Markus 9

1Un hee säd to an: Ekj saj junt de Woarheit: Hia stonen eenje, dee dän Doot nich derchmoaken woaren, bat see daut Gottesrikj haben seenen en Krauft komen.

Dree Jinja seenen Jesus veharlicht

(Mat 17,1-9; Luk 9,28-36)

2Om sas Doag neem Jesus Petrus, Jakobus un Johanes met sikj opp eenen huagen Boajch nopp, wua see auleen wieren, un doa ver an wort hee met eemol vewaundelt. 3Siene Kjleeda worden witta aus Schnee, soo witt, aus dee kjeen Wauscha opp de Ieed moaken kaun. 4Dan kjeem Elia met Moses doahan, un see unjahilden sikj met Jesus. 5Petrus säd to Jesus: Har, #9,5 ooda Rabi daut es goot daut wie hia sent. Well wie hia dree Booden oppstalen, eene fa die, eene fa Moses un eene fa Elia. 6Hee enjst sikj soo, daut hee nich wist, waut hee sajen sull. 7Dan kjeem eene Wolkj äwa an, soo daut see em Schauten wieren. Un ut de Wolkj säd eene Stemm to an: Dit es mien leewa Sän; doot waut hee sajcht! #Mrk 1,11; 2Pet 1,17 8See kjikjten sikj fuaz om, oba sagen sest kjeenem mea bie an aus bloos Jesus. 9Aus see vom Boajch rauf kjeemen, befool hee an, daut kjeenem to sajen, waut see jeseenen hauden, bat de Menschensän wudd vom Doot oppjestonen sennen. #Mrk 8,30 10Soo hilden see daut fa sikj selfst un fruagen sikj unjarenaunda, waut vom Doot oppstonen meenen kunn.

Äwa daut Komen von däm Profeet Elia

11Un see fruagen am: Wuarom sajen de Schreftjelieede, daut Elia ieescht komen mott? 12Jesus säd: Elia kjemt ieescht, wada aules häatostalen. Un wuarom steit dan noch jeschräwen, daut de Menschensän mott väl lieden un veschmäten woaren? #Jes 53,3-5; Mal 3,23 13Oba ekj saj junt: Elia es aul jekomen, un see deeden met am, jrod waut see wullen, soo aus von am jeschräwen steit. #1Kjen 19,2.10; Mat 11,14

Jesus heelt eenen Jung met eenem orreinen Jeist

(Mat 17,14-20; Luk 9,37-43)

14Un aus hee no de aundre Jinja kjeem, sach hee väl Volkj rom an, un daut de Schreftjelieede sikj met an streeden. 15Un aus de Menschen Jesus sagen, wundaden see sikj äwa am un randen han am to bejreessen. 16Un hee fruach an: Äwa waut stried jie junt met an? 17Dan auntwuad eena utem Volkj: Meista, ekj brocht die mienen Sän, dee eenen stommen Jeist haft. 18Un wan dee am to hoolen kjricht, schmitt dee am opp de Ieed; un dan schumt dee utem Mul un gnorscht met de Tänen un woat stiew. Un ekj säd diene Jinja, see sullen dän rut driewen, un dee kunnen daut nich. 19Jesus säd: Oo woo schwak es daut met dise Menschen äa Gloowen bestalt! Woo lang saul ekj bie junt sennen? Woo lang saul ekj mie met junt noch aufjäwen? Brinjt mie dän Jung häa! 20Un see brochten dän Jung no am. Un aus de Jeist Jesus sach, schmeet hee dän Jung em Aunstoot. Un aus hee opp de Ieed foll, rold hee sikj un schumd ut däm Mul. 21Jesus #9,21 Oole Schreften sajen hee. fruach däm Jung sienen Voda: Woo lang haft hee aul hiamet to doonen jehaut? Hee säd: Von Kjint aun. 22Dee haft am foaken em Fia ooda em Wota jeschmäten, om am doottomoaken. Oba wan du irjentwaut doonen kaust, dan hab Metleet un halp ons! 23Auf ekj kaun? säd Jesus. Aules es mäajlich fa dän, dee doa jleeft. 24Dän Jung sien Voda roopt #9,24 Eenje oole Schreften sajen un en Tronen. plazlich ut: Ekj jleew; halp mie en mienem Ongloowen! 25Aus Jesus daut Volkj doa sach hanranen, beschwicht hee dän orreinen Jeist un säd: Du doowa stomma Jeist, ekj jebeed die ut am rut to komen un niemols mea trigj nenn to foaren! 26Dan kjreesch de Jeist un schmeet am noch eemol en eenen schrakjeljen Aunstoot un veleet am. Dän Jung sach daut soo no eenem Dooden, daut de mieeschte säden: Dee es doot. #Mrk 1,26 27Oba Jesus foot am aun de Haunt un hoof am aun, un hee stunt wada opp. 28Un aus hee trigj em Hus kjeem, fruagen siene Jinja am em vetruen, wuarom see dän Jeist nich hauden kunt rutdriewen. 29Hee säd to an: Soone Jeista aus dit komen derch sest nuscht rut aus derch daut Jebäd. #9,29 Eenje oole Schreften sajen un fausten.

