Psalmen 132

132

De Staut von däm Harn un vom Kjennich

1Een Leet opp de Reis no Jerusalem to sinjen. Har, denkj aun David un aun aul siene lieden. 2Hee deed die, Har, eenen Eit schwieren, un vespruak die, Jakob sienen majchtjen Gott: 3Ekj woa nich en mien Hus nenn gonen, ooda mie em Bad lajen; #(3-5) 2Sam 7,2; Apost 7,46 4ekj woa miene Uagen nich schlopen loten un miene Uagenläda nich loten schleeprich sennen, 5bat ekj fa dän Harn eene Städ finj, eene Woninj fa Jakob sienen majchtjen Gott.

6Wie hieeden en Efrata von diene Bundeskjist; wie fungen dee em Launt Jaar. 7Well wie no sienen Wonplauz gonen, un am ver siene Footbenkj aunbäden. 8Moak die opp, oo Har, un komm no dienen Ruplauz, du un diene majchtje Bundeskjist. #4Mo 10,35; 2Chr 6,41; Psa 78,61 9Lot diene Priesta sikj met Jerajchtichkjeit kjleeden un lot diene heilje sikj freien. 10Om dienen Deena David sient haulwen, doo dienen jesaulften Kjennich nich wajch schekjen.

11De Har haft David een woaren Eit jeschwuaren un woat daut uk nich trigjnämen: Ekj woa eenen von diene Säns opp dän Troon saten. #Psa 89,4-5; Heb 6,17 12Wan diene Säns mienen Bunt un miene Väaschreften onen Fäla hoolen woaren, dee ekj an lia, dan woat von äare Säns opp emma eena opp dienen Troon setten.

13Wiels de Har haft sikj Zion jewält; daut es waut Hee fa siene Woninj haben wull. #Psa 68,17; 76,3 14Dit es eewich miene Ru, hia well ekj opp däm Troon setten, wiels daut es soo aus ekj daut well. 15Ekj woa Zion met väl Väarot säajnen; äare oame woa ekj jenuach to äten jäwen. 16Ekj woa äare Priesta met Radunk kjleeden, un äare heilje sellen met Freiden sinjen. 17Hia woa ekj ut eenen von David siene Nokomen eenen grooten Kjennich moaken, un fa mienen Jesaulwden eene Laump oppstalen. #1Sam 2,10; 1Kjen 11,36 18Siene Fiend woa ekj met Schaund kjleeden, oba siene schienende Kroon es Bewies, daut siene Macht woat toonämen.

Currently Selected:

Psalmen 132: PB

Highlight

Compare

Copy