Titus 2
2
Waut von Mana, Frues un Sklowen velangt woat
1Du oba motst daut lieren, waut met de jesunde Lia stemt. #2Tim 1,13 2Lia de elre Mana nichta, aunstendich un ierenhauft to sennen, daut see sikj beharschen, eenen jesunden Gloowen haben un leeftolich un jeduldich sent. #1Tim 5,1 3Un jrod soo uk de elre Frues, daut see sikj ierenhauft oppfieren, soo aus daut heilje tookjemt. See sellen nich Pludarie driewen, uk nich aum Wien veskloft sennen. See sellen aundre goodet lieren. #1Tim 3,11 4De elre Frues sellen de junge ermootjen äare Mana un Kjinja goot to sennen, 5jescheit un frintlich to sennen, rein em Charakta, sikj beharschen, äare Husoabeit verechten un äare Mana unjadon sennen, daut äwa Gott sien Wuat nich jelastat woat. #Efs 5,22
6Jrod soo spräakj de junge Mana Moot too, sikj selfst to beharschen. 7En aul disem go du met een goodet Biespel un eene reine, iernste Lia veropp. #(7 un 8) 2Tim 2,15; 1Pet 2,15; 1Tim 4,12; 1Pet 5,3 8Räd heelsome Wieed, dee nich to veuadeelen sent, daut diene Jäajnasch sikj schämen motten, wiels see ons nuscht schlajchtet noräden kjennen.
9Saj de Sklowen, daut see äare Haren en aules sellen unjadon sennen, an toom Jefaulen läwen, un nich jäajenaun räden. #(9 un 10) Efs 6,5-6; 1Tim 6,1-2; 1Pet 2,18 10See sellen nich von an stälen, oba bewiesen, daut opp an to veloten es, daut see de Lia von Gott un Jesus Christus doaderch auntrakjent moaken.
Gott siene Jnod fa aule Menschen
11Wiels Gott siene seelichmoakende Jnod es fa aule Menschen verendach jekomen. #Tit 3,4 12Dee lieet ons uk de gottloose un weltliche Liedenschoften auftosajen, ons to beharschen un opprechtich un gottesferchtich en dise Welt to läwen, 13wäarent wie no de seelje Hopninj luaren, daut ons groota Gott un Heilant Jesus Christus en Harlichkjeit komen woat, #1Kor 1,7; Flp 3,20; 1Tess 1,10 14dee sikj selfst hanjeef ons von aule Ojjerajchtichkjeit to raden, om fa sikj een Volkj to reinjen, daut hee selfst ieejent, un daut jieren goodet doonen well. #2Mo 19,5; Gal 1,4; Efs 2,10; 1Tim 2,6
15Dit es dan waut du lieren saust. Ermon un vemon soo aus daut sikj jehieet. Lot die von kjeenem veachten. #1Tim 4,12
Currently Selected:
Titus 2: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Titus 2
2
Waut von Mana, Frues un Sklowen velangt woat
1Du oba motst daut lieren, waut met de jesunde Lia stemt. #2Tim 1,13 2Lia de elre Mana nichta, aunstendich un ierenhauft to sennen, daut see sikj beharschen, eenen jesunden Gloowen haben un leeftolich un jeduldich sent. #1Tim 5,1 3Un jrod soo uk de elre Frues, daut see sikj ierenhauft oppfieren, soo aus daut heilje tookjemt. See sellen nich Pludarie driewen, uk nich aum Wien veskloft sennen. See sellen aundre goodet lieren. #1Tim 3,11 4De elre Frues sellen de junge ermootjen äare Mana un Kjinja goot to sennen, 5jescheit un frintlich to sennen, rein em Charakta, sikj beharschen, äare Husoabeit verechten un äare Mana unjadon sennen, daut äwa Gott sien Wuat nich jelastat woat. #Efs 5,22
6Jrod soo spräakj de junge Mana Moot too, sikj selfst to beharschen. 7En aul disem go du met een goodet Biespel un eene reine, iernste Lia veropp. #(7 un 8) 2Tim 2,15; 1Pet 2,15; 1Tim 4,12; 1Pet 5,3 8Räd heelsome Wieed, dee nich to veuadeelen sent, daut diene Jäajnasch sikj schämen motten, wiels see ons nuscht schlajchtet noräden kjennen.
9Saj de Sklowen, daut see äare Haren en aules sellen unjadon sennen, an toom Jefaulen läwen, un nich jäajenaun räden. #(9 un 10) Efs 6,5-6; 1Tim 6,1-2; 1Pet 2,18 10See sellen nich von an stälen, oba bewiesen, daut opp an to veloten es, daut see de Lia von Gott un Jesus Christus doaderch auntrakjent moaken.
Gott siene Jnod fa aule Menschen
11Wiels Gott siene seelichmoakende Jnod es fa aule Menschen verendach jekomen. #Tit 3,4 12Dee lieet ons uk de gottloose un weltliche Liedenschoften auftosajen, ons to beharschen un opprechtich un gottesferchtich en dise Welt to läwen, 13wäarent wie no de seelje Hopninj luaren, daut ons groota Gott un Heilant Jesus Christus en Harlichkjeit komen woat, #1Kor 1,7; Flp 3,20; 1Tess 1,10 14dee sikj selfst hanjeef ons von aule Ojjerajchtichkjeit to raden, om fa sikj een Volkj to reinjen, daut hee selfst ieejent, un daut jieren goodet doonen well. #2Mo 19,5; Gal 1,4; Efs 2,10; 1Tim 2,6
15Dit es dan waut du lieren saust. Ermon un vemon soo aus daut sikj jehieet. Lot die von kjeenem veachten. #1Tim 4,12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.