Josua 3
3
Israel jeit derch däm Jordan
1Aum näakjsten Morjen muak Josua sikj tiedich opp, un trock met daut gaunze Volkj toop ut Schittim un see kjeemen bat aum Jordan. Doa loagaden see sikj dan un reiwden sikj ut, ea see äwa jinjen. #4Mo 25,1 2No dree Doag jinjen de Oppsechta derch daut Loaga 3un säden to daut Volkj: Wan jie seenen, daut de Priesta von däm Staum Levi däm Harn, junen Gott, siene Bundeskjist ut daut Loaga droagen, dan moakt junt opp un got hinjaraun! 4Dee woat junt dän Wajch wiesen, wiels jie sent däm noch niemols jegonen. Komt oba nich too dicht bie de Bundeskjist, doot ojjefäa 1.000 Schrett von dee aufbliewen! 5Un Josua säd to daut Volkj: Moakt junt reed! Un sorcht doafäa, daut jie rein sent, soo aus de Har daut von sien Volkj velangt. Wiels morjen woat de Har een Wunda fa junt doonen. #2Mo 19,10 6Aum näakjsten Dach säd Josua to de Priesta: Nämt de Bundeskjist un got ver daut Volkj derch däm Jordan! Dan hoowen see de Bundeskjist opp äare Schulren un jinjen veropp ver daut Volkj. #Jos 6,6 7De Har säd to Josua: Vondoag well ekj aunfangen, die ver daut gaunze Volkj Israel groot to moaken, om daut see weeten: Daut ekj die soo biestonen doo, aus ekj Moses biejestonen hab. #Jos 1,5.17; 4,14 8Un du jeff de Priesta, dee de Bundeskjist droagen, de Aunordnunk: Fuaz wan jie dän ieeschten Schrett en daut Wota vom Jordan jemoakt haben, dan blieft stonen!
9Dan roopt Josua daut Volkj no sikj un säd: Horcht, waut de Har, jun Gott, junt sajen lat! 10Doaraun sell jie daut moakjen, daut een läwendja Gott bie junt es un daut hee de Kanaanita, Hetita, Hiwita, Perisita, Girgasita, Amorita un Jebusita ver junt vedriewen woat: 11Horcht emol, de Kjist met däm Bunt, von däm Harn, dee aules rejieet, woat ver junt en dän Jordan nengonen. 12Wält junt twalf Mana, ut jieda Staum von Israel eenen. 13Wan dan de Priesta, waut däm Harn, dee aules rejieet, siene Bundeskjist droagen, en daut Wota vom Jordan stelstonen, dan woat daut Wota vom Jordan, waut von bowen raufrant, soo aus een Daum stonen bliewen un nich wiedaranen. #Psa 97,5; Micha 4,13; Sach 4,14 14Aus daut Volkj dan ut äare Zelten rut trock, om derch dän Jordan to gonen, un de Priesta de Bundeskjist ver daut Volkj druagen 15un aun dän Jordan kjeemen un äare Feet väaren em Wota endukten, wiels de Jordan wia en de gaunze Arnt Tiet soo voll jeworden daut dee äwarand, 16dan bleef daut Wota stonen, waut von bowen raufkjeem, un recht sikj opp soo aus een Daum, wiet nopp, bie de Staut Adam, waut dicht bie Zaretan licht. Oba daut Wota, waut nom Soltmäa rand, daut rand auf. Un soo kunn daut gaunze Volkj jäajen Jericho met drieeje Feet derch däm Jordan gonen. #2Mo 14,21-22; Psa 114,3 17De Priesta, waut de Kjist met däm Harn sienen Bunt druagen, bleewen medden em Jordan opp drieeje Grunt stonen, un gaunz Israel jinkj opp drieeje Grunt, bat daut gaunze Volkj aun de aundre Sied Jordan aunjekomen wia.
Currently Selected:
Josua 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Josua 3
3
Israel jeit derch däm Jordan
1Aum näakjsten Morjen muak Josua sikj tiedich opp, un trock met daut gaunze Volkj toop ut Schittim un see kjeemen bat aum Jordan. Doa loagaden see sikj dan un reiwden sikj ut, ea see äwa jinjen. #4Mo 25,1 2No dree Doag jinjen de Oppsechta derch daut Loaga 3un säden to daut Volkj: Wan jie seenen, daut de Priesta von däm Staum Levi däm Harn, junen Gott, siene Bundeskjist ut daut Loaga droagen, dan moakt junt opp un got hinjaraun! 4Dee woat junt dän Wajch wiesen, wiels jie sent däm noch niemols jegonen. Komt oba nich too dicht bie de Bundeskjist, doot ojjefäa 1.000 Schrett von dee aufbliewen! 5Un Josua säd to daut Volkj: Moakt junt reed! Un sorcht doafäa, daut jie rein sent, soo aus de Har daut von sien Volkj velangt. Wiels morjen woat de Har een Wunda fa junt doonen. #2Mo 19,10 6Aum näakjsten Dach säd Josua to de Priesta: Nämt de Bundeskjist un got ver daut Volkj derch däm Jordan! Dan hoowen see de Bundeskjist opp äare Schulren un jinjen veropp ver daut Volkj. #Jos 6,6 7De Har säd to Josua: Vondoag well ekj aunfangen, die ver daut gaunze Volkj Israel groot to moaken, om daut see weeten: Daut ekj die soo biestonen doo, aus ekj Moses biejestonen hab. #Jos 1,5.17; 4,14 8Un du jeff de Priesta, dee de Bundeskjist droagen, de Aunordnunk: Fuaz wan jie dän ieeschten Schrett en daut Wota vom Jordan jemoakt haben, dan blieft stonen!
9Dan roopt Josua daut Volkj no sikj un säd: Horcht, waut de Har, jun Gott, junt sajen lat! 10Doaraun sell jie daut moakjen, daut een läwendja Gott bie junt es un daut hee de Kanaanita, Hetita, Hiwita, Perisita, Girgasita, Amorita un Jebusita ver junt vedriewen woat: 11Horcht emol, de Kjist met däm Bunt, von däm Harn, dee aules rejieet, woat ver junt en dän Jordan nengonen. 12Wält junt twalf Mana, ut jieda Staum von Israel eenen. 13Wan dan de Priesta, waut däm Harn, dee aules rejieet, siene Bundeskjist droagen, en daut Wota vom Jordan stelstonen, dan woat daut Wota vom Jordan, waut von bowen raufrant, soo aus een Daum stonen bliewen un nich wiedaranen. #Psa 97,5; Micha 4,13; Sach 4,14 14Aus daut Volkj dan ut äare Zelten rut trock, om derch dän Jordan to gonen, un de Priesta de Bundeskjist ver daut Volkj druagen 15un aun dän Jordan kjeemen un äare Feet väaren em Wota endukten, wiels de Jordan wia en de gaunze Arnt Tiet soo voll jeworden daut dee äwarand, 16dan bleef daut Wota stonen, waut von bowen raufkjeem, un recht sikj opp soo aus een Daum, wiet nopp, bie de Staut Adam, waut dicht bie Zaretan licht. Oba daut Wota, waut nom Soltmäa rand, daut rand auf. Un soo kunn daut gaunze Volkj jäajen Jericho met drieeje Feet derch däm Jordan gonen. #2Mo 14,21-22; Psa 114,3 17De Priesta, waut de Kjist met däm Harn sienen Bunt druagen, bleewen medden em Jordan opp drieeje Grunt stonen, un gaunz Israel jinkj opp drieeje Grunt, bat daut gaunze Volkj aun de aundre Sied Jordan aunjekomen wia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.