Josua 19

Däm Staum Simeon sien Oafgoot

1Daut tweede Loss foll opp däm Staum Simeon met siene Volkjsgruppen. Un äa Oafgoot wia medden en daut Launtstekj von Juda. #1Mo 49,5 2Un doabowen lagen dise foljende Städa: Beerscheba, Schema, Molada, #1Mo 21,14.31.33 3Hazar Schual, Baala, Ezem, 4Eltolad, Betul, Horma, 5Ziklag, Bet Markabot, Hazar Susa, 6Bet Lebaot un Scharuhen. Daut sent 13 Städa met äare aunligjende Darpa. 7Buta däm Ajin, Rimmon, Eter un Aschan. Daut sent vea Städa met äare aunligjende Darpa, 8un doatoo aul de Siedlungen, waut rom dise Städa ligjen, bat Baalat Beer un Rama em Sieden. Dit es daut Oafgoot fa de Volkjsgruppen ut däm Staum Simeon. 9Däm Staum Simeon sien Oafgoot es ut däm Deel von däm Staum Juda jenomen. Wiels de Staum Juda mea Launt jekjräajen haud aus hee brukt, kjrieech de Staum Simeon sien Oafgoot medden en daut Launtstekj von Juda.

Däm Staum Sebulon sien Oafgoot

10Daut dredde Loss foll opp däm Staum Sebulon met siene Volkjsgruppen. Un sien Launtstekj rieekjt em Siedoosten bat Sarid, #1Mo 49,13 11un von doa jeit de Jrens nom Wasten äwa Marala un Dabeschet bat aun daut Tol nom Wasten han von Jokneam. 12De Oostjrens jeit von Sarid ut nom Nuaden aun daut Launtstekj Kislot Tabor vebie no Daberat un von doa no Jafia. 13Un von doa jeit dee nom Oosten no Gat Hefer un Etkazin un äwa Rimmon un dan rom no Nea; 14un von doa jeit de Nuadjrens nom Wasten äwa Hanaton no daut Tol von Jiftachel. 15Un doatoo noch de Städa Katat, Nahalal, Schimron, Jidala un Betlehem. Daut sent aules toop twalf Städa met äare aunligjende Darpa toop. #Rech 1,30 16Dise Städa met äare Darpa toop troff däm Staum Sebulon met siene Volkjsgruppen aus Oafgoot.

Däm Staum Isachar sien Oafgoot

17Daut vieede Loss foll opp däm Staum Isachar met siene Volkjsgruppen. #1Mo 49,14 18Sien Launtstekj rieekjt bat Jesreel, Kesullot, Schunem, #2Kjen 4,8 19Hafarajim, Schion, Anaharat, 20Rabit, Kischjon, Ebez, 21Remet, En Ganim, En Hada un Bet Pazez. 22De Jrens jeit aun däm Boajch Tabor äwa Schahazajim un Bet Schemesch bat aum Jordan. 16 Städa met äare Darpa toop. 23Dise Städa met äare Darpa toop es daut Oafgoot fa däm Staum Isachar met siene Volkjsgruppen.

Däm Staum Asser sien Oafgoot

24Daut fefte Loss foll opp däm Staum Asser met siene Volkjsgruppen. #1Mo 49,20 25Un de Siedjrens von sien Launt jeit von Helkat, äwa Hali, Beten, Achschaf, 26Alamelech, Amad un Mischal bat aum Boajch Karmel un nom Riefa Libnat. 27Aun de aundre Sied jeit de Jrens em Oosten no Bet Dagon un kjemt bat aun de Jrens vom Staum Sebulon un bat daut Tol von Jiftachel nom Nuaden han, un dan wieda äwa Bet Emek un Negiel un dan linkjsch no Kabul, 28Abdon, Rehob, Hamon un Kana bat aun daut Launt von de groote Staut Sidon. 29Doa dreit de Jrens rom no Rama un jeit bat de fauste Staut Tierus, un dreit doa no Hosa un jeit bat aum Mäa. To daut Launtstekj von Asser jehieeden uk Mahaleb, Achsib, #Jos 15,44; Rech 1,31 30Umma, Afek un Rehob. Aules toop 22 Städa met äare aunligjende Darpa toop. 31Dit gaunze Launtstekj, met Städa un Darpa, foll däm Staum Asser met siene Volkjsgruppen aus Oafgoot too.

Däm Staum Naftali sien Oafgoot

32Daut saste Loss foll opp däm Staum Naftali met siene Volkjsgruppen. #1Mo 49,21 33Un siene Jrens jeit von Helef, von däm Ieekjenboom bie Zaananim, un dan wieda äwa Adami Nekeb un Jabneel, no Lakum un rieekjt bat aum Jordan. 34Un von doa jeit dee nom Wasten no Asnot Tabor un von doa no Huckok, un kjemt em Sieden aun Sebulon naun, em Wasten aun Asser un em Oosten aum Jordan. 35Un de fauste Städa opp dit Launt sent: Ziddim, Zer, Hamat, Rakat, Kinneret, 36Adama, Rama, Hazor, 37Kedesch, Edrei, En Hazor, 38Jiron, Migdal El, Horem, Bet Anat un Bet Schemesch, aules toop 19 Städa met äare aunligjende Darpa toop. #Rech 1,33 39Dit gaunze Launtstekj, met Städa un Darpa toop, foll däm Staum Naftali met siene Volkjsgruppen aus Oafgoot too.

Däm Staum Dan sien Oafgoot

40Daut säwende Loss foll opp däm Staum Dan met siene Volkjsgruppen. #1Mo 49,16 41Un sien Launtstekj rieekjt äwa de Städa Zora, Eschtaol, Ir Schemesch, 42Schaalbim, Ajalon, Jitla, 43Elon, Timna, Ekron, #Jos 15,10 44Elteke, Gibbeton, Baalat, 45Jehud, Bene Berak, Gat Rimmon, 46Mejarkon, un Rakon met de Jäajent bie Jafo. #Jona 1,3 47Däm Staum Dan oba jinkj sien Oafgoot veloaren, un de Mana von Dan jinjen un kjamften jäajen Leschem un neemen daut en un schluagen de Enwona met däm Schwieet doot. See ieejenden sikj daut too, un wonden doa bennen un nanden daut Dan, no däm Nomen von äaren Staumvoda. #Rech 18,27-29 48Dit es daut Oafgoot von däm Staum Dan met siene Volkjsgruppen, met Städa un Darpa toop.

De Aufschluss von de Launt Vedeelunk un Josua sien Deel

49Aus see daut Launt en eenselne Flekja enjedeelt hauden, jeewen de Israeliten Josua, Nun sienen Sän, een Oafgoot en äare Medd. 50No däm Harn sien Wuat jeewen see am de Staut, waut hee foddad, Timnat Serach opp daut Boajlaunt en Efraim. Un Josua bud de Staut wieda opp un wond doa bennen. #Jos 24,30; Rech 2,9

51Dit sent de Deelen von daut Launt, waut de Priesta Eleasar, un Josua, Nun sien Sän, un de Leida von de Volkjsgruppen von de Stam en Israel, en Silo ver däm Harn, ver däm Engank von daut Vesaumlungszelt, derch daut Loss vedeelden. Soo wort de Launt Vedeelunk aufjeschloten. #Jos 14,1; 18,1

Currently Selected:

Josua 19: PB

Highlight

Copy

Compare