Psalmen 129
129
Sea unjadrekjt, oba nich venicht
1Een Leet opp de Reis no Jerusalem to sinjen. Dee haben mie von Jugent aun foaken unjadrekjt. Lot Israel nu sajen: 2Dee haben mie von Jugent aun foaken sea unjadrekjt, oba dee haben mie nich unjajekjräajen. 3Plieeja haben opp mienen Rigjen jeplieecht un lange Foaren jetrocken. #Jes 51,23 4Oba de Har es jerajcht; dee haft de beese äare Strenj tweijeschnäden, daut ekj looskjeem.
5Muchten dee aula, dee jäajen Zion fientlich sent, toschaund woaren un trigjgonen motten. 6Muchten see soo sennen aus Graus opp däm Dak, daut doa vedrieecht ea daut waussen kaun. 7Met soon Graus kaun de Grausschnieda sikj nich de Haunt voll moaken, un de Goawenbinja nich een Oarmvoll kjrieen. 8Muchten dee, dee doa vebiegonen, nich sajen: Däm Harn sien Säajen met die; ooda, wie säajnen die em Harn sien Nomen! #Rut 2,4
Currently Selected:
Psalmen 129: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
