Josua 21
21
De Leviten äare Wonstäden
1Dan kjeemen de Leida von de Volkjsgruppen ut däm Staum Levi no däm Priesta Eleasar un no Josua, Nun sienen Sän, un no de Leida von de Volkjsgruppen ut de aundre Stam von Israel #(1-3) Jos 14,1; 4Mo 35,2-8 2no Silo em Launt Kanaan un räden met an un säden: De Har haft derch Moses aunjeordnet, daut ons Städa jejäft woaren toom wonen, un Weidstapen fa ons Vee. 3Dan jeewen de Israeliten de Leviten no däm Harn sien Wuat von äa Oafgoot dise Städa un äare Weidstapen.
4Bie de Endeelunk foll daut ieeschte Loss opp de Volkjsgruppen von Kehat siene Nokomen. Un de Nokomen von däm Priesta Aaron von de Leviten kjrieejen von de Stam Juda, Simeon un Benjamin derch daut Loss 13 Städa. #4Mo 3,17-39 5De äwaje Volkjsgruppen von Kehat worden derch daut Loss tieen Städa von de Volkjsgruppen ut de Stam Efraim, Dan un dän haulwen Staum Manasse toojedeelt. 6De Volkjsgruppen von Gerschon siene Nokomen kjrieejen von de Volkjsgruppen ut de Stam Isachar, Asser, Naftali un dän haulwen Staum Manasse en Baschan derch daut Loss 13 Städa. 7De Volkjsgruppen von Merari siene Nokomen worden twalf Städa ut de Stam Ruben, Gad un Sebulon toojedeelt. 8Soo jeewen de Israeliten de Leviten derch daut Loss dise Städa un äare Weidstapen, soo aus de Har daut derch Moses aunjeordnet haud.
Kehat siene Nokomen äare Städa
9Von däm Staum Juda un däm Staum Simeon jeewen see dise Städa, waut met Nomen jenant sent, 10no Aaron siene Nokomen von Kehat siene Grupp ut däm Staum Levi, wiels daut ieeschte Loss wia opp an jefollen. 11See jeewen an de Staut von Arba, dee Anak sien Voda wia, waut nu Hebron es, opp daut Boajlaunt en Juda, met de Weidstap runtom. #Jos 20,7 12Daut Akalaunt un de Darpa waut to de Staut jehieed, jeewen see Kaleb, Jefune sienen Sän, aus Oafgoot. #Jos 14,14; 15,13 13See jeewen däm Priesta Aaron siene Nokomen de Friestaut Hebron, waut fa de Dootschlonasch bestemt wia, met äare Weidstap toop. Un wieda kjrieejen see Libna met äare Weidstap, 14Jatir un äare Weidstap, Eschtemoa un äare Weidstap, 15Holon un äare Weidstap, Debir un äare Weidstap, 16Ajin un äare Weidstap, Jutta un äare Weidstap, un Bet Schemesch un äare Weidstap. Daut wieren näajen Städa von dise beid Stam. #1Sam 6,12.15
17Von däm Staum Benjamin jeewen see vea Städa: Gibeon, Geba, 18Anatot un Alemet met äare Weidstapen toop. #Jer 1,1 19Aules toop hauden de Priesta, Aaron siene Nokomen, 13 Städa met äare Weidstapen.
20De äwaje Volkjsgruppen, von de Leviten von Kehat siene Nokomen, worden vea Städa ut däm Staum Efraim derch daut Loss toojedeelt. 21See jeewen an de Friestaut fa de Dootschlonasch: Sichem un de Weidstap opp daut Boajlaunt en Efraim, un Gesser met äare Weidstap, #Jos 20,7 22un Kibzajim un Bet Horon met äare Weidstapen. 23Un von däm Staum Dan vea Städa: Elteke met äare Weidstap, Gibbeton met äare Weidstap, 24Ajalon met äare Weidstap un Gat Rimmon met äare Weidstap. 25Un von däm haulwen Staum Manasse twee Städa: Taanach un Gat Rimmon met äare Weidstapen. 26Daut sent aules toop tieen Städa met äare Weidstapen toop fa de äwaje Volkjsgruppen von Kehat siene Nokomen.
Gerschon siene Nokomen äare Städa
27De Volkjsgruppen von de Leviten von Gerschon siene Nokomen worden twee Städa ut däm haulwen Staum Manasse jejäft: De Friestaut fa de Dootschlonasch: Golan en daut Launtstekj Baschan un Beeschtera met äare Weidstapen toop. #Jos 20,8 28Un von däm Staum Isachar vea Städa: Kischjon, Daberat, 29Jarmut un En Ganim met äare Weidstapen toop. 30Un vom Staum Asser vea Städa: Mischal, Abdon, 31Helkat un Rehob met äare Weidstapen toop. 32Un von däm Staum Naftali dree Städa: De Friestaut fa de Dootschlonasch: Kedesch en Galiläa, Hamot Dor un Kartan met äare Weidstapen toop. #Jos 20,7 33Dit wieren aules toop 13 Städa met Weidstapen toop, waut de Gerschonita jehieeden.
