
4Ekj schriew dit no Titus, mienen truen Sän, wiels wie beid äwareen jleewen: Jnod un Fräd von Gott, onsem Voda, un Christus Jesus onsem Heilant! #1Tim 1,2
Daut aunstalen vom Jemeenten Väastaunt
5Ekj leet die doawäajen en Kreet, om daut äwaje en Ordnunk to brinjen, un soo aus ekj die befool, en jieda Staut Jemeenten Leidasch auntostalen. #Apost 14,23 6Aun soonen Maun saul nuscht uttosaten sennen. Dee saul mau eene Fru haben, siene Kjinja sellen jleewen, un nich onbandich un onjehuarsom sennen. #(6-9) 1Tim 3,1-7 7Wiels een Leida Gott sien Husvewaulta es, saul aun am nuscht uttosaten sennen; dee saul nich ieejensennich, nich wuttich, nich aum drinkjen veskloft, nich jeltjierich sennen, un aundre nich Jewault aundoonen; #1Kor 4,1; 2Tim 2,24 8oba gaustfrie sennen, no daut goode hinjaraun sennen, veninftich, fromm un heilich sennen un sikj beharschen kjennen. 9Hee saul sikj uk tru aun daut woarhauftje Wuat hoolen, daut hee jelieet haft, daut hee aundre derch eene jesunde Lia vemonen kaun, un uk siene Jäajna strofen.
Jäajen de Oabeit von de Errlierasch
10Wiels besondasch mank de beschnädne Juden sent väl veleidende, wadaspanstje, daugeniksje, windje Schwauza, 11dee noch motten stell jemoakt woaren, wiels see lieren, waut see nich sullen, un brinjen doaderch gaunze Famieljes en de Grunt, un schämen sikj nich onopprechtjen Jewenst doafäa to nämen. 12Von äare ieejne Profeeten haft eena jesajcht: De Kreeta sent emma Lieeja, ruchloose Tieren, fule Frätasch. 13Un soo es daut uk. Ut däm Grunt stal an jrintlich trajcht, daut see em Gloowen jesunt woaren, #2Tim 4,2 14un sikj nich mea om judsche Foblen kjemren, uk nich om Jesazen, dee bloos von Menschen komen, dee de Woarheit veloten haben. #1Tim 4,7; 2Tim 4,4 15Fa de reine es aules rein; oba fa de orreine un onjleewende es nuscht rein, wiels dee sent en Jedanken uk em Jewessen orrein. #Mat 15,11; Reema 14,20 16Dee sajen, see kjanen Gott, oba met äare Woakjen velieejen see daut. Dee sent onjehuarsom, oppscheislich, un doawäajen nich to lieden un to nuscht goodet to brucken. #2Tim 3,5
Currently Selected:
Titus 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.