Nehemia 7
7
De Woakdeenst en Jerusalem woat jeräajelt
1Aus wie de Mia foadich jebut hauden, honk ekj de Puaten en, un de Puatenwajchta, de Sinja un de Leviten worden enjesat. 2Un ekj stald mienen Brooda Hanani, un Hananja däm väaschten äwa de vesechade Städ, waut een gottesferchtja Maun wia un vetruen haud, äwa Jerusalem aun. 3Un ekj säd to an: Jie sellen de Puaten von Jerusalem nich opmoaken, ea de Sonn woam schienen deit. Un jie sellen de Puaten wada toomoaken un veräajlen, wan de Sonn noch huach aum Himmel steit. Un jie sellen von de Birja en Jerusalem Wajchta aunstalen. Een Deel saul de jefäadelje Städen besaten, un de aundre sellen jäajen äare Hiesa woaken.
De List von de trigjetrokne Juden
(Esra 2,1-70)
4De Staut oba wia groot un haud väl Rum, oba weinich Enwona doabennen, un de Hiesa wieren noch nich wada oppjebut. 5Un mien Gott jeef mie de Jedanken en, de aunjeseene Lied un de Rotsharen un daut gaunze Volkj tooptoroopen, om dee no äa Jeschlajchtsrejista entoschriewen. Ekj funk bie dise Jeläajenheit daut Rejista von dee, dee daut ieeschte trigjekomen wieren, un funk doabennen jeschräwen: 6Dit sent de Lied von de Launtschoft Juda, waut ut de Jefangenschoft häajetrocken sent, waut Nebukadnezar, de Kjennich von Babel, wajchjefieet haud un wada trigj no Juda un Jerusalem kjeemen, een jiedra no siene Staut. 7See kjeemen met, met Serubabel, Jeschua, Nehemja, Asarja, Raamja, Nahamani, Mordochai, Bilschan, Misperet, Bigwai, Rehum un Baana. Un dit es de Zol von de Mana vom Volkj Israel: 8Parosch siene Nokomen 2.172. 9Schefatja siene Nokomen 372. 10Arach siene Nokomen 652. 11Pahat Moab siene Nokomen, de Säns von Jeschua un Joab, 2.818. 12Elam siene Nokomen 1.254. 13Satu siene Nokomen 845. 14Sakai siene Nokomen 760. 15Binnui siene Nokomen 648. 16Bebai siene Nokomen 628. 17Asgad siene Nokomen 2.322. 18Adonikam siene Nokomen 667. 19Bigwai siene Nokomen 2.067. 20Adin siene Nokomen 655. 21Ater siene Nokomen, de Säns von Hiskija 98. 22Haschum siene Nokomen 328. 23Bezai siene Nokomen 324. 24Harif siene Nokomen 112. 25De Mana von Gibeon 95. 26De Mana von Betlehem un Netofa 188. 27De Mana von Anatot 128. 28De Mana von Bet Asmawet 42. 29De Mana von Kirjat Jearim, Kefira un Beerot 743. 30De Mana von Rama un Geba 621. 31De Mana von Michmas 122. 32De Mana von Betel un Ai 123. 33De Nokomen von däm aundren Nebo 52. 34De Nokomen von däm aundren Elam 1.254. 35De Nokomen von Harim 320. 36De Mana von Jericho 345. 37De Mana von Lod, Hadid un Ono 721. 38Un de Nokomen von Senaa 3.930.
39De Priesta: Jedaja siene Nokomen, ut Jeschua siene Famielje, 973. 40Von Immer siene Nokomen 1.052. 41Von Paschhur siene Nokomen 1.247. 42Un von Harim siene Nokomen 1.017.
43De Leviten: Jeschua siene Nokomen, de Säns von Kadmiel, Binnui un Hodawja, 74.
44De Sinja: Von Asaf siene Nokomen 148.
45De Puatenwajchta: Von Schalum siene Nokomen, de Säns von Ater, Talmon, Akub, Hatita un Schobai, aules toop 138.
46De Tempeldeena: De Nokomen von Ziha, Hasufa, Tabaot, 47Keros, Sia, Padon, 48Lebana, Hagaba, Salmai, 49Hanan, Giddel, Gahar, 50Reaja, Rezin, Nekoda, 51Gasam, Usa, Paseach, 52un Besai. Un de Säns von de Meunita un Nefusita. 53Un de Nokomen von Bakbuck, Hakufa, Harhur, 54Bazlut, Mehida, Harscha, 55Barkos, Sisera, Temach, 56Neziach un Hatifa.
57De Nokomen von Salomo siene Sklowen: De Nokomen von Sotai, Soferet, Peruda, 58Jaala, Darkon, Giddel, 59Schefatja, Hatil, Pocheret Zebajim un Amon. 60Aul de Nokomen von de Tempeldeena un Salomo siene Sklowen wieren 392.
61Un dit sent de Lied, waut uk met hiahan trocken von Tel Melach, Tel Harscha, Kerub Adon un Immer, waut oba nich oppwiesen kunnen, auf äare Gruppen un dee äare Nokomen ut Israel staumden: 62De Nokomen von Delaja, Tobija un Nekoda 642. 63Un von de Priesta: de Nokomen von Habaja, Hakoz un Barsillai, dee äa Staumvoda eene Dochta von däm Gileadita Barsillai to Fru jenomen haud un no däm siene Nomen jenant wort. 64Dise sochten no äa Jeschlajchtsrejista, un aus see daut nich fungen, worden see von däm Priestadeenst utjeschloten. 65Un de Vewaulta veboot an, von de heilje Gowen to äten, bat een Priesta fa de heilje Lessa “Urim un Tummim” oppträden deed. #2Mo 28,30; 4Mo 18,9; 1Sam 14,41
66De gaunze Vesaumlunk tald aules toop 42.360, 67buta äare Sklowen un Sklowinnen; daut wieren 7.337, un doatoo noch 245 Mana un Frues waut Sinja wieren. 68Un see hauden 736 Pieed, 245 Mulasch, 435 Kameelen un 6.720 Äsels.
69Un eenje Leida von de Volkjsgruppen jeewen waut fa dän Bu. De Vewaulta jeef to daut Kaptol 1.000 Golt Stekja, 50 Opfakommen un 530 Priestakjleeda. 70Un eenje Leida von de Volkjsgruppen jeewen to daut Woakj 20.000 Golt Stekja, un 2.200 Punt Selwa. 71Un daut äwaje Volkj jeef 20.000 Golt Stekja un 2.000 Punt Selwa un 67 Priestakjleeda. 72Un de Priesta un de Leviten, de Puatenwajchta, de Sinja un eenje aundre Lied un de Tempeldeena un gaunz Israel siedelden en äare Städa aun.
Esra moakt daut Volkj met Gott sien Jesaz bekaunt
Aus de säwende Moonat jekomen wia un de Israeliten en äare Städa wieren,
Currently Selected:
Nehemia 7: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