Merari siene Nokomen äare Städa
34De äwaje Leviten, de Volkjsgruppen von Merari siene Nokomen, kjrieejen von däm Staum Sebulon vea Städa: Jokneam, Karta, 35Dimna un Nahalal met äare Weidstapen toop. 36Un von däm Staum Ruben vea Städa: Bezer, de Friestaut fa de Dootschlonasch, opp de huage Staplauntschoft, un Jahaz, #Jos 20,8 37Kedemot un Mefaat met äare Weidstapen toop. 38Un von däm Staum Gad vea Städa: Ramot en Gilead, de Friestaut fa de Dootschlonasch, #Jos 20,8 39Mahanajim, Heschbon un Jaser met äare Weidstapen toop. 40Aul dise twalf Städa jehieeden de äwaje Leviten, de Volkjsgruppen von Merari siene Nokomen.
41Aules toop kjrieejen de Leviten medden en daut Launt von de Israeliten 48 Städa met äare Weidstapen toop. 42Bie dise Städa wia daut emma de Staut, un daut Weidlaunt runtom. Soo wia daut bie aule Städa.
Gott haft sien Vespräakjen jehoolen
43Soo jeef de Har Israel daut gaunze Launt, waut hee äare Vodasch jeschwuaren haud to jäwen. Un see neemen daut en un wonden doabennen. #1Mo 12,7 44Un de Har jeef an runtom Fräd, soo aus hee äare Vodasch daut vesproaken haud. Kjeena von äare Fiend kunn jäajen an bestonen, wiels de Har jeef dee aula en äare Jewault. #5Mo 12,9-10 45Soo haud de Har aul siene Vespräakjungen erfelt; nuscht wia utjebläwen von daut goode, waut hee sien Volkj Israel vesproaken haud. Daut wia aula soo jekomen. #Jos 23,14; 1Kjen 8,56
Currently Selected:
Josua 21: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Josua 21
21
De Leviten äare Wonstäden
1Dan kjeemen de Leida von de Volkjsgruppen ut däm Staum Levi no däm Priesta Eleasar un no Josua, Nun sienen Sän, un no de Leida von de Volkjsgruppen ut de aundre Stam von Israel #(1-3) Jos 14,1; 4Mo 35,2-8 2no Silo em Launt Kanaan un räden met an un säden: De Har haft derch Moses aunjeordnet, daut ons Städa jejäft woaren toom wonen, un Weidstapen fa ons Vee. 3Dan jeewen de Israeliten de Leviten no däm Harn sien Wuat von äa Oafgoot dise Städa un äare Weidstapen.
4Bie de Endeelunk foll daut ieeschte Loss opp de Volkjsgruppen von Kehat siene Nokomen. Un de Nokomen von däm Priesta Aaron von de Leviten kjrieejen von de Stam Juda, Simeon un Benjamin derch daut Loss 13 Städa. #4Mo 3,17-39 5De äwaje Volkjsgruppen von Kehat worden derch daut Loss tieen Städa von de Volkjsgruppen ut de Stam Efraim, Dan un dän haulwen Staum Manasse toojedeelt. 6De Volkjsgruppen von Gerschon siene Nokomen kjrieejen von de Volkjsgruppen ut de Stam Isachar, Asser, Naftali un dän haulwen Staum Manasse en Baschan derch daut Loss 13 Städa. 7De Volkjsgruppen von Merari siene Nokomen worden twalf Städa ut de Stam Ruben, Gad un Sebulon toojedeelt. 8Soo jeewen de Israeliten de Leviten derch daut Loss dise Städa un äare Weidstapen, soo aus de Har daut derch Moses aunjeordnet haud.
