Psalmen 124
124
Onse Help kjemt von Gott
1Een Leet von David, opp de Reis no Jerusalem to sinjen. Wan de Har nich met ons jewast wia, soo saul Israel sajen, 2wan de Har nich met ons jewast wia, aus Menschen ons aunjreepen, 3aus äa Oaja jäajen ons oppflaumd, dan hauden dee ons läwendich oppjeschlukt. 4Wie wudden en daut toobende Wota vedrunken sennen, un de jefäadelja Stroom wudd ons äwa de Seel jegonen sennen. #Psa 69,16; 42,8 5Daut rietende Wota wudd ons wajch jeräten haben.
6Wie lowen Gott, dee ons nich hanjeef, daut see ons kunnen tweschen äare Tänen kjrieen! 7Wie sent wajch jekomen, soo aus een Voagel ut dän Voagel Schlenja sien Nat; dee Schlenj es tweijeräten, un wie sent wajch jekomen.
8Onse Help es en dän Harn sien Nomen, dee Himmel un Ieed jemoakt haft.
Currently Selected:
Psalmen 124: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
