Titus 3
3
Daut vehoolen to de Rejierunk un Metmenschen, un de Uasoak wuarom
1Hool an daut väa, daut see de Rejierunk un dee, dee Jewault äwa an haben, sellen jehorchen, un emma reed sennen goodet to doonen. #Reema 13,1; 1Pet 2,13 2See sellen äwa aundre nich schlajchtet räden, un to aule Menschen frädlich, frintlich un leeftolich sennen. #Flp 4,5
3Wiels wie wieren to eene Tiet selfst onveninftich, onjehuarsom, veert, aun veschiedne Lost un Vejnieejen veskloft, un läwden een schlajchtet, aufjenstjet Läwen. Wie worden vestat un vestaden aundre. #1Kor 6,11; Efs 2,2; 5,8; 1Pet 4,3 4Oba aus ons frintelja Gott un Heilant verendach kjeem met woo goot hee aule Menschen wia, #Tit 2,11 5rad hee ons. Daut wia nich, daut wie Jerajchtichkjeits Woakjen opptowiesen hauden, daut wia ut sien ieejnet Metlieden. Wie worden doaderch niejebuaren, daut hee ons wosch, un derch dän Heiljen Jeist nieet Läwen jeef, 6dän hee derch Jesus Christus ons Heilant rikjlich äwa ons komen leet, 7daut wie, nu daut wie derch siene Jnod sent jerajchtfoadicht worden, Oawen sent, wiels wie de Hopninj opp eewjet Läwen haben. #Reema 3,26
Eene toopfotende Oppfodrunk aun Titus
8Dit es een Wuat wuaropp wie ons veloten kjennen, un du saust jrod dit emma wada betoonen, soo daut dee, dee äa vetruen en Gott jesat haben, sikj bemieejen goodet to doonen. Dit es waut goodet, daut aulemaun to nutzen kjemt.
9Oba jeff die nich auf met een onsennjet Jezank un Jestried äwa Jeschlajchts Rejistasch un daut Jesaz, dee kjeenem waut nutzen. #1Tim 1,4; 4,7; 2Tim 2,14 10Wäa Spoolungen aunstalt, sull eemol un dan noch eemol jewoarnt woaren. Dan oba hab wieda nuscht met am to doonen. #Mat 18,15-17; 2Joh 10 11Du weetst, daut soon Mensch em denkjen vekjieet es un wieda sindicht, un sikj doaderch selfst veuadeelt. #1Tim 6,4-5
Perseenliche Oppdräaj un Schluss
12Wan ekj Artemas un Tiechikus no die schekjen woa, dan doo aules, waut du kaust, om no mie no Nikopolis to komen, wiels ekj hab mie väajenomen doa toom Winta to bliewen. #Efs 6,21 13Doo uk aules, waut du kaust Zenas dän Ofkot, un Apollos opp däm Wajch to brinjen un doano to seenen, daut an daut aun nuscht fälen woat. #Apost 18,24; 1Kor 3,5-6 14Un lot onse Menschen uk lieren goodet to doonen, om doa to halpen, wua daut needich fält, daut see nich onfruchtboa bliewen. #Tit 2,14
15Aul dee, dee hia bie mie sent, jreessen junt. Jrees aulem, dee ons em Gloowen goot sent. Mucht de Jnod met junt aula sennen!
Currently Selected:
Titus 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Titus 3
3
Daut vehoolen to de Rejierunk un Metmenschen, un de Uasoak wuarom
1Hool an daut väa, daut see de Rejierunk un dee, dee Jewault äwa an haben, sellen jehorchen, un emma reed sennen goodet to doonen. #Reema 13,1; 1Pet 2,13 2See sellen äwa aundre nich schlajchtet räden, un to aule Menschen frädlich, frintlich un leeftolich sennen. #Flp 4,5
3Wiels wie wieren to eene Tiet selfst onveninftich, onjehuarsom, veert, aun veschiedne Lost un Vejnieejen veskloft, un läwden een schlajchtet, aufjenstjet Läwen. Wie worden vestat un vestaden aundre. #1Kor 6,11; Efs 2,2; 5,8; 1Pet 4,3 4Oba aus ons frintelja Gott un Heilant verendach kjeem met woo goot hee aule Menschen wia, #Tit 2,11 5rad hee ons. Daut wia nich, daut wie Jerajchtichkjeits Woakjen opptowiesen hauden, daut wia ut sien ieejnet Metlieden. Wie worden doaderch niejebuaren, daut hee ons wosch, un derch dän Heiljen Jeist nieet Läwen jeef, 6dän hee derch Jesus Christus ons Heilant rikjlich äwa ons komen leet, 7daut wie, nu daut wie derch siene Jnod sent jerajchtfoadicht worden, Oawen sent, wiels wie de Hopninj opp eewjet Läwen haben. #Reema 3,26
Eene toopfotende Oppfodrunk aun Titus
8Dit es een Wuat wuaropp wie ons veloten kjennen, un du saust jrod dit emma wada betoonen, soo daut dee, dee äa vetruen en Gott jesat haben, sikj bemieejen goodet to doonen. Dit es waut goodet, daut aulemaun to nutzen kjemt.
9Oba jeff die nich auf met een onsennjet Jezank un Jestried äwa Jeschlajchts Rejistasch un daut Jesaz, dee kjeenem waut nutzen. #1Tim 1,4; 4,7; 2Tim 2,14 10Wäa Spoolungen aunstalt, sull eemol un dan noch eemol jewoarnt woaren. Dan oba hab wieda nuscht met am to doonen. #Mat 18,15-17; 2Joh 10 11Du weetst, daut soon Mensch em denkjen vekjieet es un wieda sindicht, un sikj doaderch selfst veuadeelt. #1Tim 6,4-5
Perseenliche Oppdräaj un Schluss
12Wan ekj Artemas un Tiechikus no die schekjen woa, dan doo aules, waut du kaust, om no mie no Nikopolis to komen, wiels ekj hab mie väajenomen doa toom Winta to bliewen. #Efs 6,21 13Doo uk aules, waut du kaust Zenas dän Ofkot, un Apollos opp däm Wajch to brinjen un doano to seenen, daut an daut aun nuscht fälen woat. #Apost 18,24; 1Kor 3,5-6 14Un lot onse Menschen uk lieren goodet to doonen, om doa to halpen, wua daut needich fält, daut see nich onfruchtboa bliewen. #Tit 2,14
15Aul dee, dee hia bie mie sent, jreessen junt. Jrees aulem, dee ons em Gloowen goot sent. Mucht de Jnod met junt aula sennen!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.