Kehat siene Nokomen äare Städa
9Von däm Staum Juda un däm Staum Simeon jeewen see dise Städa, waut met Nomen jenant sent, 10no Aaron siene Nokomen von Kehat siene Grupp ut däm Staum Levi, wiels daut ieeschte Loss wia opp an jefollen. 11See jeewen an de Staut von Arba, dee Anak sien Voda wia, waut nu Hebron es, opp daut Boajlaunt en Juda, met de Weidstap runtom. #Jos 20,7 12Daut Akalaunt un de Darpa waut to de Staut jehieed, jeewen see Kaleb, Jefune sienen Sän, aus Oafgoot. #Jos 14,14; 15,13 13See jeewen däm Priesta Aaron siene Nokomen de Friestaut Hebron, waut fa de Dootschlonasch bestemt wia, met äare Weidstap toop. Un wieda kjrieejen see Libna met äare Weidstap, 14Jatir un äare Weidstap, Eschtemoa un äare Weidstap, 15Holon un äare Weidstap, Debir un äare Weidstap, 16Ajin un äare Weidstap, Jutta un äare Weidstap, un Bet Schemesch un äare Weidstap. Daut wieren näajen Städa von dise beid Stam. #1Sam 6,12.15
17Von däm Staum Benjamin jeewen see vea Städa: Gibeon, Geba, 18Anatot un Alemet met äare Weidstapen toop. #Jer 1,1 19Aules toop hauden de Priesta, Aaron siene Nokomen, 13 Städa met äare Weidstapen.
20De äwaje Volkjsgruppen, von de Leviten von Kehat siene Nokomen, worden vea Städa ut däm Staum Efraim derch daut Loss toojedeelt. 21See jeewen an de Friestaut fa de Dootschlonasch: Sichem un de Weidstap opp daut Boajlaunt en Efraim, un Gesser met äare Weidstap, #Jos 20,7 22un Kibzajim un Bet Horon met äare Weidstapen. 23Un von däm Staum Dan vea Städa: Elteke met äare Weidstap, Gibbeton met äare Weidstap, 24Ajalon met äare Weidstap un Gat Rimmon met äare Weidstap. 25Un von däm haulwen Staum Manasse twee Städa: Taanach un Gat Rimmon met äare Weidstapen. 26Daut sent aules toop tieen Städa met äare Weidstapen toop fa de äwaje Volkjsgruppen von Kehat siene Nokomen.
Gerschon siene Nokomen äare Städa
27De Volkjsgruppen von de Leviten von Gerschon siene Nokomen worden twee Städa ut däm haulwen Staum Manasse jejäft: De Friestaut fa de Dootschlonasch: Golan en daut Launtstekj Baschan un Beeschtera met äare Weidstapen toop. #Jos 20,8 28Un von däm Staum Isachar vea Städa: Kischjon, Daberat, 29Jarmut un En Ganim met äare Weidstapen toop. 30Un vom Staum Asser vea Städa: Mischal, Abdon, 31Helkat un Rehob met äare Weidstapen toop. 32Un von däm Staum Naftali dree Städa: De Friestaut fa de Dootschlonasch: Kedesch en Galiläa, Hamot Dor un Kartan met äare Weidstapen toop. #Jos 20,7 33Dit wieren aules toop 13 Städa met Weidstapen toop, waut de Gerschonita jehieeden.
Merari siene Nokomen äare Städa
34De äwaje Leviten, de Volkjsgruppen von Merari siene Nokomen, kjrieejen von däm Staum Sebulon vea Städa: Jokneam, Karta, 35Dimna un Nahalal met äare Weidstapen toop. 36Un von däm Staum Ruben vea Städa: Bezer, de Friestaut fa de Dootschlonasch, opp de huage Staplauntschoft, un Jahaz, #Jos 20,8 37Kedemot un Mefaat met äare Weidstapen toop. 38Un von däm Staum Gad vea Städa: Ramot en Gilead, de Friestaut fa de Dootschlonasch, #Jos 20,8 39Mahanajim, Heschbon un Jaser met äare Weidstapen toop. 40Aul dise twalf Städa jehieeden de äwaje Leviten, de Volkjsgruppen von Merari siene Nokomen.
41Aules toop kjrieejen de Leviten medden en daut Launt von de Israeliten 48 Städa met äare Weidstapen toop. 42Bie dise Städa wia daut emma de Staut, un daut Weidlaunt runtom. Soo wia daut bie aule Städa.
Gott haft sien Vespräakjen jehoolen
43Soo jeef de Har Israel daut gaunze Launt, waut hee äare Vodasch jeschwuaren haud to jäwen. Un see neemen daut en un wonden doabennen. #1Mo 12,7 44Un de Har jeef an runtom Fräd, soo aus hee äare Vodasch daut vesproaken haud. Kjeena von äare Fiend kunn jäajen an bestonen, wiels de Har jeef dee aula en äare Jewault. #5Mo 12,9-10 45Soo haud de Har aul siene Vespräakjungen erfelt; nuscht wia utjebläwen von daut goode, waut hee sien Volkj Israel vesproaken haud. Daut wia aula soo jekomen. #Jos 23,14; 1Kjen 8,56
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.