Jesus rät toom tweeden Mol von sienem Stoawen

(Mat 17,22-23; Luk 9,43-45)

30See veleeten doa dan un jinjen derch Galiläa. Jesus wull nich haben, daut irjentwäa wist wua see wieren. 31Hee lieed siene Jinja un säd: De Menschensän woat de Menschen en de Henj jejäft woaren. Dee woaren am doot moaken; oba om dree Doag woat hee oppstonen. #Mrk 8,31; 10,32-34 32Oba see vestunden nich waut hee meend un ferchten sikj, am to froagen. #Luk 18,34

Wäa es de jratsta?

(Mat 18,1-5; Luk 9,46-48)

33Dan kjeemen see no Kapernaum. Un aus see ieescht em Hus bennen wieren, fruach hee an: Wuaräwa streed jie junt hinjawäajes? 34See oba wieren stell; wiels see hauden sikj hinjawäajes doaräwa jesträden, wäa von an de jratsta wia. 35Jesus sad sikj dol un roopt de Twalw un säd: Wäa de jratsta sennen well, mott sikj selfst aus dän jerinjsten stalen un aulemauns Deena sennen. #Mat 23,11; Mrk 10,43-44; Luk 22,26-27 36Dan neem hee een kjlienet Kjint un stald daut medden mank an. Un aus hee daut opp däm Oarm neem, säd hee to an: 37Wäa eent von dise kjliene Kjinja en mienen Nomen oppnemt, nemt mie opp; un wäa mie oppnemt, nemt nich mie opp, oba dän, dee mie jeschekjt haft. #Mat 10,40

Wäa nich jäajen ons es, es met ons

(Luk 9,49-50)

38Dan auntwuad Johanes am un säd: Meista, wie sagen wäm #9,38 Eenje oole Schreften sajen dee nich eent von ons es. en dienen Nomen beese Jeista utdriewen, un wie vebooden am daut, wiels hee nich eena von ons wia. #4Mo 11,27-28 39Oba Jesus säd: Daut sull jie däm nich vebeeden. Wäa en mienem Nomen Wunda deit, kaun nich soo boolt doaropp schlajchtet von mie räden. #1Kor 12,3 40Wäa nich jäajen ons es, es opp onse Sied. #Mat 12,30; Luk 11,23

41Ekj saj junt de Woarheit: Wäa junt en mienen Nomen, un doawäajen wiels jie Christus aunjehieren, eenen Drunk Wota jeft, däm woat daut nich onbeloont bliewen. #Mat 10,42

Vesieekjungen to sindjen: Woo dee komen

(Mat 18,6-9; Luk 17,1-2)

42Un wäa eent von dise kjliene, dee aun mie jleewen, eene Uasoak jeft to faulen, fa däm wia daut bäta, daut am een Molsteen aum Jenekj jehongen un em Mäa jeschmäten wort. 43Un wan diene Haunt die veuasoakt to sindjen, hak dee auf! Daut es fa die bäta, wan du en dit Läwen mau eene Haunt hast, aus beid Henj to haben un en de Hal to komen, wua daut Fia niemols utjeit, #Mat 5,30 44(wua äare Warm nich dootgonen un daut Fia nich utjeit). #9,44 De baste oole Schreften haben disen Varsch nich. 45Un wan dien Foot die veuasoakt to sindjen, hak dän auf! Daut es fa die bäta, wan du lom derch dit Läwen jeist, aus beid Feet to haben un en de Hal jeschmäten to woaren, en daut Fia daut niemols utjeit, 46(wua äare Warm nich dootgonen un daut Fia niemols utjeit.) #9,46 De baste oole Schreften haben disen Varsch nich. 47Un wan dien Uag die veuasoakt to sindjen, riet daut rut! Daut es bäta fa die met een Uag en daut Gottesrikj to komen, aus twee Uagen to haben un en daut Halenfia jeschmäten to woaren, #Mat 5,29 48wua äare Warm nich dootgonen un daut Fia nich utjeit. #Jes 66,24

Een iernstet Wuat aun de Jinja

(Mat 5,13-35)

49Wie motten aula met Fia jesolten woaren. (Un aule Opfa woaren met Solt jesolten.) #9,49 Eenje oole Schreften haben nich Un aule Opfa woaren met Solt jesolten. 50Solt es goot; oba wan daut Solt ieescht nich mea soltich es, wuamet jeit daut wada soltich to moaken? Habt Solt en junt selfst un hoolt Fräd unjarenaunda! #Mat 5,13; Luk 14,34; Kol 4,6

Currently Selected:

Markus 9: PB

Highlight

Compare

Copy