Psalmen 122
122
Frädenswensch fa Jerusalem
1Een Leet von David, opp de Reis no Jerusalem to sinjen. Ekj freid mie met dee, dee doa säden: Well wie nom Gotteshus gonen! #(1 un 2) Psa 26,8; Hes 48,35 2Onse Feet stonen en diene Puaten, oo Jerusalem.
3Jerusalem es doatoo jebut, daut et eene Staut es, wua Menschen toopkomen sellen. 4Daut es wua dän Harn siene Stam han gonen, dän Harn sienen Nomen to lowen, soo aus Israel väajeschräwen wia. 5Wiels doa stonen de Troonen, Jerecht to hoolen, de Troonen dee ut David siene Famielje komen.
6Bät daut Jerusalem mucht Fräd haben. Mucht daut et dee goot gonen wudd, dee die goot sent. #Sach 4,7 7Mucht doa Fräd sennen tweschen diene Wenj, un daut et en diene Paulausten jlekjlich toojeit. 8Om miene Breeda un Frind äat haulwen saj ekj: Ekj well die Fräd wenschen. 9Om dän Harn onsen Gott sien Hus sient haulwen, well ekj dien bastet sieekjen.
Currently Selected:
Psalmen 122: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
