Josua 4
4
De Steena aus Tieekjen toom Aunjedenkj
1Aus daut gaunze Volkj ieescht derch däm Jordan jegonen wia, säd de Har to Josua: 2Wält junt twalf Mana, ut jieda Staum eenen, 3un lot an twalf Steena medden ut däm Jordan holen, von dee Städ, wua de Priesta stonen. Un see sellen de Steena metnämen un dort hanlajen, wua jie Nacht bliewen woaren. 4Dan roopt Josua de twalf Mana, waut hee ut Israel bestalt haud, ut jieda Staum eenen, 5un säd to an: Got no däm Harn, junen Gott, siene Bundeskjist, medden em Jordan, un häft junt doa jieda eenen grooten Steen oppe Schulla, soo väl Steena, aus Stam em Volkj Israel sent, 6om daut dee een Tieekjen en june Medd sent! Wan june Kjinja junt nohäa froagen: Waut bedieden junt dise Steena? #2Mo 12,26 7dan sell jie an sajen: Wiels daut Wota vom Jordan ver däm Harn siene Bundeskjist aufjeschnäden wort, aus see dee derch däm Jordan druagen, sellen dise Steena fa Israel fa aule Tieden een Aundenkjen sennen. 8De Mana deeden soo aus Josua jesajcht haud un holden twalf Steena ut däm Jordan, fa jieda Staum von Israel eenen, soo aus de Har to Josua jesajcht haud. Un see brochten dee bat däm Loagaplauz met un läden dee doa han.
9Un Josua stald medden em Jordan, opp dee Städ wua de Priesta met de Bundeskjist stonen jebläwen wieren, uk twalf Steena opp. Un dee Steena sent doa vondoag noch.
10De Priesta bleewen met de Bundeskjist soo lang em Jordan stonen, bat aules verecht wia, waut de Har daut Volkj derch Josua jesajcht haud, krakjt soo aus Moses Josua daut väajesajcht haud. Un daut Volkj jinkj, soo bosich aus daut kunn, derch dän drieejen Riefa. 11Aus ieescht daut gaunze Volkj äwajegonen wia, dan jinjen de Priesta met däm Harn siene Bundeskjist uk äwa no de aundre Kaunt un jinjen wada ver daut Volkj. 12De Mana von de Stam Ruben un Gad un dän haulwen Staum Manasse jinjen toom Kaumf bewaufnet ver de aundre Israeliten, soo aus Moses an daut jesajcht haud. #Jos 1,12-16 13Bie 40.000 Kjrieja jinjen unja däm Harn siene Aunleidunk toom Kaumf en daut Jordantol bie Jericho. 14Aun disen Dach jeef de Har Josua een grootet aunseenen ver daut gaunze Volkj. Un de Israeliten hauden sien läwen lank Forcht fa am, soo aus see fa Moses Forcht jehaut hauden. #Jos 3,7
15Dan säd de Har to Josua: 16Doo de Priesta, waut de Kjist met daut Jesaz droagen, sajen, daut see ut däm Jordan rutkomen! 17Dan säd Josua to de Priesta: Komt ut däm Jordan rut! 18Un aus de Priesta, waut däm Harn siene Bundeskjist druagen, met äare Feet ut däm Jordan rut opp drieejen Grunt staupten, kjeem daut Wota vom Jordan wada soo aus verhäa un stieech äwa de Kaunten. 19Daut wia aum 10. Dach en de 1. Moonat, aus daut Volkj ut däm Jordan kjeem; un see loagaden sikj en Gilgal, aun de Oostjrens von Jericho. #Jos 5,9-10 20Un de twalf Steena, waut see ut däm Jordan metjenomen hauden, recht Josua en Gilgal opp 21un säd to de Israeliten: Wan june Kjinja nohäa äare Vodasch froagen: Waut dise Steena bedieden? #Jos 4,6 22Dan vetalt an, woo daut Volkj Israel met drieeje Feet derch däm Jordan jegonen es, 23aus de Har, jun Gott, dän Jordan ver junt utdrieejen leet, bat jie doa derchjegonen wieren. Krakjt soo aus hee daut Schelpmäa ver ons utdrieejen leet, om daut wie doa derchgonen kunnen. #2Mo 14,21-22; Jos 3,9-17 24Doaraun sellen aule Velkja oppe Ieed, däm Harn siene Macht kjanen lieren, un jie selfst sellen däm Harn, junen Gott, aulentiet ferchten.
