2. Timotäus 4
4
De Apostel sien Tastament
1Ver Gott un Christus Jesus, dee de Läwendje un de Doodje rechten woat, un dee aus Kjennich met sien Rikj kjemt to harschen, ermon ekj die iernstlich: #1Pet 4,5 2Prädj daut Wuat, auf de Tiet rajcht es ooda nich. Vemon un dreiw, oba bliew doabie jeduldich. Spräakj an Moot too, daut see doaderch waut lieren. #Apost 20,20.31 3Wiels doa woat eene Tiet komen, en dee see de jesunde Lia nich mea vedroagen woaren, un see woaren sikj Lierasch aunschaufen, dee soo lieren aus an daut jefelt, dee an bloos noch de Uaren kjitlen. #1Tim 4,1 4See woaren äare Uaren von de Woarheit wajch dreien un leewa no Foblen horchen. #2Tess 2,11; 1Tim 4,7
5Du oba, bliew en aule Omstend derchjedocht un besonnen. Vesaj nich wan du lieden motst. Doo dienen Deenst soo aus daut eenem Evangelisten tookjemt. #2Tim 2,3 6Wiels ekj woa aul jeopfat, un de Tiet es hia, daut ekj Aufscheet nämen mott. #Flp 2,17 7Ekj hab dän gooden Kaumf jekjamft, ekj hab bat aum Enj utjehoolen, ekj hab Gloowen jehoolen. #Apost 20,24; 1Kor 9,25; Flp 3,14; 1Tim 6,12 8Fa wiedahan licht fa mie eene Jerajchtichkjeits Kroon reed, dee de Har, de jerajchte Rechta mie aun janem Dach jäwen woat. Dee kjrie nich bloos ekj, oba aul dee, dee sikj doa to freien, daut de Har komen woat. #Mat 25,21; 2Tim 2,5; Jak 1,12; 1Pet 5,4; Opb 2,10
Aunwiesungen un Metdeelungen. De Apostel ver Jerecht
9Doo dien mäajlichstet boolt no mie to komen. #2Tim 1,4 10Wäajen, wiels Demas dise Welt soo goot jeworden es, haft hee mie veloten un es no Tessalonich jetrocken. Kreszens es no Galatien #4,10 Eenje oole Schreften sajen Gaul un Titus no Dalmatien jegonen. #(10-12) Kol 4,7.10.14 11Bloos Lukas es noch bie mie. Brinj Markus met, dän kaun ekj em Deenst goot brucken. #Apost 15,37; Kol 4,10 12Oba Tiechikus, dän hab ekj no Efesus jeschekjt. #Efs 6,21 13Wan du kjemst, brinj dän Äwarock met, dän ekj en Troas bie Karpus leet, uk de Bieekja, un gaunz secha uk de Buakrollen. 14Alexanda de Koppaschmett haft mie väl Schoden toojesat. De Har woat am doano beloonen aus siene Woakjen wieren. #1Tim 1,20 15Heed du die fa däm, wiels dee sad sikj onse Lia met aule Jewault jäajenaun.
16Aus ekj daut ieeschte mol em Vehia wia, stunt mie kjeena bie. See veleeten mie aula. Mucht daut nich jäajen an jehoolen woaren. #2Tim 1,15 17Oba de Har stunt mie bie un jeef mie Krauft de Bootschoft to jäwen, daut aule Velkja hieren kunnen, un ekj wort fa däm Leiw sienen Frät veschoont. #Apost 23,11; 27,23 18De Har woat mie ut aulet beese ruträden un secha en sien himlischet Rikj nenbrinjen. Doafäa saul hee von Eewichkjeit to Eewichkjeit jeieet woaren! Amen.
Paulus bestalt to jreessen un wenscht an Jnod
19Jrees Priszilla un Aquilla, un Onesiforus sien gaunzet Hus. #Apost 18,2; 2Tim 1,16 20Erastus bleef en Korint; oba Trofimus leet ekj krank en Milet. #Apost 19,22; 20,4 21Doo aulet mäajelje, noch ver däm Winta to komen. Eubulus, Pudens, Linus, un Klaudia un aule Breeda bestalen die to jreessen. 22Mucht de Har Jesus Christus met dienem Jeist sennen! De Jnod met junt!
Currently Selected:
2. Timotäus 4: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.