Currently Selected:
Josua 4: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Josua 4
4
De Steena aus Tieekjen toom Aunjedenkj
1Aus daut gaunze Volkj ieescht derch däm Jordan jegonen wia, säd de Har to Josua: 2Wält junt twalf Mana, ut jieda Staum eenen, 3un lot an twalf Steena medden ut däm Jordan holen, von dee Städ, wua de Priesta stonen. Un see sellen de Steena metnämen un dort hanlajen, wua jie Nacht bliewen woaren. 4Dan roopt Josua de twalf Mana, waut hee ut Israel bestalt haud, ut jieda Staum eenen, 5un säd to an: Got no däm Harn, junen Gott, siene Bundeskjist, medden em Jordan, un häft junt doa jieda eenen grooten Steen oppe Schulla, soo väl Steena, aus Stam em Volkj Israel sent, 6om daut dee een Tieekjen en june Medd sent! Wan june Kjinja junt nohäa froagen: Waut bedieden junt dise Steena? #2Mo 12,26 7dan sell jie an sajen: Wiels daut Wota vom Jordan ver däm Harn siene Bundeskjist aufjeschnäden wort, aus see dee derch däm Jordan druagen, sellen dise Steena fa Israel fa aule Tieden een Aundenkjen sennen. 8De Mana deeden soo aus Josua jesajcht haud un holden twalf Steena ut däm Jordan, fa jieda Staum von Israel eenen, soo aus de Har to Josua jesajcht haud. Un see brochten dee bat däm Loagaplauz met un läden dee doa han.
9Un Josua stald medden em Jordan, opp dee Städ wua de Priesta met de Bundeskjist stonen jebläwen wieren, uk twalf Steena opp. Un dee Steena sent doa vondoag noch.
10De Priesta bleewen met de Bundeskjist soo lang em Jordan stonen, bat aules verecht wia, waut de Har daut Volkj derch Josua jesajcht haud, krakjt soo aus Moses Josua daut väajesajcht haud. Un daut Volkj jinkj, soo bosich aus daut kunn, derch dän drieejen Riefa. 11Aus ieescht daut gaunze Volkj äwajegonen wia, dan jinjen de Priesta met däm Harn siene Bundeskjist uk äwa no de aundre Kaunt un jinjen wada ver daut Volkj. 12De Mana von de Stam Ruben un Gad un dän haulwen Staum Manasse jinjen toom Kaumf bewaufnet ver de aundre Israeliten, soo aus Moses an daut jesajcht haud. #Jos 1,12-16 13Bie 40.000 Kjrieja jinjen unja däm Harn siene Aunleidunk toom Kaumf en daut Jordantol bie Jericho. 14Aun disen Dach jeef de Har Josua een grootet aunseenen ver daut gaunze Volkj. Un de Israeliten hauden sien läwen lank Forcht fa am, soo aus see fa Moses Forcht jehaut hauden. #Jos 3,7
15Dan säd de Har to Josua: 16Doo de Priesta, waut de Kjist met daut Jesaz droagen, sajen, daut see ut däm Jordan rutkomen! 17Dan säd Josua to de Priesta: Komt ut däm Jordan rut! 18Un aus de Priesta, waut däm Harn siene Bundeskjist druagen, met äare Feet ut däm Jordan rut opp drieejen Grunt staupten, kjeem daut Wota vom Jordan wada soo aus verhäa un stieech äwa de Kaunten. 19Daut wia aum 10. Dach en de 1. Moonat, aus daut Volkj ut däm Jordan kjeem; un see loagaden sikj en Gilgal, aun de Oostjrens von Jericho. #Jos 5,9-10 20Un de twalf Steena, waut see ut däm Jordan metjenomen hauden, recht Josua en Gilgal opp 21un säd to de Israeliten: Wan june Kjinja nohäa äare Vodasch froagen: Waut dise Steena bedieden? #Jos 4,6 22Dan vetalt an, woo daut Volkj Israel met drieeje Feet derch däm Jordan jegonen es, 23aus de Har, jun Gott, dän Jordan ver junt utdrieejen leet, bat jie doa derchjegonen wieren. Krakjt soo aus hee daut Schelpmäa ver ons utdrieejen leet, om daut wie doa derchgonen kunnen. #2Mo 14,21-22; Jos 3,9-17 24Doaraun sellen aule Velkja oppe Ieed, däm Harn siene Macht kjanen lieren, un jie selfst sellen däm Harn, junen Gott, aulentiet ferchten.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.